ਦੋਹਾ, 29 ਸਤੰਬਰ (ਪੋਸਟ ਬਿਊਰੋ)- ਭਾਰਤੀ ਟੀਮ ਨੇ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਪਹਿਲੀ ਵਾਰ ਹੋ ਰਹੇ 4x400 ਮਿਸ਼ਰਤ ਰਿਲੇਅ ਦੌੜ (ਪੁਰਸ਼ ਤੇ ਔਰਤਾਂ) ਦੇ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਤੋਂ ਇਲਾਵਾ ਓਲੰਪਿਕ ਲਈ ਕੁਆਲੀਫਾਈ ਕਰ ਲਿਆ।
ਇਸ ਮੌਕੇ ਭਾਰਤੀ ਟੀਮ ਵੱਲੋਂ ਮੁਹੰਮਦ ਅਨਸ, ਵੀ ਕੇ ਵਿਸਮਾਇਆ, ਜਿਸਨਾ ਮੈਥਿਊ ਅਤੇ ਨੋਹ ਨਿਰਮਲ ਨੇ 3 :16.16 ਦਾ ਸਮਾਂ ਕੱਢ ਕੇ ਓਲੰਪਿਕ ਕੋਟਾ ਹਾਸਲ ਕੀਤਾ। ਟੀਮ ਵੱਲੋਂ ਵਿਸਮਾਇਆ ਦਾ ਪ੍ਰਦਰਸ਼ਨ ਬਹੁਤ ਸ਼ਾਨਦਾਰ ਸੀ। ਇਸ ਮੁਕਾਬਲੇ ਅਮਰੀਕਾ ਦੀ ਟੀਮ (3 :12.42) ਨੇ ਵਿਸ਼ਵ ਰਿਕਾਰਡ ਬਣਾ ਕੇ ਪਹਿਲਾ ਸਥਾਨ ਲਿਆ। ਜਮਾਇਕਾ ਦੀ ਟੀਮ (3 :12.74) ਨਾਲ ਤੀਜੇ ਥਾਂ ਰਹੀ।