ਮਿਸੀਸਾਗਾ, 27 ਮਾਰਚ (ਪੋਸਟ ਬਿਊਰੋ) : ਮਿਸੀਸਾਗਾ ਵਿੱਚ ਇੱਕ ਰਾਹਗੀਰ ਨੂੰ ਦੋ ਗੱਡੀਆਂ ਵੱਲੋਂ ਟੱਕਰ ਮਾਰੇ ਜਾਣ ਕਾਰਨ ਉਸ ਦੀ ਮੌਤ ਹੋ ਗਈ।
ਇਹ ਹਾਦਸਾ ਐਤਵਾਰ ਰਾਤੀਂ 11:00 ਵਜੇ ਤੋਂ ਬਾਅਦ ਕ੍ਰੈਡਿਟਵਿਊ ਤੇ ਬ੍ਰਿਸਟਲ ਰੋਡਜ਼ ਉੱਤੇ ਵਾਪਰਿਆ। ਜਾਂਚਕਾਰਾਂ ਨੇ ਦੱਸਿਆ ਕਿ ਇੱਕ ਰਾਹਗੀਰ ਰੈੱਡ ਲਾਈਟ ਉੱਤੇ ਹੀ ਸੜਕ ਪਾਰ ਕਰਨ ਦੀ ਕੋਸਿ਼ਸ਼ ਕਰ ਰਿਹਾ ਸੀ ਜਦੋਂ ਇੱਕ ਗੱਡੀ ਉਸ ਨਾਲ ਆ ਟਕਰਾਈ। ਟੱਕਰ ਤੋਂ ਬਾਅਦ ਉਹ ਸ਼ਖ਼ਸ ਦੂਜੀ ਗੱਡੀ ਦੇ ਰਾਹ ਵਿੱਚ ਜਾ ਡਿੱਗਿਆ, ਜਿਹੜੀ ਉਸ ਨੂੰ ਘੜੀਸਦੀ ਹੋਈ ਕਿੰਨੀ ਦੂਰ ਤੱਕ ਆਪਣੇ ਨਾਲ ਲੈ ਗਈ।
ਰਾਹਗੀਰ ਨੂੰ ਮੌਕੇ ਉੱਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਹਾਦਸੇ ਵਿੱਚ ਸ਼ਾਮਲ ਗੱਡੀਆਂ ਦੇ ਡਰਾਈਵਰ ਮੌਕੇ ਉੱਤੇ ਹੀ ਮੌਜੂਦ ਰਹੇ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਤੇ ਇਸ ਇਲਾਕੇ ਦੀਆਂ ਸੜਕਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।