ਕੈਨਬਰਾ, 6 ਮਈ (ਪੋਸਟ ਬਿਊਰੋ): ਆਸਟ੍ਰੇਲੀਆ ਨੇ ਹਾਲ ਹੀ ਵਿਚ ਬੈਟਰੀ ਨਾਲ ਚੱਲਣ ਵਾਲਾ ਜਹਾਜ਼ ਲਾਂਚ ਕੀਤਾ ਹੈ। ਇਹ ਦੁਨੀਆ ਦਾ ਸਭ ਤੋਂ ਵੱਡਾ ਬੈਟਰੀ ਨਾਲ ਚੱਲਣ ਵਾਲਾ ਜਹਾਜ਼ ਹੈ, ਜਿਸਨੂੰ 2 ਮਈ ਨੂੰ ਸਿਡਨੀ ਵਿੱਚ ਲਾਂਚ ਕੀਤਾ ਗਿਆ। Hull 096 096 ਨਾਮਕ ਇਹ ਜਹਾਜ਼ ਆਸਟ੍ਰੇਲੀਆਈ ਕਿਸ਼ਤੀ ਬਣਾਉਣ ਵਾਲੀ ਕੰਪਨੀ ਇੰਕੈਟ ਦੁਆਰਾ ਬਣਾਇਆ ਗਿਆ ਹੈ। ਇਹ ਇੱਕ ਐਲੂਮੀਨੀਅਮ ਕੈਟਾਮਾਰਨ ਹੈ, ਯਾਨੀ ਕਿ ਐਲੂਮੀਨੀਅਮ ਤੋਂ ਬਣਿਆ। ਇਸ ਵਿੱਚ 250 ਟਨ ਤੋਂ ਵੱਧ ਵਜ਼ਨ ਵਾਲੀ ਬੈਟਰੀ ਹੈ। ਇਹ ਜਹਾਜ਼ ਦੱਖਣੀ ਅਮਰੀਕੀ ਫੈਰੀ ਆਪਰੇਟਰ ਬੁਕੇਬਸ ਲਈ ਬਣਾਇਆ ਗਿਆ ਹੈ। ਇਹ ਵਿਲੱਖਣ ਜਹਾਜ਼ 2,100 ਯਾਤਰੀਆਂ ਅਤੇ 225 ਵਾਹਨਾਂ ਨੂੰ ਲਿਜਾ ਸਕਦਾ ਹੈ ਅਤੇ ਬਿਊਨਸ ਆਇਰਸ ਅਤੇ ਉਰੂਗਵੇ ਵਿਚਕਾਰ ਰਿਵਰ ਪਲੇਟ 'ਤੇ ਸਫ਼ਰ ਕਰ ਸਕਦਾ ਹੈ। ਇਸ ਜਹਾਜ਼ ਨੂੰ ਬਣਾਉਣ ਦਾ ਉਦੇਸ਼ ਸਮੁੰਦਰੀ ਆਵਾਜਾਈ ਕਾਰਨ ਹੋਣ ਵਾਲੇ ਪ੍ਰਦੂਸ਼ਣ ਨੂੰ ਘਟਾਉਣਾ ਹੈ। ਜੇਕਰ ਇਹ ਜਹਾਜ਼ ਸਫਲ ਹੁੰਦਾ ਹੈ ਤਾਂ ਇਹ ਸਮੁੰਦਰੀ ਆਵਾਜਾਈ ਵਿੱਚ ਇੱਕ ਕ੍ਰਾਂਤੀ ਲਿਆ ਸਕਦਾ ਹੈ।
ਦੁਨੀਆਂ ਦਾ ਸਭ ਤੋਂ ਵੱਡਾ ਬਿਜਲੀ ਨਾਲ ਚੱਲਣ ਵਾਲਾ ਜਹਾਜ਼ 130 ਮੀਟਰ (426 ਫੁੱਟ) ਲੰਬਾ ਹੈ। ਇਹ 2,100 ਯਾਤਰੀਆਂ ਨੂੰ ਲਿਜਾਣ ਦੇ ਸਮਰੱਥ ਹੈ ਅਤੇ 225 ਵਾਹਨ ਵੀ ਲਿਜਾ ਸਕਦਾ ਹੈ। ਹਲ 096 ਦਾ ਬੈਟਰੀ ਅਤੇ ਊਰਜਾ ਸਟੋਰੇਜ ਸਿਸਟਮ 40 ਮੈਗਾਵਾਟ ਘੰਟਿਆਂ ਤੋਂ ਵੱਧ ਸਮਰੱਥਾ ਪ੍ਰਦਾਨ ਕਰਦਾ ਹੈ। ਈਐੱਸਐੱਸ ਨੂੰ ਫਿਨਿਸ਼ ਇੰਜਣ ਨਿਰਮਾਤਾ ਵਾਰਟਸਿਲਾ ਦੁਆਰਾ ਬਣਾਇਆ ਗਿਆ ਹੈ। ਇਹ ਅੱਠ ਬਿਜਲੀ ਨਾਲ ਚੱਲਣ ਵਾਲੇ ਵਾਟਰਜੈੱਟਾਂ ਨਾਲ ਜੁੜਿਆ ਹੋਇਆ ਹੈ।