ਓਨਟਾਰੀਓ, 24 ਮਈ (ਪੋਸਟ ਬਿਊਰੋ) : ਜੀਟੀਏ ਦੇ ਡਰਾਈਵਰ ਇਹ ਯਕੀਨੀ ਬਣਾਉਣਾ ਚਾਹੁਣਗੇ ਕਿ ਜਦੋਂ ਵੀਰਵਾਰ ਸਵੇਰੇ ਉਹ ਉੱਠਣ ਤਾਂ ਉਨ੍ਹਾਂ ਦੀਆਂ ਗੱਡੀਆਂ ਦੀਆਂ ਟੈਂਕੀਆਂ ਭਰੀਆਂ ਹੋਣ। ਵੀਰਵਾਰ ਰਾਤ ਨੂੰ ਜੀਟੀਏ ਵਿੱਚ ਗੈਸ ਦੀਆਂ ਕੀਮਤਾਂ ਇੱਕ ਵਾਰੀ ਫਿਰ ਵਧਣ ਜਾ ਰਹੀਆਂ ਹਨ।
ਬਹੁਤੇ ਸਟੇਸ਼ਨਾਂ ਉੱਤੇ ਗੈਸ ਦੀਆਂ ਕੀਮਤਾਂ ਵਿੱਚ ਪੰਜ ਸੈਂਟ ਦਾ ਵਾਧਾ ਹੋਵੇਗਾ ਤੇ ਇਹ ਕੀਮਤਾਂ 1·639 ਡਾਲਰ ਪ੍ਰਤੀ ਲੀਟਰ ਤੱਕ ਪਹੁੰਚ ਜਾਣਗੀਆਂ। ਅਪਰੈਲ ਦੇ ਮੱਧ ਤੋਂ ਬਾਅਦ ਇਹ ਰੀਜਨ ਵਿੱਚ ਵਧੀਆਂ ਗੈਸ ਦੀਆਂ ਸੱਭ ਤੋਂ ਵੱਧ ਕੀਮਤਾਂ ਹੋਣਗੀਆਂ। ਪਿਛਲੇ ਸੱਤ ਦਿਨਾਂ ਵਿੱਚ ਗੈਸ ਦੀਆਂ ਕੀਮਤਾਂ ਵਿੱਚ ਦਸ ਸੈਂਟ ਦਾ ਵਾਧਾ ਹੋ ਚੁੱਕਿਆ ਹੈ। ਪਿਛਲੇ ਹਫਤੇ ਵਿਕਟੋਰੀਆ ਡੇਅ ਲਾਂਗ ਵੀਕੈਂਡ ਸਮੇਂ ਗੈਸ ਦੀਆਂ ਕੀਮਤਾਂ ਵਿੱਚ ਚਾਰ ਸੈਂਟ ਦਾ ਵਾਧਾ ਵੇਖਣ ਨੂੰ ਮਿਲਿਆ ਸੀ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਲਬਰਟਾ ਦੇ ਜੰਗਲਾਂ ਵਿੱਚ ਲੱਗੀ ਅੱਗ, ਮੱਠੇ ਪਏ ਅਰਥਚਾਰੇ ਤੇ ਸਪਲਾਈ ਉੱਤੇ ਦਬਾਅ ਦੇ ਚੱਲਦਿਆਂ ਗੈਸ ਦੀਆਂ ਕੀਮਤਾਂ ਵਿੱਚ ਵਾਧਾ ਵੇਖਣ ਨੂੰ ਮਿਲ ਰਿਹਾ ਹੈ।