ਮੈਕਸਿਕੋ ਸਿਟੀ, 22 ਸਤੰਬਰ (ਪੋਸਟ ਬਿਊਰੋ) : ਵੀਰਵਾਰ ਸਵੇਰੇ ਮੈਕਸਿਕੋ ਵਿੱਚ ਆਏ ਜ਼ਬਰਦਸਤ ਭੂਚਾਲ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ ਕਈ ਬਿਲਡਿੰਗਾਂ ਨੂੰ ਨੁਕਸਾਨ ਪਹੁੰਚਿਆ। ਇਸ ਦੌਰਾਨ ਢਿੱਗਾਂ ਡਿੱਗਣ ਕਾਰਨ ਤੇ ਜ਼ਮੀਨ ਖਿਸਕਣ ਨਾਲ ਵੀ ਕਾਫੀ ਨੁਕਸਾਨ ਹੋਇਆ।ਭੂਚਾਲ ਦੀ ਗਤੀ ਰਿਕਟਰ ਪੈਮਾਨੇ ਉੱਤੇ 6·8 ਮਾਪੀ ਗਈ।
ਇਹ ਭੂਚਾਲ ਤੜ੍ਹਕੇ 1:19 ਵਜੇ ਆਇਆ। ਇਸ ਦਾ ਕੇਂਦਰ ਤਿੰਨ ਦਿਨ ਪਹਿਲਾਂ ਆਏ 7·6 ਗਤੀ ਦੇ ਭੂਚਾਲ ਦੇ ਨੇੜੇ ਹੀ ਸੀ। ਇਹ ਭੂਚਾਲ ਮਿਕੋਆਚਾਨ ਸਟੇਟ ਵਿੱਚ ਆਇਆ ਸੀ। ਯੂਐਸ ਜਿਓਲੌਜੀਕਲ ਸਰਵੇਅ ਅਨੁਸਾਰ ਵੀਰਵਾਰ ਨੂੰ ਆਏ ਭੂਚਾਲ ਦਾ ਕੇਂਦਰ ਮਿਕੋਆਚਾਨ ਵਿੱਚ ਐਗੁਈਲੀਲਾ ਦੇ ਦੱਖਣ-ਪੱਛਮ ਵਿੱਖਚ ਜ਼ਮੀਨ ਤੋਂ 15 ਮੀਲ ਹੇਠਾਂ ਸੀ।
ਮਿਕੋਆਚਾਨ ਸਟੇਟ ਸਰਕਾਰ ਨੇ ਆਖਿਆ ਕਿ ਭੂਚਾਲ ਪੂਰੇ ਸੂਬੇ ਵਿੱਚ ਮਹਿਸੂਸ ਕੀਤਾ ਗਿਆ।