ਟੋਰਾਂਟੋ, 30 ਜਨਵਰੀ (ਪੋਸਟ ਬਿਊਰੋ) : ਟੋਰਾਂਟੋ ਦੇ ਪੀਅਰਸਨ ਇੰਟਰਨੈਸ਼ਨਲ ਏਅਰਪੋਰਟ ਨੂੰ ਜਾਣ ਵਾਲੇ ਹਾਈਵੇਅ 409 ਉੱਤੇ ਡੀਜ਼ਲ ਟਰੱਕ ਪਲਟ ਜਾਣ ਕਾਰਨ ਉੱਥੇ ਕਾਫੀ ਡੀਜ਼ਲ ਫੈਲ ਗਿਆ ਤੇ ਹਾਈਵੇਅ ਦਾ ਰਾਹ ਬਲਾਕ ਹੋ ਗਿਆ।
ਇਹ ਘਟਨਾ ਸੋਮਵਾਰ ਨੂੰ ਸਵੇਰੇ 3:30 ਵਜੇ ਤੋਂ ਬਾਅਦ ਹਾਈਵੇਅ 409 ਤੇ ਹਾਈਵੇਅ 427 ਉੱਤੇ ਵਾਪਰੀ। ਇਸ ਸਮੇਂ ਟਰਮੀਨਲ 1 ਤੇ ਟਰਮੀਨਲ 3 ਨੂੰ ਜਾਣ ਵਾਲੇ ਰਾਹ ਬੰਦ ਕੀਤੇ ਗਏ ਹਨ।ਟਰਾਂਸਪੋਰਟੇਸ਼ਨ ਮੰਤਰਾਲੇ ਅਨੁਸਾਰ ਕ੍ਰਿਊ ਵੱਲੋਂ ਇਸ ਥਾਂ ਨੂੰ ਸਾਫ ਕਰਨ ਵਿੱਚ ਕਈ ਘੰਟੇ ਦਾ ਸਮਾਂ ਲੱਗ ਸਕਦਾ ਹੈ ਤੇ ਇਸ ਲਈ ਇਹ ਰਾਹ ਵੀ ਕਾਫੀ ਦੇਰ ਲਈ ਬੰਦ ਰਹਿ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਕੁੱਝ ਲੋਕਾਂ ਨੂੰ ਮਾਮੂਲੀ ਸੱਟਾਂ ਲੱਗਣ ਦੀ ਵੀ ਖਬਰ ਹੈ।
ਮੋਟਰਿਸਟਸ ਨੂੰ ਬਦਲਵੇਂ ਰੂਟਸ ਅਪਨਾਊਣ ਦੀ ਸਲਾਹ ਦਿੱਤੀ ਗਈ ਹੈ। ਓਪੀਪੀ ਵੀ ਮੌਕੇ ਉੱਤੇ ਮੌਜੂਦ ਹੈ।