ਮਿਸੀਸਾਗਾ, 27 ਮਾਰਚ (ਪੋਸਟ ਬਿਊਰੋ) : ਮਿਸੀਸਾਗਾ ਵਿੱਚ ਗੋਲੀ ਮਾਰ ਕੇ ਇੱਕ 29 ਸਾਲਾ ਵਿਅਕਤੀ ਦੀ ਜਾਨ ਲੈਣ ਤੋਂ ਬਾਅਦ ਗੱਡੀ ਵਿੱਚ ਸਵਾਰ ਹੋ ਕੇ ਕ੍ਰਾਈਮ ਸੀਨ ਤੋਂ ਫਰਾਰ ਹੋਣ ਵਾਲੇ ਮਸ਼ਕੂਕਾਂ ਦੀ ਪੀਲ ਰੀਜਨਲ ਪੁਲਿਸ ਵੱਲੋਂ ਭਾਲ ਕੀਤੀ ਜਾ ਰਹੀ ਹੈ।
20 ਮਾਰਚ ਦਿਨ ਸੋਮਵਾਰ ਨੂੰ ਸ਼ੂਟਿੰਗ ਦੀਆਂ ਰਿਪੋਰਟਾਂ ਮਿਲਣ ਤੋਂ ਬਾਅਦ ਰਾਤੀਂ 7:15 ਉੱਤੇ ਪੁਲਿਸ ਨੂੰ ਡਰੀਮ ਕ੍ਰੈਸਟ ਰੋਡ ਤੇ ਐਲੀਕਾਂਤੇ ਸਟਰੀਟ ਉੱਤੇ ਸੱਦਿਆ ਗਿਆ। ਇੱਕ ਵਿਅਕਤੀ ਨੂੰ ਮੌਕੇ ਉੱਤੇ ਮ੍ਰਿਤਕ ਐਲਾਨ ਦਿੱਤਾ ਗਿਆ ਤੇ ਬਾਅਦ ਵਿੱਚ ਉਸ ਦੀ ਪਛਾਣ ਮਿਸੀਸਾਗਾ ਦੇ 29 ਸਾਲਾ ਬ੍ਰਾਇਨ ਲਾਰਾ ਐਲਵਾਰੇਜ਼ ਵਜੋਂ ਕੀਤੀ ਗਈ।ਪੀਲ ਪੁਲਿਸ ਅਨੁਸਾਰ ਇਹ ਗੋਲੀ ਨਿਸ਼ਾਨਾ ਬਣਾ ਕੇ ਤੇ ਸੋਚ ਸਮਝ ਕੇ ਪੂਰੀ ਤਿਆਰੀ ਨਾਲ ਚਲਾਈ ਗਈ।
ਸੋਮਵਾਰ ਨੂੰ ਪੁਲਿਸ ਨੇ ਇਸ ਹੋਮੀਸਾਈਡ ਜਾਂਚ ਦੀ ਅਪਡੇਟ ਦਿੰਦਿਆਂ ਇੱਕ ਰਲੀਜ਼ ਜਾਰੀ ਕੀਤੀ ਜਿਸ ਵਿੱਚ ਸਰਵੇਲੈਂਸ ਫੁਟੇਜ ਵਿੱਚ ਇੱਕ ਗ੍ਰੇਅ, ਚਾਰ ਦਰਵਾਜਿ਼ਆਂ ਵਾਲੀ, ਨਵੇਂ ਮਾਡਲ ਦੀ ਐਸਯੂਵੀ ਨਜ਼ਰ ਆ ਰਹੀ ਹੈ, ਜਿਹੜੀ ਕ੍ਰਾਈਮ ਸੀਨ ਨੂੰ ਛੱਡ ਕੇ ਤੇਜ਼ੀ ਨਾਲ ਜਾ ਰਹੀ ਹੈ।ਪੁਲਿਸ ਵੱਲੋਂ ਇਸ ਗੱਡੀ ਦੀ ਭਾਲ ਕੀਤੀ ਜਾ ਰਹੀ ਹੈ।