ਕੈਲਗਰੀ, 5 ਮਈ (ਪੋਸਟ ਬਿਊਰੋ): ਇੱਕ ਜਿਊਰੀ ਨੇ ਤਿੰਨ ਸਾਲ ਪਹਿਲਾਂ ਡਾਊਨਟਾਊਨ ਸਟ੍ਰੀਟ 'ਤੇ ਇੱਕ ਔਰਤ ਦੀ ਚਾਕੂ ਮਾਰ ਕੇ ਹੱਤਿਆ ਦੇ ਮਾਮਲੇ ਵਿੱਚ ਕੈਲਗਰੀ ਦੇ ਇੱਕ ਵਿਅਕਤੀ ਨੂੰ ਪਹਿਲੀ-ਡਿਗਰੀ ਕਤਲ ਦਾ ਦੋਸ਼ੀ ਪਾਇਆ ਹੈ। ਮਾਈਕਲ ਅਡੇਨੀ (29) 'ਤੇ ਡਾਊਨਟਾਊਨ ਸਟ੍ਰੀਟ 'ਤੇ 2022 ਵਿੱਚ ਫਿਟਨੈੱਸ ਇੰਸਟ੍ਰਕਟਰ ਵੈਨੇਸਾ ਲਾਡੌਸਰ ਦੀ ਮੌਤ ਦੇ ਮਾਮਲੇ ਵਿੱਚ ਫ੍ਰਸਟ ਡਿਗਰੀ ਕਤਲ ਦਾ ਦੋਸ਼ ਹੈ। ਅਡੇਨੀ ਨੇ ਕਿਹਾ ਹੈ ਕਿ ਜਦੋਂ ਉਸਨੇ ਔਰਤ 'ਤੇ ਹਮਲਾ ਕੀਤਾ ਤਾਂ ਉਹ ਭਰਮ ਵਿੱਚ ਸੀ ਕਿ ਉਹ ਜੀਵ 'ਤੇ ਹਮਲਾ ਕਰ ਰਿਹਾ ਸੀ ਅਤੇ ਉਸਦੇ ਵਕੀਲਾਂ ਨੇ ਉਸ ਦੇ ਮਾਨਸਿਕ ਵਿਗਾੜ ਦੀ ਵੀ ਦਲੀਲ ਦਿੱਤੀ ਸੀ। ਅਡੇਨੀ ਨੇ ਗਵਾਹੀ ਦਿੱਤੀ ਕਿ ਉਹ ਆਪਣੇ ਸਿਰ ਵਿੱਚ ਆਵਾਜ਼ਾਂ ਨੂੰ ਚੁੱਪ ਕਰਵਾਉਣ ਲਈ ਇੱਕ ਘੰਟਾ ਨਹਾਉਂਦਾ ਸੀ।
ਉਸਨੇ ਕਿਹਾ ਕਿ ਉਸ ਨੂੰ ਜੀਵ ਸ਼ੇਰ, ਬਾਘ ਅਤੇ ਰਿੱਛ ਵਰਗੇ ਦਿਖਾਈ ਦਿੰਦੇ ਸਨ ਜਿਨ੍ਹਾਂ ਦੇ ਚਿਹਰੇ ਖਰਾਬ ਸਨ ਅਤੇ ਉਸਨੂੰ ਹਮਲਾ ਕਰਨਾ ਪੈਂਦਾ ਸੀ ਜਾਂ ਮਾਰੇ ਜਾਣ ਦਾ ਜੋਖਮ ਹੁੰਦਾ ਸੀ। ਉਹ ਆਪਣੇ ਜੁੱਤੀਆਂ ਦੇ ਤਸਮੇਂ ਨਾਲ ਵੀ ਗੱਲ ਕਰਦਾ ਸੀ ਅਤੇ ਆਪਣੇ ਕੱਪੜੇ ਉਲਟੇ ਪਾਸੇ ਪਹਿਨਦਾ ਸੀ। ਬਚਾਅ ਧਿਰ ਨੇ ਕਿਹਾ ਕਿ ਅਡੇਨੀ ਨੂੰ ਸ਼ਾਈਜ਼ੋਫਰੀਨੀਆ ਦਾ ਪਤਾ ਲੱਗਿਆ ਸੀ ਅਤੇ ਉਸਨੂੰ ਐਂਟੀਸਾਈਕੋਟਿਕ ਦਵਾਈਆਂ ਦਿੱਤੀਆਂ ਗਈਆਂ ਸਨ।
ਸਰਕਾਰੀ ਵਕੀਲ ਨੇ ਜਿਊਰੀ ਨੂੰ ਦਲੀਲ ਦਿੱਤੀ ਕਿ ਉਹ ਅਡੇਨੀ ਦੇ ਦਾਅਵਿਆਂ 'ਤੇ ਵਿਸ਼ਵਾਸ ਨਾ ਕਰੇ ਕਿ ਉਹ ਅਪਰਾਧਿਕ ਤੌਰ 'ਤੇ ਜ਼ਿੰਮੇਵਾਰ ਨਹੀਂ ਹੈ, ਉਸਨੇ ਆਪਣੇ ਅਪਰਾਧ ਤੋਂ ਬਚਣ ਲਈ ਪੁਲਿਸ ਅਤੇ ਮਾਨਸਿਕ ਸਿਹਤ ਪੇਸ਼ੇਵਰਾਂ ਨੂੰ ਝੂਠ ਬੋਲਿਆ ਸੀ। ਉਸਦੇ ਵਕੀਲ ਨੇ ਕਿਹਾ ਕਿ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਉਸਦਾ ਮੁਵੱਕਿਲ ਲਾਡੂਸਰ ਦੀ ਮੌਤ ਲਈ ਜਿ਼ੰਮੇਵਾਰ ਸੀ। ਅਦਾਲਤ ਨੇ ਸੁਣਿਆ ਕਿ ਉਸਨੇ ਲਾਡੂਸਰ ਦਾ ਲਗਭਗ ਦੋ ਬਲਾਕਾਂ ਤੱਕ ਪਿੱਛਾ ਕੀਤਾ ਤੇ ਉਸਦੇ ਚਿਹਰੇ 'ਤੇ ਛੇ ਜ਼ਖ਼ਮ ਵੀ ਸ਼ਾਮਿਲ ਸਨ। ਖੂਨ ਵਹਿਣ ਕਾਰਨ ਉਸਦੀ ਮੌਤ ਹੋ ਗਈ। 12 ਘੰਟਿਆਂ ਦੀ ਬਹਿਸ ਤੋਂ ਬਾਅਦ ਜਿਊਰੀ ਨੇ ਸ਼ਨੀਵਾਰ ਸ਼ਾਮ ਨੂੰ ਅਪਰਾਧਿਕ ਤੌਰ 'ਤੇ ਜਿ਼ੰਮੇਵਾਰ ਨਾ ਹੋਣ ਦੀ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ ਅਤੇ ਉਸਨੂੰ ਫ੍ਰਸਟ ਡਿਗਰੀ ਕਤਲ ਦਾ ਦੋਸ਼ੀ ਠਹਿਰਾਇਆ। ਸਜ਼ਾ ਸੁਣਾਉਣ ਦੀ ਮਿਤੀ 9 ਮਈ ਨੂੰ ਨਿਰਧਾਰਤ ਕੀਤੀ ਗਈ ਹੈ।