ਬਰੈਂਪਟਨ, 24 ਜੂਨ (ਪੋਸਟ ਬਿਊਰੋ): ਬਰੈਂਪਟਨ ਸ਼ਹਿਰ (Brampton) (Canada Day) (Chinguacousy Park) ਚਿੰਗੁਆਕੌਸੀ ਪਾਰਕ ਵਿੱਚ ਪਰਿਵਾਰ ਦੇ ਅਨੁਕੂਲ ਗਤੀਵਿਧੀਆਂ ਦੀ ਇੱਕ ਲੜੀ ਨਾਲ ਕੈਨੇਡਾ ਦਿਵਸ ਸਮਾਰੋਹ ਮਨਾ ਰਿਹਾ ਹੈ। ਇਹ ਪ੍ਰੋਗਰਾਮ ਸੋਮਵਾਰ, 1 ਜੁਲਾਈ ਨੂੰ ਦੁਪਹਿਰ 12 ਵਜੇ ਤੋਂ ਰਾਤ 10 ਵਜੇ ਤੱਕ ਚੱਲੇਗਾ। ਇਸ ਵਿਚ ਇੰਫਲੇਟੇਬਲ ਰਾਈਡਜ਼, ਗੇਮ, ਸਲਾਈਵਜ਼, ਕਪਕੇਕ ਗਿਵਅਵੇ, ਛੋਟੇ ਵਿਕਰੇਤਾ ਅਤੇ ਹੋਰ ਵੀ ਕਾਫੀ ਕੁਝ ਸ਼ਾਮਿਲ ਹੋਵੇਗਾ।

ਪ੍ਰੋਗਰਾਮ ਦੇ ਮੁੱਖ ਮੰਚ `ਤੇ ਇਸ ਟੇਂਪੋ, ਡਾਇਨੇਮਿਕ ਡੀਜੇ ਜੋੜੀ ਮਿਕਸਸਿਗਨਲਜ਼, ਬਰੈਂਪਟਨ ਕਲਾਕਾਰ ਅਜਹਾਨੀ ਅਜੂਰ ਅਤੇ ਪੰਜਾਬੀ ਹਿਪ-ਹਾਪ ਕਲਾਕਾਰ ਇਕੀ ਦੀਆਂ ਪੇਸ਼ਕਾਰੀਆਂ ਸ਼ਾਮਿਲ ਹੋਣਗੀਆਂ।
ਇਸ ਸਾਲ ਦੇ ਪ੍ਰੋਗਰਾਮ ਦੀ ਮੁੱਖ ਪੇਸ਼ਕਾਰੀ ਅੰਤਰਰਾਸ਼ਟਰੀ ਕਲਾਕਾਰ, ਸ੍ਰੀਲੰਕਾਈ ਰੈਪਰ ਐੱਮ.ਆਈ.ਏ. ਦੀ ਹੋਵੇਗੀ। ਪ੍ਰੋਗਰਾਮ ਜੇਸੀ ਜੋਂਸ ਦੁਆਰਾ ਆਯੋਜਿਤ ਅਤੇ ਮੋਲਰ ਗਰੁੱਪ ਦੁਆਰਾ ਪੇਸ਼ ਕੀਤਾ ਜਾਵੇਗਾ।
ਪ੍ਰੋਗਰਾਮ ਆਤਿਸ਼ਬਾਜੀ ਨਾਲ ਖ਼ਤਮ ਹੋਵੇਗਾ। ਸਾਈਟ ਉੱਤੇ ਪਾਰਕਿੰਗ ਸੀਮਤ ਹੋਵੇਗੀ। ਹਾਲਾਂਕਿ, ਸ਼ਹਿਰ ਮਾਉਂਟ ਪਲੀਜੇਂਟ ਜੀਓ ਸਟੇਸ਼ਨ, ਟਰਿਨਿਟੀ ਕਾਮਨ ਮਾਲ, ਸ਼ੇਰਿਡਨ ਕਾਲਜ ਅਤੇ ਗੋਰ ਮੀਡੋਜ ਕੰਮਿਊਨਿਟੀ ਸੈਂਟਰ ਵਲੋਂ ਦੁਪਹਿਰ ਤੋਂ ਰਾਤ 10:30 ਵਜੇ ਤੱਕ ਹਰ 30 ਮਿੰਟ ਵਿੱਚ ਇਸ ਪ੍ਰੋਗਰਾਮ ਲਈ ਮੁਫਤ ਬਰੈਂਪਟਨ ਟਰਾਂਜਿਟ ਸ਼ਟਲ ਸੇਵਾ ਪ੍ਰਦਾਨ ਕੀਤੀ ਜਾਵੇਗੀ।
ਮੇਅਰ ਪੈਟਰਿਕ ਬਰਾਉਨ ਨੇ ਕਿਹਾ ਕਿ ਕੈਨੇਡਾ ਦਿਵਸ ਭਾਵਨਾ ਅਤੇ ਜੋਸ਼ ਨਾਲ ਮਨਾਉਣ ਲਈ ਬਰੈਂਪਟਨ ਵਿੱਚ ਇਕੱਠੇ ਹੋਵੋ। ਰੋਮਾਂਚਕ ਇੰਫਲੇਟੇਬਲ ਰਾਈਡਜ਼ ਤੋਂ ਲੈ ਕੇ ਸਵਾਦਿਸ਼ਟ ਵਿਅੰਜਨਾਂ ਅਤੇ ਹੇਡਲਾਈਨਰ ਐੱਮ. ਆਈ. ਏ.ਨਾਲ ਆਕਰਸ਼ਕ ਸਥਾਨਕ ਪ੍ਰਦਰਸ਼ਨਾਂ ਤੱਕ, ਚਿੰਗੁਆਕੌਸੀ ਪਾਰਕ ਉਤਸਵ ਦਾ ਇੱਕ ਜੀਵੰਤ ਤਾਣਾ-ਬਾਣਾ ਬਣ ਜਾਵੇਗਾ। ਇੱਕ ਜੁਲਾਈ ਨੂੰ ਆਪਣੇ ਰਾਸ਼ਟਰ ਦੇ ਸਨਮਾਨ ਵਿਚ ਸਾਡੇ ਨਾਲ ਜੁੜੋ ਅਤੇ ਇੱਕ ਸਮੁਦਾਏ ਦੇ ਰੂਪ ਵਿੱਚ ਜਸ਼ਨ ਮਨਾਓ।