ਲੰਡਨ, 25 ਮਈ (ਪੋਸਟ ਬਿਊਰੋ):ਮੈਸੂਰ ਦੇ ਸ਼ਾਸਕ ਟੀਪੂ ਸੁਲਤਾਨ ਦੀ ਤਲਵਾਰ ਲੰਡਨ ਵਿੱਚ ਇੱਕ ਨਿਲਾਮੀ ਵਿੱਚ 14 ਮਿਲੀਅਨ ਪੌਂਡ (ਲਗਭਗ 140 ਕਰੋੜ ਰੁਪਏ) ਵਿੱਚ ਵਿਕ ਗਈ। ਨਿਲਾਮੀ ਦਾ ਆਯੋਜਨ ਕਰਨ ਵਾਲੇ ਬੋਨਹੈਮਸ ਨੇ ਕਿਹਾ ਕਿ ਤਲਵਾਰ ਉਮੀਦ ਤੋਂ ਕਈ ਗੁਣਾ ਵੱਧ ਵਿਕ ਗਈ। ਟੀਪੂ ਸੁਲਤਾਨ ਦੀ ਤਲਵਾਰ ਨਿਲਾਮੀ ਦੇ ਸਾਰੇ ਰਿਕਾਰਡ ਤੋੜਦੇ ਹੋਏ ਬ੍ਰਿਟੇਨ ਵਿਚ ਹੁਣ ਤੱਕ ਵਿਕਣ ਵਾਲੀ ਸਭ ਤੋਂ ਮਹਿੰਗੀ ਭਾਰਤੀ ਵਸਤੂ ਬਣ ਗਈ ਹੈ।
ਨਿਲਾਮੀਕਰਤਾ ਉਲੀਵਰ ਵਾਈਟ ਨੇ ਦੱਸਿਆ ਕਿ ਇਹ ਤਲਵਾਰ ਟੀਪੂ ਸੁਲਤਾਨ ਦੇ ਮਹਿਲ ਦੇ ਨਿੱਜੀ ਕਮਰੇ ਤੋਂ ਬਰਾਮਦ ਕੀਤੀ ਗਈ ਹੈ। ਇਹ ਤਲਵਾਰ ਟੀਪੂ ਸੁਲਤਾਨ ਦਾ ਪਸੰਦੀਦਾ ਹਥਿਆਰ ਸੀ। ਟੀਪੂ 18ਵੀਂ ਸਦੀ ਦੇ ਅੰਤ ਵਿੱਚ ਆਪਣੀਆਂ ਮੁਹਿੰਮਾਂ ਲਈ ਮਸ਼ਹੂਰ ਹੋ ਗਏ ਸੀ। 1775 ਅਤੇ 1779 ਦੇ ਵਿਚਕਾਰ, ਟੀਪੂ ਨੇ ਮਰਾਠਾ ਸ਼ਾਸਕਾਂ ਨਾਲ ਲੜਾਈ ਕੀਤੀ। ਇਹ ਤਲਵਾਰ ਟੀਪੂ ਸੁਲਤਾਨ ਦੇ ਸ਼ਸਤਰਖਾਨੇ ਵਿੱਚ ਸਭ ਤੋਂ ਕੀਮਤੀ ਹਥਿਆਰ ਹੈ।
ਨੀਮਾ ਸਾਗਰਚੀ, ਬੋਨਹੈਮਜ਼ ਵਿਖੇ ਇਸਲਾਮਿਕ ਅਤੇ ਭਾਰਤੀ ਕਲਾ ਦੇ ਸਮੂਹ ਮੁਖੀ ਨੇ ਕਿਹਾ: "ਇਸ ਤਲਵਾਰ ਦਾ ਇੱਕ ਅਸਾਧਾਰਨ ਇਤਿਹਾਸ ਅਤੇ ਇੱਕ ਹੈਰਾਨੀਜਨਕ ਮੂਲ ਅਤੇ ਬੇਮਿਸਾਲ ਕਾਰੀਗਰੀ ਹੈ।" ਟੀਪੂ ਸੁਲਤਾਨ ਦੀ ਇਹ ਤਲਵਾਰ 18ਵੀਂ ਸਦੀ ਵਿੱਚ ਬਣੀ ਸੀ ਅਤੇ ਭਾਰਤ ਛੱਡਣ ਵਾਲੇ ਅੰਗਰੇਜ਼ ਇਸਨੂੰ ਆਪਣੇ ਨਾਲ ਲੈ ਗਏ ਸਨ। ਬੋਨਹੈਮਸ ਦੇ ਸੀਈਉ ਬਰੂਨੋ ਵਿਨਸੀਗੁਏਰਾ ਨੇ ਕਿਹਾ ਕਿ ਇਹ ਸਭ ਤੋਂ ਅਦਭੁਤ ਵਸਤੂਆਂ ਵਿੱਚੋਂ ਇੱਕ ਹੈ ਜੋ ਬੋਨਹੈਮਸ ਨੂੰ ਨਿਲਾਮੀ ਵਿੱਚ ਲਿਆਉਣ ਦਾ ਸਨਮਾਨ ਮਿਿਲਆ ਹੈ।