ਚਾਰਜ ਹਾਲੇ ਟਰੰਪ ਨੇ ਲਿਆ ਕੋਈ ਨਹੀਂ,
ਅਗੇਤੇ ਸਾਂਭ ਲਿਆ ਦਿੱਸੇ ਕੰਟਰੋਲ ਬੇਲੀ।
ਮੁੱਦਾ ਕਿਹੜਾ ਜਾਂ ਲਾਉਣੀ ਹੈ ਸੱਟ ਕਿੰਨੀ,
ਕਰਨ ਇਹ ਲੱਗਾ ਈ ਤੋਲ-ਬੇਤੋਲ ਬੇਲੀ।
ਜਿਹੜੇ ਬਾਇਡੇਨ ਨੇ ਕੋਈ ਵੀਕੰਮ ਕੀਤੇ,
ਕਰਾਵਣ ਲੱਗਾ ਹੈ ਉਹਦੀ ਪੜਚੋਲ ਬੇਲੀ।
ਜਿਹੜੇ-ਜਿਹੜੇ ਅਮਰੀਕਾ ਦੇ ਦੇਸ਼ ਸਾਥੀ,
ਉਨ੍ਹਾਂ ਦੇ ਆਗੂਆਂ ਨੂੰ ਸੱਦਦਾ ਕੋਲ ਬੇਲੀ।
ਦਬਾਕੜਾ ਨਾਟੋ ਦੇ ਲਈ ਆ ਜਿਵੇਂ ਦਿੱਤਾ,
ਕੱਢ`ਤੀ ਸਾਰਿਆਂ ਦੀ ਲੱਗਦੀ ਫੂਕ ਬੇਲੀ।
ਅੰਦਰੋ-ਅੰਦਰ ਤੇ ਉੱਬਲਦੇ ਹੋਣ ਬੇਸੱ਼ਕ,
ਬਾਹਰੋਂ ਸਕਣ ਇਹ ਚੀਕ ਨਾ ਚੂਕ ਬੇਲੀ।
-ਤੀਸ ਮਾਰ ਖਾਂ