ਲੰਡਨ, 13 ਅਗਸਤ (ਪੋਸਟ ਬਿਊਰੋ)- ਬ੍ਰਿਟਿਸ਼ ਪ੍ਰੋਫੈਸ਼ਨਲ ਬਾਕਸਰ ਕਾਨਰ ਬੇਨ ਤੇ ਕ੍ਰਿਸ ਯੂਬੈਂਕ ਜੀਨੀਅਰ ਜੇ ਅੱਠ ਅਕਤੂਬਰ ਨੂੰ ਹੋਣ ਵਾਲੇ ਆਪਣੇ ਮਹਾ-ਮੁਕਾਬਲੇ ਤੋਂ ਪਹਿਲਾਂ 157 ਪਾਉਂਡ (ਕਰੀਬ 71 ਕਿਲੋ) ਤੱਕ ਹੱਦ ਤੋਂ ਭਾਰ ਵਧਾ ਲੈਂਦੇ ਹਨ ਤਾਂ ਉਨ੍ਹਾਂਨੂੰ ਕਰੜੇ ਨਤੀਜਿਆਂ ਦਾ ਸਾਮਣਾ ਕਰਨਾ ਪੈ ਸਕਦਾ ਹੈ।
25 ਸਾਲ ਦੇ ਬੇਨ ਆਮ ਤੌਰ ਉੱਤੇ 147 ਪਾਉਂਡ ਵੈਲਟਰਵੇਟ ਡਿਵੀਜ਼ਨ ਵਿੱਚ ਲੜਦੇ ਹਨ ਅਤੇ 32 ਸਾਲ ਦੇ ਯੂਬੈਂਕ ਜੂਨੀਅਰ ਨੇ ਕਰਿਅਰ ਵਿੱਚ ਬਹੁਤੇ ਮੁਕਾਬਲੇ 160 ਪਾਉਂਡ ਮਿਡਿਲਵੇਟ ਡਿਵੀਜ਼ਨ ਵਿੱਚ ਲੜੇ ਹਨ। ਇਹ ਜੋੜੀ ਇੱਕ ਕੈਚਵੇਟ ਮੁਕਾਬਲੇਲਈ ਮੰਨ ਗਈ ਹੈ, ਜਿਸ ਦਾ ਮਤਲਬ ਹੈ ਕਿ ਉਹ ਬੇਨ ਦੇ ਪਸੰਸਦੀਦਾ ਭਾਰ ਤੋਂ ਉਪਰ ਅਤੇ ਯੂਬੈਂਕ ਜੂਨੀਅਰ ਦੇ ਭਾਰ ਤੋਂ ਥੱਲੇ ਲੜਨਗੇ। ਜੇ ਦੋਵੇਂ ਬਾਕਸਰ ਭਾਰ ਵਧਾਉਣਗੇ ਤਾਂ ਹਰ ਵਧੇ ਹੋਏ ਪਾਉਂਡ ਦਾ ਕਰੀਬ 80 ਲੱਖ ਰੁਪਏ ਜੁਰਮਾਨਾ ਲਗੇਗਾ। ਫਾਰਮ ਵਿੱਚ ਚੱਲ ਰਹੇ ਇਨ੍ਹਾਂ ਦੋਨਾਂ ਬ੍ਰਿਟਿਸ਼ ਵਿਰੋਧੀਆਂ ਦੇ ਪਿਤਾ ਨਿਗੇਲ ਬੇਨ ਅਤੇ ਕ੍ਰਿਸ ਯੂਬੈਂਕ ਸੀਨੀਅਰ ਕਰੀਬ 30 ਸਾਲ ਪਹਿਲਾਂ ਇੱਕ ਰੀ-ਮੈਚ ਵਿੱਚ ਆਹਮੋ-ਸਾਹਮਣੇ ਹੋਏ ਸਨ, ਜਿਹੜਾ ਡਰਾਅ ਰਿਹਾ ਸੀ। ਦੋਵੇਂ ਨਵੇਂ ਫਾਈਟਰ ਆਪੋ-ਅਪਣੇ ਭਾਰ ਵਰਗਾਂ ਵਿੱਚ ਵਲਰਡ ਟਾਈਟਲ ਲਈ ਵੀ ਕੋਸ਼ਿਸ਼ ਕਰ ਰਹੇ ਹਨ।
