Welcome to Canadian Punjabi Post
Follow us on

09

May 2025
ਬ੍ਰੈਕਿੰਗ ਖ਼ਬਰਾਂ :
ਰਾਬਰਟ ਫਰਾਂਸਿਸ ਪ੍ਰੀਵੋਸਟ ਨਵੇਂ ਪੋਪ ਬਣੇ, ਪੋਪ ਲੀਓ-14 ਵਜੋਂ ਜਾਣੇ ਜਾਣਗੇਵਿਦੇਸ਼-ਅਧਾਰਤ ਤਸਕਰ ਦੇ ਦੋ ਕਾਰਕੁਨ 10 ਕਿਲੋ ਹੈਰੋਇਨ ਅਤੇ ਇੱਕ ਲੱਖ ਰੁਪਏ ਦੀ ਡਰੱਗ ਮਨੀ ਸਮੇਤ ਗ੍ਰਿਫ਼ਤਾਰਵਿਦੇਸ਼ੀ ਗੈਂਗਸਟਰ ਸੋਨੂੰ ਖੱਤਰੀ ਦਾ ਮੁੱਖ ਸਾਥੀ ਖਰੜ ਤੋਂ ਗ੍ਰਿਫ਼ਤਾਰ, ਤਿੰਨ ਪਿਸਤੌਲ ਬਰਾਮਦਦੱਖਣੀ ਕੈਲੀਫੋਰਨੀਆ ਵਿਚ ਸਕੂਲ ਦੇ ਬਾਹਰ ਵਿਦਿਆਰਥੀਆਂ `ਤੇ ਚਾਕੂ ਨਾਲ ਹਮਲਾ, ਇੱਕ ਦੀ ਮੌਤ, ਦੋ ਗੰਭੀਰਜੰਗ ਵੱਲ ਵੱਧ ਰਹੇ ਭਾਰਤ ਅਤੇ ਪਾਕਿਸਤਾਨ ਨੂੰ ਰੁਕਣਾ ਚਾਹੀਦਾ : ਟਰੰਪਸਸਕੈਚਵਨ ਵਿਚ 2 ਜੂਨ ਨੂੰ ਪ੍ਰੀਮੀਅਰਜ਼ ਨਾਲ ਬੈਠਕ ਕਰਨਗੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀਸਕੂਲਾਂ ਤੇ ਡੇਅਕੇਅਰ ਦੇ 150 ਮੀਟਰ ਘੇਰੇ ਅੰਦਰ ਨਸਿ਼ਆਂ ਦੀਆਂ ਦੁਕਾਨਾਂ `ਤੇ ਲੱਗ ਸਕਦੀ ਹੈ ਪਾਬੰਦੀਟੋਰਾਂਟੋ ਦੇ ਇੱਕ ਵਿਅਕਤੀ `ਤੇ ਬੰਦੂਕ ਦੀ ਨੋਕ `ਤੇ ਲੁੱਟਣ ਦੀ ਕੋਸ਼ਿਸ਼ ਦੇ ਲੱਗੇ ਕਈ ਚਾਰਜਿਜ਼
 
