ਟੋਕੀਓ, 28 ਨਵੰਬਰ (ਪੋਸਟ ਬਿਊਰੋ): ਵਿਗਿਆਨੀਆਂ ਨੂੰ ਜਾਪਾਨ ਦੀ ਇਕ ਉਸਾਰੀ ਵਾਲੀ ਥਾਂ ਤੋਂ ਇਕ ਖਜ਼ਾਨਾ ਮਿਲਿਆ ਹੈ। ਇੱਥੋਂ ਵਿਗਿਆਨੀਆਂ ਨੂੰ ਇਕ-ਦੋ ਨਹੀਂ ਸਗੋਂ 1 ਲੱਖ ਪ੍ਰਾਚੀਨ ਸਿੱਕਿਆਂ ਦਾ ਖਜ਼ਾਨਾ ਮਿਲਿਆ ਹੈ। ਇਹ ਖੋਜ ਜਾਪਾਨ ਦੀ ਰਾਜਧਾਨੀ ਟੋਕੀਓ ਤੋਂ 60 ਮੀਲ ਦੂਰ ਸਥਿਤ ਮਾਏਬਾਸ਼ੀ ਸ਼ਹਿਰ ਵਿੱਚ ਹੋਈ ਹੈ।
ਸਾਈਟ 'ਤੇ ਇਕ ਫੈਕਟਰੀ ਦੇ ਨਿਰਮਾਣ ਲਈ ਖੁਦਾਈ ਦੌਰਾਨ ਵਿਗਿਆਨੀਆਂ ਨੂੰ ਇਹ ਖਜ਼ਾਨਾ ਮਿਲਿਆ। ਪੁਰਾਤਨ ਸਿੱਕਿਆਂ ਦੀ ਜਾਂਚ ਜਾਰੀ ਹੈ। ਰਿਪੋਰਟਾਂ ਦੀ ਮੰਨੀਏ ਤਾਂ ਹੁਣ ਤੱਕ ਸਿਰਫ 334 ਸਿੱਕਿਆਂ ਦੀ ਹੀ ਜਾਂਚ ਕੀਤੀ ਗਈ ਹੈ। ਇਨ੍ਹਾਂ ਵਿੱਚੋਂ ਸਭ ਤੋਂ ਪੁਰਾਣਾ ਸਿੱਕਾ ਚੀਨ ਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਹ ਸਿੱਕਾ 175 ਈਸਾ ਪੂਰਵ ਦਾ ਹੈ। ਜਦੋਂ ਕਿ ਸਭ ਤੋਂ ਤਾਜ਼ਾ ਸਿੱਕਾ 1265 ਈ.
ਸਿੱਕਿਆਂ ਦੀ ਖੋਜ 1,060 ਬੰਡਲਾਂ ਵਿੱਚ ਹੋਈ ਹੈ। ਹਰੇਕ ਬੰਡਲ ਵਿੱਚ ਲਗਭਗ 100 ਸਿੱਕੇ ਸਨ। ਇਸ ਵਿੱਚ ਚੀਨੀ ਸ਼ਿਲਾਲੇਖਾਂ ਵਾਲੇ ਬਾਨਲਿਯਾਂਗ ਸਿੱਕੇ ਵੀ ਸ਼ਾਮਿਲ ਸਨ, ਜੋ ਆਮ ਤੌਰ 'ਤੇ ਲਗਭਗ 2200 ਸਾਲ ਪਹਿਲਾਂ ਚੀਨ ਵਿੱਚ ਬਣਾਏ ਗਏ ਸਨ। ਮਿਸ਼ੀਗਨ ਸਟੇਟ ਯੂਨੀਵਰਸਿਟੀ ਵਿੱਚ ਇਤਿਹਾਸ ਦੇ ਇੱਕ ਐਸੋਸੀਏਟ ਪ੍ਰੋਫੈਸਰ ਏਥਨ ਸੇਗਲ ਨੇ ਕਿਹਾ ਕਿ ਅਜਿਹੇ ਸਿੱਕੇ ਇੱਕ ਵਾਰ ਪੂਰੇ ਜਾਪਾਨ ਵਿੱਚ ਖਾਸ ਤੌਰ 'ਤੇ ਮੱਧਕਾਲੀ ਦੌਰ (13ਵੀਂ ਤੋਂ 16ਵੀਂ ਸਦੀ) ਵਿੱਚ ਪਾਏ ਜਾਂਦੇ ਸਨ।