ਵਾਸਿ਼ਗਟਨ ਡੀ ਸੀ, 11 ਮਾਰਚ (ਬਲਵਿਦਰ ਬਾਲਮ): ਡਾਕਟਰ ਸੁਰਿੰਦਰ ਸਿੰਘ ਗਿੱਲ ਸਿੱਖ ਕਮਿਉਨਿਟੀ ਦੀ ਜਾਣੀ ਪਹਿਚਾਣੀ ਸ਼ਖ਼ਸੀਅਤ ਹਨ। ਜੋ ਤਿੱਬਤੀ ਰੋਡ ਗੁਰਦਾਸਪੁਰ ਦਾ ਵਸਨੀਕ ਹੈ ।ਜਿਸ ਨੇ ਅਮਰੀਕਾ ਵਿੱਚ ਜਾ ਕੇ ਵੀ ਗੁਰਦਾਸਪੁਰ ,ਪੰਜਾਬ ਤੇ ਭਾਰਤ ਦਾ ਨਾਮ ਰੋਸ਼ਨ ਕੀਤਾ ਹੈ। ਜਿਸ ਨੂੰ ਅਮਰੀਕਾ ਵਿੱਚ ਸ਼ਾਂਤੀ ਦੂਤ ਵਜੋ ਨਿਯੁਕਤ ਕੀਤਾ ਗਿਆ ਹੈ। ਡਾਕਟਰ ਗਿੱਲ ਵੱਲੋਂ ਅਰਦਾਸ ਕਰਕੇ ਵਿਦੇਸ਼ੀ ਕੁਮਿਨਟੀਆ ਨੂੰ ਦਸਿਆ ਕਿ ਪ੍ਰਮਾਤਮਾ ਇਕ ਹੈ। ਉਸ ਨੂੰ ਧਿਆਉਣ ਦੇ ਢੰਗ ਵਖੋ ਵੱਖਰੇ ਹਨ। ਪਰ ਉਹ ਹੈ ਇਕ ਹੈ। ਸਿੱਖ ਸਰਬੱਤ ਦਾ ਭਲਾ ਮੰਗਣ ਵਾਲੀ ਕੋਮ ਦੂਸਰਿਆਂ ਦੇ ਭਲੇ ਲਈ ਮਰ ਮਿਟਣ ਵਾਲੀ ਕੋਮ ਹੈ। ਡਾਕਟਰ ਗਿੱਲ ਨੇ ਕਿਹਾ ਪਹਿਲੇ ਪਾਤਸ਼ਾਹ ਦੀਆਂ ਸਿੱਖਿਆਵਾਂ ਦਿੱਤੀਆਂ ਹਨ, ਨਾਮ ਜਪਣਾ, ਕਿਰਤ ਕਰਨਾ ਤੇ ਵੰਡ ਕੇ ਛਕਣ ਦਾ ਸਿਧਾਂਤ ਮਾਨਵਤਾ ਦੀ ਸੇਵਾ ਕਰਨ ਦਾ ਸੰਕਲਪ ਹੈ।ਉਸ ਨੂੰ ਦੂਜੀਆਂ ਕੁਮਿਨਟੀਆ ਵਿੱਚ ਫੈਲਾਉਣ ਤੇ ਦ੍ਰਿੜ ਕਰਨ ਲਈ ਉਪਰਾਲਾ ਕਰਨਗੇ।