ਨਜਰਰੀਆ

ਨਾਨਕਬਾਣੀ ਸੁਣਦਿਆਂ: ਵਿਚਿ ਦੁਨੀਆ ਸੇਵ ਕਮਾਈਐ ਤਾ ਦਰਗਹਿ ਬੈਸਣੁ ਪਾਈਐ

August 01, 2023 03:52 AM

ਪ੍ਰਿੰ. ਸਰਵਣ ਸਿੰਘ, ਵਟਸਐਪ 647-785-1661

ਅੱਜ ਸੈਰ ਕਰਦਾਮੈਂ ਮੋਬਾਈਲ ਤੋਂ ਗੁਰੂ ਨਾਨਕ ਦੇਵ ਜੀ ਦੀ ਬਾਣੀਸੁਣ ਰਿਹਾਂ ਸਾਂ।ਜਾਗਣਸਾਰ ‘ਅੱਜ ਦੀਆਂ ਖ਼ਬਰਾਂ’ ਪੜ੍ਹੀਆਂ ਸੁਣੀਆਂ ਸਨ। ਵਧੇਰੇ ਖ਼ਬਰਾਂ ਬੇਚੈਨਕਰਨ ਵਾਲੀਆਂ ਸਨ। ਖ਼ਾਸ ਕਰ ਕੇ ਪੰਜਾਬ ਤੋਂ ਵਿਦੇਸ਼ ਪੜ੍ਹਨ ਆਏ ਵਿਦਿਆਰਥੀਆਂ ਦੀਆਂ ਪਰੇਸ਼ਾਨੀਆਂ ਤੇ ਕੁਝ ਇਕਨਾਂ ਦੀਆਂ ਅਜਾਈਂ ਜਾਂਦੀਆਂ ਕੁਝ ਜਾਨਾਂ ਬਾਰੇ। ਮੇਰਾ ਸਾਰੀ ਉਮਰ ਵਿਦਿਆਰਥੀਆਂ ਤੇ ਖਿਡਾਰੀਆਂ ਨਾਲ ਵਾਹ ਰਿਹੈ।ਨੌਜੁਆਨਾਂ ਦੀਆਂ ਸਰੀਰਕ ਤੇ ਮਾਨਸਿਕ ਸਮੱਸਿਆਵਾਂ ਮੈਂ ਕਾਫੀ ਹੱਦ ਤਕ ਸਮਝਦਾਂ। ਸੇਵ ਕਮਾਈਐ ਵਾਲੀਉਪ੍ਰੋਕਤ ਤੁਕ ਦੇ ਗਾਇਣਨੇ ਮੇਰੇ ਮਨ ਵਿਚ ਜੋ ਵਲਵਲਾ/ਵਿਚਾਰ ਪੈਦਾ ਕੀਤਾ ਉਹ ਮੈਂ ਮੀਡੀਏ ਰਾਹੀਂਸਾਂਝਾ ਕਰ ਰਿਹਾਂ ਅਤੇ ਕੋਸਿ਼ਸ਼ ਕਰਾਂਗਾ ਕਿ ਇਸ `ਤੇ ਪੂਰਾ ਉੱਤਰ ਸਕਾਂ।
ਮੈਂ ਚੁਰਾਸੀਵੇਂ ਸਾਲ `ਚ ਚੰਗੀ ਭਲੀ ਸਿਹਤ ਵਾਲਾ ਪੜ੍ਹਿਆ ਲਿਖਿਆ ਬੰਦਾ ਹਾਂ। ਹਰ ਰੋਜ਼ ਪੰਜ ਛੇ ਕਿਲੋਮੀਟਰ ਤੁਰਦਾ ਤੇ ਸੱਤ ਅੱਠ ਘੰਟੇ ਪੜ੍ਹਦਾ ਲਿਖਦਾ ਹਾਂ। ਹਰ ਹਫ਼ਤੇ ਅਖ਼ਬਾਰਾਂ ਰਸਾਲਿਆਂ ਵਿਚ ਛਪੀ ਜਾ ਰਿਹਾਂ ਅਤੇ ਹਰ ਸਾਲ ਇਕ ਦੋ ਪੁਸਤਕਾਂ ਛਪਵਾਈ ਜਾ ਰਿਹਾਂ। ਕਦੇ ਕਦੇ ਰੇਡੀਓ ਟੀਵੀ ਤੋਂ ਵੀ ਬੋਲਦਾ ਰਹਿਨਾਂ। ਮੈਂ ਦਿੱਲੀ, ਢੁੱਡੀਕੇ ਤੇ ਮੁਕੰਦਪੁਰ ਦੇ ਕਾਲਜਾਂ ਵਿਚ ਪੈਂਤੀ ਸਾਲ ਪੜ੍ਹਾਇਆ ਤੇ ਪ੍ਰਿੰਸੀਪਲੀ ਕੀਤੀ ਹੈ। ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦਾ ਸੈਨੇਟਰ, ਸਿੰਡਕ ਤੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦਾ ਮੈਂਬਰ ਰਿਹਾ ਹਾਂ। ਦੇਸ਼ ਵਿਦੇਸ਼ ਦੇ ਸੈਂਕੜੇ ਖੇਡ ਮੇਲਿਆਂ `ਤੇ ਕੁਮੈਂਟਰੀ ਕੀਤੀ ਅਤੇ ਅਨੇਕਾਂ ਵਿਚਾਰ ਗੋਸ਼ਟੀਆਂ ਵਿਚ ਭਾਗ ਲਿਆ ਹੈ। ਪਰਚੇ ਪੜ੍ਹੇ ਤੇ ਭਾਸ਼ਨ ਦਿੱਤੇ ਹਨ। ਪਰ ਮੈਂ ਇਹਸਾਰਾ ਕੁਝ‘ਸੇਵਾ’ ਦੇ ਤੌਰ `ਤੇ ਉੱਕਾਨਹੀਂ ਕੀਤਾ। ਮੈਨੂੰ ਅਜਿਹਾ ਕਰਨ ਬਦਲੇ ਤਨਖਾਹਾਂ, ਭੱਤੇ ਤੇ ਮਾਣ ਸਨਮਾਨ ਮਿਲਦੇ ਰਹੇ ਨੇ। ਮੇਰਾਜੀਵਨ ਹਾਲੇ ਤੀਕ ਮੇਰੀ ਸਵੈ-ਜੀਵਨੀ ‘ਹਸੰਦਿਆਂ ਖੇਲੰਦਿਆਂ’ ਵਾਂਗ ਹੀ ਬੀਤੀਜਾ ਰਿਹੈ। ਸੱਚੀਸੇਵਾ ਤਾਂ ਕੋਈ ਕੀਤੀ ਹੀ ਨਹੀਂ। ਦਰਗਾਹਿ `ਚ ਕੌਣ ਬੈਸਣੁ ਦੇਵੇਗਾ?
ਮੇਰਾ ਨੇੜਲਾ ਲੇਖਕ ਜਸਵੰਤ ਸਿੰਘ ਕੰਵਲ ਸੌ ਸਾਲ ਤੋਂ ਵੱਧ ਜੀਅ ਗਿਆ ਜਦ ਕਿਉਸ ਨੇ ਮੈਨੂੰ ਚੁਰਾਸੀ ਸਾਲ ਜਿਊਣ ਬਾਰੇ ਹੀ ਕਿਹਾ ਸੀ ਕਿ ਚੁਰਾਸੀ ਕੱਟੀ ਜਾਵੇ। ਉਹਦੇ ਵਾਂਗ ਕਹਿੰਦਾ ਤਾਂ ਮੈਂ ਵੀ ਹਾਂ ਕਿ ਜਿਓਣ ਲਈ ਚੁਰਾਸੀ ਸਾਲ ਬਹੁਤ ਹੁੰਦੇ ਨੇ। ਪਰ ਜੇ ਕੁਦਰਤ ਵੱਧ ਜਿਊਣ ਦਾ ਮੌਕਾ ਦੇਈ ਜਾਵੇ ਤਾਂ ਮਰ ਕੇ ਵੀ ਕੀ ਲੈਣਾ ਹੈ! ਕੁਝ ਨਾ ਕੁਝ ਚੰਗਾ ਕਰਦੇ ਰਹਿਣਾ ਚਾਹੀਦੈ। ਸੋ ਹੁਣ ਜਿੰਨੇ ਕੁ ਸਾਲ ਹੋਰਜੀਵਾਂਗਾ ਉਹ ਸੱਚੀ ਸੇਵਾ ਦੇ ਲੇਖੇ ਲਾਉਣ ਦਾ ਮਨ ਬਣਿਆ ਹੈ। ਕੋਈ ਧਨ ਨਾਲ ਸੇਵਾ ਕਰਦਾ ਹੈ, ਕੋਈ ਪਦਾਰਥਾਂ ਨਾਲ ਤੇ ਕੋਈ ਕਿਰਤ ਨਾਲ। ਮੇਰੇ ਕੋਲ ਸੇਵਾ ਕਰਨ ਲਈ ਆਮ ਸਿੱਖਿਆ, ਸਿਹਤ ਸਿੱਖਿਆ, ਖੇਡ ਸਿੱਖਿਆ, ਪੰਜਾਬੀ ਸਭਿਆਚਾਰ ਤੇ ਪਰਵਾਸ ਆਦਿ ਦਾ ਗਿਆਨ ਤੇ ਤਜਰਬਾ ਹੈ। 