Welcome to Canadian Punjabi Post
Follow us on

29

March 2024
ਬ੍ਰੈਕਿੰਗ ਖ਼ਬਰਾਂ :
ਕਿਸਾਨ ਮਜ਼ਦੂਰ ਜੱਥੇਬੰਦੀ ਵੱਲੋਂ 26 ਮਾਰਕੀਟ ਕਮੇਟੀਆਂ ਦਾ ਪ੍ਰਬੰਧ 9 ਨਿੱਜੀ ਸਾਇਲੋ ਗੁਦਾਮਾਂ ਨੂੰ ਦੇਣ ਦੀ ਸਖ਼ਤ ਨਿਖੇਦੀਕੇਜਰੀਵਾਲ ਮਾਮਲੇ 'ਚ ਸੰਯੁਕਤ ਰਾਸ਼ਟਰ ਦਾ ਬਿਆਨ: ਕਿਹਾ- ਸਾਰਿਆਂ ਦੇ ਅਧਿਕਾਰਾਂ ਦੀ ਰਾਖੀ ਹੋਣੀ ਚਾਹੀਦੀ ਹੈਰਿਸ਼ੀ ਸੁਨਕ ਦੀ ਸਰਕਾਰ ਨੇ ਬਰਤਾਨੀਆਂ `ਚ ਮੰਦਰਾਂ ਦੀ ਸੁਰੱਖਿਆ ਲਈ 50 ਕਰੋੜ ਰੁਪਏ ਦਾ ਬਜਟ ਅਲਾਟ ਕਰਨ ਦਾ ਕੀਤਾ ਫੈਸਲਾਪ੍ਰਨੀਤ ਕੌਰ ਤੇ ਸੁਨੀਲ ਜਾਖੜ ਦੀ ਮੌਜੂਦਗੀ 'ਚ ਪਟਿਆਲਾ ਤੋਂ ਕਈ ਪ੍ਰਮੁੱਖ ਆਗੂ ਭਾਜਪਾ 'ਚ ਸ਼ਾਮਿਲਪੀ.ਐਸ.ਪੀ.ਸੀ.ਐਲ. ਦਾ ਸਹਾਇਕ ਲਾਈਨ ਮੈਨ 15 ਹਜ਼ਾਰ ਰੁਪਏ ਰਿਸ਼ਵਤ ਲੈਂਦਾ ਵਿਜੀਲੈਂਸ ਬਿਊਰੋ ਵੱਲੋਂ ਕਾਬੂ ਗੋਵਿੰਦਾ ਵੀ ਸਿਆਸਤ 'ਚ ਉਤਰੇ, ਸਿ਼ਵ ਸੈਨਾ ਸਿ਼ੰਦੇ 'ਚ ਹੋਏ ਸ਼ਾਮਿਲਜੇ ਲੋੜ ਪਈ ਤਾਂ ਅਗਨੀਵੀਰ ਯੋਜਨਾ 'ਚ ਬਦਲਾਅ ਕਰਾਂਗੇ : ਰਾਜਨਾਥ ਸਿੰਘਦੇਸ਼ ਦੀਆਂ ਅਮੀਰ ਔਰਤਾਂ ਵਿਚੋਂ ਸਭ ਤੋਂ ਅਮੀਰ ਔਰਤ ਸਾਵਿਤਰੀ ਜਿੰਦਲ ਭਾਜਪਾ `ਚ ਹੋਏ ਸ਼ਾਮਲ
 