ਬੇਨ ਨੇ ਹਾਲੇ ਤੱਕ 21 ਮੁਕਾਬਲੇ ਖੇਡੇ ਹਨ ਅਤੇ ਕੋਈ ਵੀ ਹਾਰਿਆ ਨਹੀਂ। ਉਨ੍ਹਾਂ ਦੇ ਗੇਮ ਵਿੱਚ ਪਿਛਲੇ ਦੋ ਸਾਲ ਵਿੱਚ ਕਾਫੀ ਸੁਧਾਰ ਹੋਇਆ ਹੈ, ਪਰ ਅਜੇ ਤੱਕ ਉਨ੍ਹਾਂ ਯੂਬੈਂਕ ਜੂਨੀਅਰ ਦੀ ਤਾਕਤ ਦਾ ਸਾਹਮਣਾ ਨਹੀਂ ਕਰਨਾ ਪਿਆ, ਪਰ ਇਹ ਮੁਕਾਬਲਾ ‘ਵਿਰਾਸਤ' ਨੂੰ ਅੱਗੇ ਵਧਾਉਣ ਦਾ ਮੌਕਾ ਸੀ, ਜਿਸ ਨੂੰ ਉਹ ਠੁਕਰਾ ਨਹੀਂ ਸਕੇ। ਬਾਊਟ ਦੇ ਐਲਾਨ ਉੱਤੇ ਉਨ੍ਹਾਂ ਨੇ ਕਿਹਾ, “ਇਹ ਲੜਾਈ ਵਿਰਾਸਤ ਲਈ ਹੈ ਅਤੇ ਮੈਨੂੰ ਲੱਗਾ ਕਿ ਮੈਂ ਹਾਰ ਨਹੀਂ ਸਕਦਾ। ਮੇਰੇ ਲਈ ਇਹ ਨਿੱਜੀ ਮੁਕਾਬਲਾ ਹੈ। ਇਹ ਖਿਤਾਬ ਅਤੇ ਰੈਂਕਿੰਗ ਤੋਂ ਵੱਧ ਹੈ, ਇਹ ਸਾਡੇ ਪਰਵਾਰਾਂ ਦਾ ਅਧੂਰਾ ਕੰਮ ਹੈ।” ਦੂਸਰੇ ਪਾਸੇ ਯੂਬੈਂਕ ਜੂਨੀਅਰ ਨੇ ਅੱਜ ਤੱਕ 34 ਮੁਕਾਬਲੇ ਲੜੇ ਹਨ, ਜਿਨ੍ਹਾਂ ਵਿੱਚ ਉਨ੍ਹਾਂ ਨੂੰ ਦੋ ਵਿੱਚੋਂ ਹਾਰ ਵੇਖਣੀ ਪਈ ਹੈ। 32 ਸਾਲਾ ਯੂਬੈਂਕ ਜੂਨੀਅਰ ਮੰਨਦਾਾ ਹੈ ਕਿ ਇਹ ਉਨ੍ਹਾਂ ਦੇ ਕਰੀਅਰ ਦਾ ਸਭ ਤੋਂ ਵੱਡਾ ਮੁਕਾਬਲਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ,‘‘ਮੈਂ ਪਿਤਾ ਦੇ ਮਹਾਨ ਮੁਕਾਬਲੇ ਨੂੰ ਦੇਖ ਕੇ ਵੱਡਾ ਹੋਇਆ ਹਾਂ ਅਤੇ ਹਮੇਸ਼ਾ ਉਨ੍ਹਾਂ ਵਾਂਗ ਕਰਨਾ ਚਾਹੁੰਦਾ ਹਾਂ।''