ਨੌਰਥ ਯੌਰਕ, 3 ਜੁਲਾਈ (ਪੋਸਟ ਬਿਊਰੋ) : ਨੌਰਥ ਯੌਰਕ ਵਿੱਚ ਟੀਟੀਸੀ ਦੀ ਬੱਸ ਸਮੇਤ ਤਿੰਨ ਗੱਡੀਆਂ ਦੇ ਆਪਸ ਵਿੱਚ ਟਕਰਾਉਣ ਤੋਂ ਬਾਅਦ 67 ਸਾਲਾ ਵਿਅਕਤੀ ਨੂੰ ਜ਼ਖ਼ਮੀ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।
ਪੁਲਿਸ ਨੂੰ ਕੱਲ੍ਹ ਸਵੇਰੇ 10:00 ਵਜੇ ਤੋਂ ਠੀਕ ਬਾਅਦ ਲਾਰੈਂਸ ਐਵਨਿਊ ਵੈਸਟ ਨੇੜੇ ਬਾਥਰਸਟ ਸਟਰੀਟ ਤੇ ਗਲੈਨਗ੍ਰੋਵ ਐਵਨਿਊ ਸੱਦਿਆ ਗਿਆ। ਹਾਦਸਾ ਇੱਕ ਕਾਰ, ਟੀਟੀਸੀ ਬੱਸ ਤੇ ਟਰਾਂਸਪੋਰਟ ਟਰੱਕ ਦਰਮਿਆਨ ਵਾਪਰਿਆ।
ਪੁਲਿਸ ਨੇ ਦੱਸਿਆ ਕਿ ਹਾਦਸਾ ਲਾਂਘੇ ਉੱਤੇ ਵਾਪਰਿਆ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਬੱਸ ਵਿੱਚ ਕੋਈ ਸਵਾਰੀ ਵੀ ਮੌਜੂਦ ਸੀ। ਪੁਲਿਸ ਨੇ ਦੱਸਿਆ ਕਿ ਮੌਕੇ ਤੋਂ ਮਿਲੀਆਂ ਰਿਪੋਰਟਾਂ ਅਨੁਸਾਰ ਟਰੱਕ ਪਲਟ ਗਿਆ ਤੇ ਜਿਸ ਨਾਲ ਸੜਕ ਉੱਤੇ ਫਿਊਲ ਫੈਲ ਗਿਆ। ਡਰਾਈਵਰ ਨੂੰ ਗੰਭੀਰ ਪਰ ਗੈਰ ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਲਿਜਾਇਆ ਗਿਆ।