ਅਸਾਮ, 7 ਜੂਨ (ਪੋਸਟ ਬਿਊਰੋ): ਅਸਾਮ 'ਚ ਬੁੱਧਵਾਰ ਨੂੰ ਕਾਮਾਖਿਆ-ਗਵਾਲਪਾੜਾ ਕਸਬੇ ਸੈਕਸ਼ਨ ਦੇ ਸਿ਼ੰਗਰਾ ਸਟੇਸ਼ਨ 'ਤੇ ਮਾਲ ਗੱਡੀ ਦੇ 16 ਡੱਬੇ ਪਟੜੀ ਤੋਂ ਉਤਰ ਗਏ।ਇਹ ਘਟਨਾ ਉੱਤਰ-ਪੂਰਬੀ ਫਰੰਟੀਅਰ ਰੇਲਵੇ ਦੇ ਰੰਗੀਆ ਡਿਵੀਜ਼ਨ ਅਧੀਨ ਵਾਪਰੀ।ਦੱਸਿਆ ਜਾ ਰਿਹਾ ਹੈ ਕਿ ਇੰਜਣ ਛੇ-ਸੱਤ ਡੱਬਿਆਂ ਦੇ ਨਾਲ ਕਈ ਮੀਟਰ ਚੱਲਦਾ ਰਿਹਾ।ਇਸ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ। ਇਸ ਕਾਰਨ ਕੁਝ ਟਰੇਨਾਂ ਨੂੰ ਰੱਦ, ਅੰਸ਼ਕ ਤੌਰ 'ਤੇ ਰੱਦ ਜਾਂ ਮੋੜ ਦਿੱਤਾ ਗਿਆ ਹੈ।
ਜਾਣਕਾਰੀ ਮੁਤਾਬਕ ਟਰੇਨ ਦੇ ਕਈ ਡੱਬੇ ਪਟੜੀ ਤੋਂ ਉਤਰ ਗਏ, ਜਿਨ੍ਹਾਂ 'ਚੋਂ ਕਰੀਬ 15 ਤੋਂ 16 ਡੱਬੇ ਪੂਰੀ ਤਰ੍ਹਾਂ ਪਟੜੀ ਤੋਂ ਉਤਰ ਕੇ ਵੱਖ ਹੋ ਗਏ।ਹਾਦਸੇ ਦੇ ਸਮੇਂ ਟਰੇਨ ਕੋਲਾ ਲੈ ਕੇ ਜਾ ਰਹੀ ਸੀ। ਘਟਨਾ ਤੋਂ ਬਾਅਦ ਰੇਲਗੱਡੀ ਦਾ ਇੰਜਣ ਸਿਰਫ਼ ਛੇ-ਸੱਤ ਡੱਬਿਆਂ ਨਾਲ ਕਰੀਬ 200 ਮੀਟਰ ਤੱਕ ਅੱਗੇ ਵਧਦਾ ਰਿਹਾ। ਟਰੇਨ ਵਿੱਚ ਕੁੱਲ 60 ਬੋਗੀਆਂ ਸਨ।
ਵਰਣਨਯੋਗ ਹੈ ਕਿ 3 ਜੂਨ ਨੂੰ ਕੋਕਰਾਝਾਰ ਰੇਲਵੇ ਸਟੇਸ਼ਨ ਨੇੜੇ ਇਕ ਰੇਲਗੱਡੀ ਦਾ ਇੰਜਣ ਅਤੇ ਦੋ ਹੋਰ ਬੋਗੀਆਂ ਬਾਕੀ ਅੱਠ ਬੋਗੀਆਂ ਤੋਂ ਵੱਖ ਹੋ ਗਈਆਂ ਅਤੇ ਲਗਭਗ 600 ਮੀਟਰ ਤੱਕ ਚਲਦੀਆਂ ਰਹੀਆਂ। ਖੁਸ਼ਕਿਸਮਤੀ ਨਾਲ ਟਰੇਨ ਦੀ ਰਫ਼ਤਾਰ ਮੱਠੀ ਹੋਣ ਕਾਰਨ ਅਤੇ ਸਵਾਰੀਆਂ ਦੀ ਅਣਹੋਂਦ ਕਾਰਨ ਵੱਡਾ ਹਾਦਸਾ ਹੋਣੋਂ ਟਲ ਗਿਆ।