ਵਿੰਨੀਪੇਗ, 3 ਨਵੰਬਰ (ਪਸਟ ਬਿਊਰੋ): ਸ਼ਹਿਰ ਦੇ ਡਾਊਨਟਾਊਨ ਵਿੱਚ ਇੱਕ ਅਪਾਰਟਮੈਂਟ ਵਿੱਚ ਅੱਗ ਲੱਗਣ ਤੋਂ ਬਾਅਦ ਸ਼ੁੱਕਰਵਾਰ ਸ਼ਾਮ ਤਿੰਨ ਲੋਕਾਂ ਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ।
ਸ਼ਾਮ 6:50 ਵਜੇ ਦੇ ਆਸਪਾਸ ਵਾਨ ਸਟਰੀਟ ਦੇ 200 ਬਲਾਕ ਵਿੱਚ ਚਾਰ ਮੰਜਿ਼ਲਾ ਅਪਾਰਟਮੈਂਟ ਬਿਲਡਿੰਗ ਵਿੱਚ ਅੱਗ ਲੱਗਣ ਦੀ ਸੂਚਨਾ `ਤੇ ਵਿੰਨੀਪੇਗ ਫਾਇਰ ਪੈਰਾਮੇਡਿਕ ਸਰਵਿਸ ਦੇ ਕਰਮਚਾਰੀਆਂ ਨੂੰ ਬੁਲਾਇਆ ਗਿਆ।
ਇਮਾਰਤ ਵਿਚੋਂ ਧੂੰਆਂ ਨਿਕਲਦਾ ਵੇਖ ਫਾਇਰਕਰਮੀ ਉੱਥੇ ਪਹੁੰਚੇ। ਉਨ੍ਹਾਂ ਨੇ ਅੰਦਰ ਫਸੇ ਲੋਕਾਂ ਨੂੰ ਬਾਹਰ ਕੱਢਣ ਵਿੱਚ ਮਦਦ ਕੀਤੀ, ਜਦੋਂਕਿ ਹੋਰ ਲੋਕ ਖੁਦ ਹੀ ਬਾਹਰ ਨਿਕਲਣ ਵਿੱਚ ਸਫਲ ਰਹੇ।
ਕਰਮਚਾਰੀਆਂ ਨੇ ਅੰਦਰੋਂ ਅੱਗ ਬੁਝਾਈ ਅਤੇ ਸ਼ਾਮ 7:16 ਵਜੇ ਇਸ `ਤੇ ਕਾਬੂ ਪਾ ਲਿਆ। ਤਿੰਨਾਂ ਲੋਕਾਂ ਨੂੰ ਹਸਪਤਾ ਲਿਜਾਇਆ ਗਿਆ। ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।