ਡਾਕਟਰ ਸਾਹਿਬ ਨੇ ਇੰਟਰਫੇਥ ਦੀ 152ਵੀਂ ਪ੍ਰਾਥਨਾ ਵਿੱਚ ਹਿੱਸਾ ਲਿਆ। ਉਹਨਾਂ ਵੱਲੋਂ ਕੀਤੀ ਪ੍ਰਰਾਥਨਾ ਨੇ ਹਰੇਕ ਕਮਿਉਨਿਟੀ ਦੇ ਮਨਾਂ ਵਿਚ ਜਗਿਆਸਾ ਪੈਦਾ ਕਰ ਦਿੱਤੀ । ਜਿਸ ਨੂੰ ਬਾਰ ਬਾਰ ਸੁਣਿਆ ਗਿਆ ਤੇ ਉਸ ਤੇ ਅਮਲ ਕਰਨ ਲਈ ਜ਼ੋਰ ਦਿੱਤਾ ਗਿਆ ਹੈ। ਡਾਕਟਰ ਸੁਰਿੰਦਰ ਗਿੱਲ ਜਿੱਥੇ ਪੰਜਾਬੀ ਪੜ੍ਹਾਉਣ ਦੀ ਸੇਵਾ ਕਰ ਰਹੇ ਹਨ ਉੱਥੇ ਸੱਭਿਆਚਾਰ ਨੂੰ ਪ੍ਰਫੁਲਤ ਕਰਨ ਵਿੱਚ ਵੀ ਅਹਿਮ ਰੋਲ ਅਦਾ ਕਰ ਰਹੇ ਹਨ। ਉਹਨਾਂ ਦੀਆਂ ਕਾਰਗੁਜ਼ਾਰੀਆਂ ਤੇ ਸੇਵਾਵਾਂ ਬਦਲੇ 2022 ਵਿੱਚ ਲਾਈਫ ਟਾਈਮ ਪ੍ਰਾਪਤੀ ਅਵਾਰਡ ਅਮਰੀਕਾ ਵਿੱਚ ਦਿੱਤਾ ਗਿਆ ਸੀ। ਇਸ ਸਾਲ ਉਹਨਾਂ ਦੇ ਨਾਮ ਦੀ ਸਿਫ਼ਾਰਿਸ਼ “ਪੀਸ ਅਵਾਰਡ” ਲਈ ਕੀਤੀ ਗਈ ਸੀ। ਜਿਸ ਦਾ ਐਲਾਨ ਯੂਨੀਵਰਸਲ ਪੀਸ ਫੈਡਰੇਸ਼ਨ ਨੇ ਪਿਛਲੇ ਹਫ਼ਤੇ 152ਵੀ ਅਰਦਾਸ ਮੋਕੇ ਕੀਤਾ ਗਿਆ ਸੀ।ਅੰਤਰ-ਰਾਸ਼ਟਰੀ ਵੋਮੈਨ ਦਿਵਸ ਦੇ ਸਮਾਗਮ ਮੋਕੇ ਤੇ ਵਸ਼ਿਗਟਨ ਡੀਸੀ ਵਿਖੇ ਵਸ਼ਿਗਟਨ ਟਾਈਮ ਦੇ ਖਚਾ ਖੱਚ ਹਾਲ ਵਿੱਚ ਡਾਕਟਰ ਸੁਰਿੰਦਰ ਸੁੰਘ ਗਿੱਲ ਨੂੰ ਸਿੱਖ ਕੁਮਿਨਟੀ ਦਾ ਅੰਬੈਸਡਰ ਪੀਸ ਨਿਯੁਕਤ ਕੀਤਾ ਗਿਆ। ਸਾਈਟੇਸ਼ਨ ਭੇਟ ਕਰਦੇ ਯੂਨੀਵਰਸਲ ਪੀਸ ਫੈਡਰੇਸ਼ਨ ਦੀ ਸੀਨੀਅਰ ਪ੍ਰਧਾਨ ਕੋਮੀਕੋ ਦੁਰਗਾਨ ਨੇ ਕਿਹਾ ਕਿ ਲੰਬੇ ਸਮੇ ਤੋ ਅਸੀਂ ਸਿੱਖ ਕੁਮਿਨਟੀ ਵਿੱਚ ਵਿਚਰ ਰਹੇ ਸੀ। ਕਈ ਪਾਸਿਓਂ ਡਾਕਟਰ ਸੁਰਿੰਦਰ ਸਿੰਘ ਗਿੱਲ ਨੂੰ ਨਾਮਜ਼ਦ ਕੀਤਾ ਗਿਆ ਸੀ। ਅਖੀਰ ਬੋਰਡ ਨੇ ਡਾਕਟਰ ਸੁਰਿੰਦਰ ਸਿੰਘ ਗਿੱਲ ਨੂੰ ਸ਼ਿਖ ਕਮਿਉਨਿਟੀ ਦਾ “ਅੰਬੈਸਡਰ ਪੀਸ” ਨਿਯੁਕਤ ਕਰਕੇ ਸਾਈਟੇਸ਼ਨ ਭੇਂਟ ਕਰਕੇ ਨਿਯੁਕਤੀ ਨੂੰ ਅਮਲੀ ਰੂਪ ਦਿੱਤਾ ਹੈ। ਸੰਸਥਾ ਦੇ ਸਕੱਤਰ ਲੈਰੀ ਨੇ ਕਿਹਾ ਕਿ ਡਾਕਟਰ ਗਿੱਲ ਵੱਲੋਂ ਕੀਤੀ ਅਰਦਾਸ ਨੂੰ ਹਰੇਕ ਕਮਿਉਨਿਟੀ ਨੇ ਮੰਨਿਆ ਹੈ। ਜੋ ਮਾਨਵਤਾ ਦੀ ਬਿਹਤਰੀ ਤੇ ਸਰਬੱਤ ਦੇ ਭਲੇ ਲਈ ਮਜ਼ਬੂਤ ਛਾਪ ਛੱਡ ਗਈ ਹੈ। ਡਾਕਟਰ ਸੁਰਿੰਦਰ ਸਿੰਘ ਗਿੱਲ ਨੇ ਕਿਹਾ ਕਿ ਇਹ ਸਿੱਖ ਭਾਈਚਾਰੇ ਲਈ ਮਾਣ ਵਾਲੀ ਗੱਲ ਹੈ। ਪਰ ਇਸ ਨਿਯੁਕਤੀ ਰਾਹੀਂ ਸ਼ਾਂਤੀ ਤੇ ਸਤਿਕਾਰ ਦਾ ਸੁਨੇਹਾ ਘਰ ਘਰ ਪਹੁੰਚਾਉਣ ਲਈ ਹਰ ਉਪਰਾਲਾ ਕੀਤਾ ਜਾਵੇਗਾ।ਇਸ ਨਿਯੁਕਤੀ ਤੇ ਸਿੱਖ ਕਮਿਉਨਿਟੀ ਦੇ ਸਰਗਰਮ ਧਾਰਮਿਕ ਸ਼ਖਸੀਅਤਾ ਨੇ ਡਾਕਟਰ ਗਿੱਲ ਨੂੰ ਵਧਾਈਆਂ ਦਿੱਤੀਆਂ ਹਨ। ਜਿਸ ਵਿੱਚ ਡਾਕਟਰ ਐਸ ਪੀ ਸਿੰਘ ਓਬਰਾਏ, ਗੁਰਚਰਨ ਸਿੰਘ ਗੁਰੂ, ਹਰਬੰਸ ਸਿੰਘ ਖਾਲਸਾ, ਭਾਈ ਸ਼ਵਿੰਦਰ ਸਿੰਘ, ਮਹਿਤਾਬ ਸਿੰਘ ਕਾਹਲੋਂ, ਪਰਮਜੀਤ ਸਿੰਘ, ਹਰਜੀਤ ਸਿੰਘ ਹੁੰਦਲ, ਬਲਦੇਵ ਸਿੰਘ ਗਰੇਵਾਲ਼, ਜਗਰੀਤ ਸਿੰਘ, ਸਤਪਾਲ ਸਿੰਘ ਬਰਾੜ ਅਤੇ ਪ੍ਰਤਾਪ ਸਿੰਘ ਦੇ ਨਾਮ ਸ਼ਾਮਲ ਹਨ।