ਸਰੀ, 11 ਮਾਰਚ (ਪੋਸਟ ਬਿਉਰੋ): ਪਿਛਲੇ ਦਿਨੀ ਦਸਤਾਰਧਾਰੀ ਸਿੱਖ ਅਜੈ ਸਿੰਘ ਬੰਗਾ ਵਿਸ਼ਵ ਬੈਂਕ ਦੇ ਮੁਖੀ ਬਣੇ ਹਨ ਇਹ ਸਿੱਖ ਕੌਮ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ਹੁਣ ਸਰੀ ਦੀ ਵੇਰੀਕੋ ਸੁਪੀਰੀਅਰ ਮੋਰਟਗੇਜ ਇੰਕ. ਦੇ ਪ੍ਰੈਜ਼ੀਡੈਂਟ ਅਤੇ ਸੀਈਓ, ਸ਼ਰਨਜੀਤ ਸਿੰਘ ਗਿੱਲ 2023 ਕੈਨੇਡੀਅਨ ਮੋਰਟਗੇਜ ਅਵਾਰਡਜ਼ (CMAS) ਦੀ ਬ੍ਰੋਕਰ ਆਫ ਦਿ ਈਅਰ (ਖੇਤਰੀ-ਬ੍ਰਿਟਿਸ਼ ਕੋਲੰਬੀਆ) ਸ਼੍ਰੇਣੀ ਵਿੱਚ ਫਾਈਨਲਿਸਟ ਚੁਣੇ ਗਏ ਹਨ। ਵਰਨਣਯੋਗ ਹੈ ਕਿ ਪੂਰੇ ਬੀ.ਸੀ. ਵਿੱਚੋਂ ਸਿਰਫ਼ ਦਸ ਮੋਰਟਗੇਜ ਬ੍ਰੋਕਰ ਚੁਣੇ ਗਏ ਹਨ ਅਤੇ ਸਾਡੇ ਭਾਈਚਾਰੇ ਵਿੱਚੋਂ ਸਿਰਫ਼ ਸ਼ਰਨਜੀਤ ਸਿੰਘ ਗਿੱਲ ਨੂੰ ਇਹ ਮਾਣ ਪ੍ਰਾਪਤ ਹੋਇਆ ਹੈ।ਇਹ ਉੱਤਮਤਾ ਪੁਰਸਕਾਰ ਪ੍ਰਾਪਤ ਕਰਨਾ ਇੱਕ ਅਦੁੱਤੀ ਸਨਮਾਨ ਹੈ। ਇਹ ਸ਼ਸ਼ਰਨਜੀਤ ਸਿੰਘ ਗਿੱਲ ਦੀ ਮਿਹਨਤ ਅਤੇ ਲਗਨ ਦੀ ਪਛਾਣ ਹੈ। ਦਰਅਸਲ, ਇਹ ਸਨਮਾਨ ਤਿੰਨ ਦੇਸ਼ਾਂ-ਭਾਰਤ, ਯੂਕੇ ਅਤੇ ਕੈਨੇਡਾ ਵਿੱਚ ਬੈਂਕਿੰਗ ਵਿੱਚ 54 ਸਾਲਾਂ ਦੇ ਲੰਬੇ, ਸ਼ਾਨਦਾਰ ਕਰੀਅਰ
ਦੀ ਉਪਜ ਹਨ।ਚੇਤੇ ਰਹੇ “ਸ਼ਰਨਜੀਤ ਸਿੰਘ ਗਿੱਲ ਅਤੇ ਉਨਾ ਦੇ ਪੁੱਤਰ ਰਾਜ ਗਿੱਲ ਦੀ ਟੀਮ 2003 ਵਿੱਚ ਐਨਵੀਜ਼ਨ ਕ੍ਰੈਡਿਟ ਯੂਨੀਅਨ ਦੇ ਨਾਲ ਚੋਟੀ ਦੇ ਨਿਰਮਾਤਾ ਬਣ ਗਈ ਅਤੇ ਦੋਵਾਂ ਨੇ ਵਿਅਕਤੀਗਤ ਪੁਰਸਕਾਰ ਪ੍ਰਾਪਤ ਕੀਤੇ ਹਨ। ਸ. ਸ਼ਰਨਜੀਤ ਸਿੰਘ ਗਿੱਲ ਵਿਦਿਆਰਥੀਆਂ ਨੂੰ ਆਪਣਾ ਕਰੀਅਰ ਬਣਾਉਂਣ ਲਈ ਵੀ ਚੰਗੀ ਸਲਾਹ ਦਿੰਦੇ ਹਨ ਅਤੇ ਇਨਾ ਦੇ ਸ਼ਗਿਰਦ ਬਹੁਤ ਸਫਲ ਚੋਟੀ ਦੇ ਬ੍ਰੋਕਰ ਹਨ। ਜਿਸਦੀ ਮਿਸਾਲ ਸੰਨੀ ਬਲ ਹੈ ਜਿਸਨੂੰ 2021 ਵਿੱਚ ਉਭਰਦੇ ਸਿਤਾਰੇ ਵਜੋਂ ਪੁਰਸਕਾਰ ਮਿਲਿਆ।” ਸ਼ਰਨਜੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਇਹ ਸਭ ਕੁਝ ਅਤੇ ਕਾਮਯਾਬੀਆਂ ਮੇਰੇ ਮਾਤਾ ਪਿਤਾ ਦੀ ਅਸ਼ੀਰਵਾਦ ਅਤੇ ਸਪੁੱਤਨੀ ਦੇ ਸਹਿਯੋਗ ਸਦਕਾ ਹੀ ਪ੍ਰਾਪਤ ਹੋਇਆ ਹੈ।