2000 ਵਿਚ ਪ੍ਰਿੰਸੀਪਲੀ ਤੋਂ ਰਿਟਾਇਰ ਹੋਣ ਪਿੱਛੋਂ ਮੈਂ ਕੈਨੇਡਾ ਦਾ ਪੱਕਾ ਪਰਵਾਸੀ ਹਾਂ। ਪਰਵਾਸ ਬਾਰੇ ਲਿਖਿਆ ਮੇਰਾ ਸਫ਼ਰਨਾਮਾ ‘ਅੱਖੀਂ ਵੇਖ ਨਾ ਰੱਜੀਆਂ’ ਪੰਜਾਬ ਯੂਨੀਵਰਸਿਟੀ ਵਿਚ ਬੀਏ ਦੇ ਵਿਦਿਆਥੀਆਂ ਲਈ ਛੇ ਸਾਲ ਪਾਠ ਪੁਸਤਕ ਬਣਿਆ ਰਿਹੈ। ਪਰ ਉਹ ਤੇਤੀ ਸਾਲ ਪਹਿਲਾਂ ਲਿਖਿਆ ਗਿਆ। ਤੇਤੀ ਸਾਲਾਂ `ਚ ਮੈਨੂੰ ਹੋਰ ਵੀ ਬਹੁਤ ਕੁਝ ਦਾ ਪਤਾ ਸੁਤਾ ਲੱਗਾ ਹੈ। ਖ਼ਾਸ ਕਰ ਵਿਦੇਸ਼ਾਂ `ਚ ਪੜ੍ਹਦੇ ਪੰਜਾਬੀ ਵਿਦਿਆਰਥੀਆਂ ਬਾਰੇ। ਉਨ੍ਹਾਂ ਨੂੰ ਅਜੇ ਹੋਰ ਸਿਖਿਅਤ ਕਰਨ ਦੀ ਲੋੜ ਹੈ ਤਾਂ ਕਿ ਉਹ ਪਰਵਾਸ ਦਾ ਜੀਵਨ ਸਫਲ ਜਿਉਂ ਸਕਣ।
ਹਾਲ ਦੀ ਘੜੀ ਮੈਂ ਹਫ਼ਤੇ ਵਿਚ ਇਕ ਜਾਂ ਦੋ ਦਿਨ ਪਰਵਾਸੀ ਵਿਦਿਆਰਥੀਆਂ ਨੂੰ ਸਿੱਖਿਆ ਦੇਣਲਈ ਆਪਣੇ ਆਪ ਨੂੰ ਵਲੰਟੀਅਰ ਟੀਚਰ ਵਜੋਂ ਪੇਸ਼ ਕਰਦਾ ਹਾਂ ਤਾਂ ਜੋ ਉਹ ਆਪਣੇ ਪੈਰਾਂ `ਤੇ ਖੜ੍ਹੇ ਹੋਣ, ਸਰੀਰਕ ਤੇ ਮਾਨਸਿਕ ਸਿਹਤ ਕਾਇਮ ਰੱਖਣ, ਚੜ੍ਹਦੀ ਕਲਾ `ਚ ਰਹਿਣ, ਆਪਣਾ ਕਾਜ ਆਪੇ ਸਵਾਰਨ ਜੋਗੇ ਹੋਣ ਅਤੇ ਨੇਕਨਾਮੀ ਖੱਟਣ ਵਾਲੇ ਨੌਜਵਾਨ ਬਣ ਕੇ ਆਪਣਾ, ਮਾਪਿਆਂ ਤੇ ਦੇਸ਼ ਕੌਮ ਦਾ ਨਾਮ ਰੌਸ਼ਨ ਕਰ ਸਕਣ। ਜਦੋਂ ਤਕ ਮੇਰੇ ਨੈਣ ਪ੍ਰਾਣ ਸਹੀ ਰਹਿਣਗੇ, ਮੈਨੂੰ ਅਜਿਹੀ ਸੇਵਾ ਕਰ ਕੇ ਖ਼ੁਸ਼ੀ ਮਿਲੇਗੀ।
ਮੈਂ ਬਰੈਂਪਟਨ ਦਾ ਵਸਨੀਕ ਹਾਂ। ਬਰੈਂਪਟਨ ਦੀ ਕੋਈ ਵੀ ਸਭਾ ਸੁਸਾਇਟੀ, ਗੁਰੂ ਘਰ, ਸੀਨੀਅਰਜ਼ ਕਲੱਬ ਜਾਂ ਬਰੈਂਪਟਨ ਦੇ ਪੰਜਾਬੀ ਪਰਵਾਸੀ ਵਿਦਿਆਰਥੀਆਂ ਦੀ ਕੋਈ ਜਥੇਬੰਦੀ ਕਿਸੇ ਸਾਂਝੀ ਜਗ੍ਹਾ `ਕੱਠੇ ਹੋਣ ਦਾ ਪ੍ਰਬੰਧ ਕਰ ਕੇ ਮੇਰੀਆਂ ਸਿੱਖਿਆ ਸੇਵਾਵਾਂ ਲੈ ਸਕਦੇ ਹਨ। ਮੈਂ ਨਿਮਰਤਾ ਸਹਿਤ ਬੇਨਤੀ ਕਰਦਾ ਹਾਂ, ਜੇ ਕੋਈ ਸਭਾ ਸੁਸਾਇਟੀ ਮੇਰੀ ਵਲੰਟੀਅਰ ਸੇਵਾ ਲੈਣੀ ਚਾਹੁੰਦੀ ਹੈ ਤਾਂ ਬਿਨਾਂ ਝਿਜਕ ਮੇਰੇ ਨਾਲ ਸੰਪਰਕ ਕਰਨ ਦੀ ਕਿਰਪਾਲਤਾ ਕਰੇ, ਮੈਂ ਤਹਿਦਿਲੋਂ ਧੰਨਵਾਦੀ ਹੋਵਾਂਗਾ।

