ਵਰਜੀਨੀਆ, 23 ਨਵੰਬਰ (ਪੋਸਟ ਬਿਊਰੋ) : ਬੁੱਧਵਾਰ ਤੜ੍ਹਕੇ ਨੂੰ ਵਰਜੀਨੀਆ ਵਿੱਚ ਵਾਲਮਾਰਟ ਵਿੱਚ ਇੱਕ ਸ਼ੂਟਰ ਵੱਲੋਂ ਗੋਲੀਆਂ ਚਲਾਏ ਜਾਣ ਕਾਰਨ ਛੇ ਵਿਅਕਤੀ ਮਾਰੇ ਗਏ। ਇਹ ਕੁੱਝ ਦਿਨਾਂ ਦੇ ਅੰਦਰ ਅੰਦਰ ਵਾਪਰੀ ਦੂਜੀ ਇਸ ਕਿਸਮ ਦੀ ਘਟਨਾ ਹੈ। ਇਹ ਜਾਣਕਾਰੀ ਪੁਲਿਸ ਨੇ ਦਿੱਤੀ। ਪੁਲਿਸ ਨੇ ਦੱਸਿਆ ਕਿ ਇਸ ਘਟਨਾ ਵਿੱਚ ਹਮਲਾਵਰ ਵੀ ਮਾਰਿਆ ਗਿਆ।
ਬੁੱਧਵਾਰ ਤੜ੍ਹਕੇ ਪੁਲਿਸ ਅਧਿਕਾਰੀ ਲੀਓ ਕੋਸਿੰਸਕੀ ਨੇ ਆਖਿਆ ਕਿ ਚੀਜ਼ਪੀਕ ਵਿੱਚ ਸਥਿਤ ਸਟੋਰ ਇਸ ਸਮੇਂ ਸੁਰੱਖਿਅਤ ਹੈ ਤੇ ਜਾਂਚ ਦੌਰਾਨ ਇਸ ਨੂੰ ਕਈ ਦਿਨਾਂ ਲਈ ਬੰਦ ਰੱਖਿਆ ਜਾਵੇਗਾ। ਇਹ ਸੂ਼ਟਿੰਗ ਉਸ ਘਟਨਾ ਤੋਂ ਤਿੰਨ ਦਿਨ ਬਾਅਦ ਵਾਪਰੀ ਜਦੋਂ ਕੋਲੋਰਾਡੋ ਦੇ ਇੱਕ ਗੇਅ ਨਾਈਟਕਲੱਬ ਵਿੱਚ ਇੱਕ ਵਿਅਕਤੀ ਨੇ ਅੰਨ੍ਹੇਵਾਹ ਗੋਲੀਆਂ ਚਲਾ ਕੇ ਪੰਜ ਲੋਕਾਂ ਦੀ ਜਾਨ ਲੈ ਲਈ ਤੇ 17 ਹੋਰਨਾਂ ਨੂੰ ਜ਼ਖ਼ਮੀ ਕਰ ਦਿੱਤਾ। ਇਸ ਸਾਲ ਦੇ ਸੁ਼ਰੂ ਵਿੱਚ ਯੂਵਾਲਡੇ, ਟੈਕਸਸ ਵਿੱਚ ਇੱਕ ਐਲੀਮੈਂਟਰੀ ਸਕੂਲ ਵਿੱਚ ਗੰਨਮੈਨ ਵੱਲੋਂ ਚਲਾਈਆਂ ਗੋਲੀਆਂ ਕਾਰਨ 21 ਵਿਅਕਤੀ ਮਾਰੇ ਗਏ ਸਨ।
ਕੋਸਿੰਸਕੀ ਨੇ ਆਖਿਆ ਕਿ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਕਿ ਗੰਨਮੈਨ ਕਿਵੇਂ ਮਾਰਿਆ ਗਿਆ। ਪਰ ਉਨ੍ਹਾਂ ਆਖਿਆ ਕਿ ਪੁਲਿਸ ਵੱਲੋਂ ਉਸ ਉੱਤੇ ਗੋਲੀ ਨਹੀਂ ਚਲਾਈ ਗਈ। ਸ਼ੂਟਿੰਗ ਉਸ ਸਮੇਂ ਰੁਕ ਗਈ ਜਦੋਂ ਪੁਲਿਸ ਮੌਕੇ ਉੱਤੇ ਪਹੁੰਚੀ। ਚੀਜ਼ਪੀਕ, ਵਰਜੀਨੀਆ ਦੀ ਦੂਜੀ ਸੱਭ ਤੋਂ ਵੱਡੀ ਸਿਟੀ ਹੈ ਤੇ ਇਹ ਨੌਰਫੋਕ ਤੇ ਵਰਜੀਨੀਆ ਬੀਚ ਦੀਆਂ ਕਮਿਊਨਿਟੀਜ਼ ਦੇ ਨੇੜੇ ਪੈਂਦੀ ਹੈ।