ਟੋਰਾਂਟੋ/ਜੀਟੀਏ

ਅਮਰੀਕੀ ਡਰਾਈਵਰ ਕੋਲੋਂ ਮਿਲੀ 181 ਕਿੱਲੋ ਮੈਰੀਯੁਆਨਾ ਤੇ 6 ਲੱਖ ਦੀ ਨਕਦੀ

June 05, 2023 11:29 PM

ਓਨਟਾਰੀਓ, 5 ਜੂਨ (ਪੋਸਟ ਬਿਊਰੋ) : ਗਲਤ ਮੋੜ ਲੈਣ ਉਪਰੰਤ ਕੈਨੇਡੀਅਨ ਬਾਰਡਰ ਨੂੰ ਪਾਰ ਕਰਨ ਲਈ ਲਾਈਨ ਵਿੱਚ ਲੱਗਣ ਵਾਲੇ ਇੱਕ ਅਮਰੀਕੀ ਡਰਾਈਵਰ ਨੂੰ ਆਰਸੀਐਮਪੀ ਵੱਲੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਸ ਕੋਲੋਂ ਹਜ਼ਾਰਾਂ ਡਾਲਰ ਦੀ ਕੀਮਤ ਦੀ ਮੈਰੀਯੁਆਨਾ ਤੇ ਵੱਡੀ ਮਾਤਰਾ ਵਿੱਚ ਨਕਦੀ ਵੀ ਬਰਾਮਦ ਹੋਈ ਹੈ।
ਆਰਸੀਐਮਪੀ ਅਨੁਸਾਰ ਸੁ਼ੱਕਰਵਾਰ ਨੂੰ ਇਹ 60 ਸਾਲਾ ਡਰਾਈਵਰ ਜੀਪੀਐਸ ਨਾਲ ਤਾਲਮੇਲ ਬਿਠਾ ਕੇ ਅੱਗੇ ਵੱਧ ਰਿਹਾ ਸੀ ਕਿ ਅਚਾਨਕ ਗਲਤ ਮੋੜ ਲੈ ਕੇ ਬਾਰਡਰ ਪਾਰ ਕਰਨ ਲਈ ਨਾਇਗਰਾ ਫਾਲਜ਼, ਓਨਟਾਰੀਓ ਵਿੱਚ ਰੇਨਬੋਅ ਬ੍ਰਿੱਜ ਦੇ ਪੋਰਟ ਆਫ ਐਂਟਰੀ ਵਾਲੀ ਲਾਈਨ ਵਿੱਚ ਆ ਲੱਗਿਆ।ਇੱਥੇ ਚੱਤੋ ਪਹਿਰ ਨਿਗਰਾਨੀ ਲਈ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ (ਸੀਬੀਐਸਏ) ਤਾਇਨਾਤ ਰਹਿੰਦੀ ਹੈ।ਜਦੋਂ ਡਰਾਈਵਰ ਦੀ ਜਾਂਚ ਕੀਤੀ ਗਈ ਤਾਂ ਉਸ ਕੋਲ ਕੋਈ ਪਾਸਪੋਰਟ ਨਹੀਂ ਸੀ, ਇਸ ਲਈ ਉਸ ਨੂੰ ਦੂਜੀ ਜਾਂਚ ਲਈ ਭੇਜਿਆ ਗਿਆ।
ਇੱਕ ਪ੍ਰੈੱਸ ਰਲੀਜ਼ ਵਿੱਚ ਆਰਸੀਐਮਪੀ ਨੇ ਦੱਸਿਆ ਕਿ ਜਾਂਚ ਦੌਰਾਨ ਡਰਾਈਵਰ ਕੋਲੋਂ ਸੀਬੀਐਸਏ ਦੇ ਅਧਿਕਾਰੀਆਂ ਨੂੰ 181 ਕਿੱਲੋ ਮੈਰੀਯੁਆਨਾ (ਜਿਸ ਦੀ ਕੀਮਤ 362,000 ਕੈਨੇਡੀਅਨ ਡਾਲਰ ਤੋਂ 724,000 ਕੈਨੇਡੀਅਨ ਡਾਲਰ ਦਰਮਿਆਨ ਸੀ) ਤੇ 600,000 ਅਮਰੀਕੀ ਡਾਲਰ ਨਕਦ ਫੜ੍ਹੇ ਗਏ।
ਇਸ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਤੇ ਉਸ ਕੋਲੋਂ ਨਕਦੀ ਤੇ ਮੈਰੀਯੁਆਨਾ ਜ਼ਬਤ ਕਰ ਲਈ ਗਈ।ਇਹ ਚੀਜ਼ਾਂ ਗੱਡੀ ਵਿੱਚ ਵੱਖ ਵੱਖ ਥਾਂਵਾਂ ਉੱਤੇ ਲਕੋਈਆਂ ਗਈਆਂ ਸਨ। ਮੈਰੀਯੁਆਨਾ ਨੂੰ ਵੈਕਿਊਮ ਪੈਕ ਕਰਕੇ ਕਈ ਡੱਬਿਆਂ ਵਿੱਚ ਗੱਡੀ ਵਿੱਚ ਵੱਖ ਵੱਖ ਥਾਂਵਾਂ ਉੱਤੇ ਰੱਖਿਆ ਗਿਆ ਸੀ। ਇਸੇ ਤਰ੍ਹਾਂ ਨਕਦੀ ਵੀ ਕਈ ਵੱਖ ਵੱਖ ਬੰਡਲ ਬਣਾ ਕੇ ਸੇਫ, ਸੂਟਕੇਸ ਤੇ ਪੈਲੀਕਨ ਕੇਸ ਵਿੱਚ ਰੱਖੀ ਹੋਈ ਸੀ।ਇਸ ਸਬੰਧ ਵਿੱਚ ਟਸਟਿਨ, ਕੈਲੇਫੋਰਨੀਆ ਦੇ ਐਂਡਰਿਊ ਲੀ ਟੌਪਨਬਰਗ ਨੂੰ ਵੰਡਣ ਦੇ ਇਰਾਦੇ ਨਾਲ ਮੈਰੀਯੁਆਨਾ ਰੱਖਣ, ਕੈਨਾਬਿਸ ਐਕਟ ਦੇ ਉਲਟ 181 ਕਿੱਲੋ ਕੈਨਾਬਿਸ ਰੱਖਣ, 5000 ਡਾਲਰ ਤੋਂ ਵੱਧ ਮੁੱਲ ਦੀ ਜੁਰਮ ਨਾਲ ਕਮਾਈ ਗਈ ਨਕਦੀ ਰੱਖਣ ਲਈ ਚਾਰਜ ਕੀਤਾ ਗਿਆ ਹੈ।
ਇਸ ਉੱਤੇ ਫੈਡਰਲ ਪਬਲਿਕ ਸੇਫਟੀ ਮੰਤਰੀ ਮਾਰਕੋ ਮੈਂਡੀਸਿਨੋ ਨੇ ਆਖਿਆ ਕਿ ਕੈਨੇਡੀਅਨਜ਼ ਦੀ ਸੇਫਟੀ ਤੇ ਸਕਿਊਰਿਟੀ ਸਾਡੀ ਸਰਕਾਰ ਦੀ ਮੁੱਖ ਤਰਜੀਹ ਹੈ। ਇਸ ਲਈ ਸੀਬੀਐਸਏ ਤੇ ਆਰਸੀਐਮਪੀ ਵੱਲੋਂ ਮੁਸਤੈਦੀ ਨਾਲ ਕੀਤੇ ਜਾ ਰਹੇ ਕੰਮ ਦੀ ਉਨ੍ਹਾਂ ਸ਼ਲਾਘਾ ਵੀ ਕੀਤੀ।

 

 

 
Have something to say? Post your comment