 

 
Have something to say? Post your comment
ਹੋਰ ਨਜਰਰੀਆ ਖ਼ਬਰਾਂ
ਦਰਿਆਈ ਪਾਣੀ ਪੰਜਾਬ ਦੀ ਜਿੰਦ-ਜਾਨ : ਪ੍ਰਿੰਸੀਪਲ ਸਰਵਣ ਸਿੰਘ ਅਗਲੀਆਂ ਚੋਣਾਂ ਤੋਂ ਏਨਾ ਅਗੇਤਾ ਧਰੁਵੀਕਰਨ ਭਾਰਤ ਦੇ ਭਵਿੱਖ ਲਈ ਸੁਖਾਵਾਂ ਨਹੀਂ ਹੋਣ ਲੱਗਾ ਸੁਖਬੀਰ ਸਿੰਘ ਬਾਦਲ ਦਾ ਅਸਤੀਫਾ ਅਤੇ ਧਰਮ ਅਤੇ ਰਾਜਨੀਤੀ ਬਾਰੇ ਹਾਈਕੋਰਟ ਦਾ ਤਾਜ਼ਾ ਫੈਸਲਾ ਰਾਹੀ ਮਾਸੂਮ ਰਜ਼ਾ ਕਹਿੰਦਾ ਸੀ: ਯੇ ਮੌਸਮ ਖਤਮ ਹੋਨੇ ਕਾ ਨਾਮ ਹੀ ਨਹੀਂ ਲੇ ਰਹਾ ਕੈਨੇਡੀਅਨ ਸਮਾਜ ਦਾ ਦਰਪਣ : ਬਲਜੀਤ ਰੰਧਾਵਾ ਦੀ ਪੁਸਤਕ ‘ਲੇਖ ਨਹੀਂ ਜਾਣੇ ਨਾਲ਼’ ਸੜਕ ਏਥੇ ਦੀ ਏਥੇ ਤੇ ਦੇਸ਼ ਏਦਾਂ ਦਾ ਏਦਾਂ ਰਹੇਗਾ, ਪਤਾ ਨਹੀਂ ਕਦੋਂ ਤੱਕ! ਮੇਰਾ ਬਾਬਾ ਨਾਨਕ ਅਦੁੱਤੀ ਰੱਬੀ ਦੂਤ ਇਤਿਹਾਸ ਦੱਸਦੈ ਅਕਾਲੀ ਦਲ ਦਾ ਪਾਟਕ ਪੰਜਾਬ ਉੱਤੇ ਕੀ ਅਸਰ ਪਾ ਸਕਦੈ! ਮਹਾਰਾਸ਼ਟਰ, ਝਾਰਖੰਡ ਦੇ ਨਾਲ ਪੰਜਾਬ ਦੀਆਂ ਚਾਰ ਸੀਟਾਂ ਲਈ ਚੋਣਾਂ ਨਵੇਂ ਸਬਕ ਦੇਣ ਵਾਲਾ ਸਾਬਤ ਹੋਇਆ ਹਰਿਆਣੇ ਅਤੇ ਜੰਮੂ-ਕਸ਼ਮੀਰ ਦੀਆਂ ਚੋਣਾਂ ਦਾ ਨਤੀਜਾ