Welcome to Canadian Punjabi Post
Follow us on

09

May 2025
ਬ੍ਰੈਕਿੰਗ ਖ਼ਬਰਾਂ :
 
ਕੈਨੇਡਾ

ਲਿਬਰਲ ਪਾਰਟੀ ਦੀ ਕਨਵੈਨਸ਼ਨ ਵਿੱਚ ਟਰੂਡੋ ਨੇ ਪੌਲੀਏਵਰ ਨੂੰ ਲੰਮੇਂ ਹੱਥੀਂ ਲਿਆ

May 05, 2023 09:14 AM

ਓਟਵਾ, 5 ਮਈ (ਪੋਸਟ ਬਿਊਰੋ) : ਓਟਵਾ ਵਿੱਚ ਲਿਬਰਲ ਪਾਰਟੀ ਦੀ ਪਾਲਿਸੀ ਕਨਵੈਨਸ਼ਨ ਮੌਕੇ ਪਾਰਟੀ ਸਮਰਥਕਾਂ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਖਿਆ ਕਿ 2015 ਵਿੱਚ ਕੈਨੇਡੀਅਨਜ਼ ਨੇ ਡਰ ਤੇ ਗੁੱਸੇ ਤੋਂ ਉੱਤੇ ਆਸ ਦੀ ਚੋਣ ਕੀਤੀ ਤੇ ਅਗਲੀ ਵਾਰੀ ਜਦੋਂ ਕੈਨੇਡੀਅਨਜ਼ ਚੋਣਾਂ ਦਾ ਹਿੱਸਾ ਬਣਨਗੇ ਤਾਂ ਉਹ ਇੱਕ ਵਾਰੀ ਫਿਰ ਸਹੀ ਦਿਸ਼ਾ ਵੱਲ ਜਾਣਗੇ।
ਅਗਲੀਆਂ ਚੋਣਾਂ ਅਜੇ ਦੋ ਸਾਲ ਬਾਅਦ ਹੋਣੀਆਂ ਹਨ ਪਰ ਟਰੂਡੋ ਨੂੰ ਕੋਈ ਸ਼ੱਕ ਨਹੀਂ ਕਿ ਅਸੀਂ ਤੇਜ਼ੀ ਨਾਲ ਉਨ੍ਹਾਂ ਵੱਲ ਵੱਧ ਰਹੇ ਹਾਂ, ਉਹ ਇਸ ਗੱਲ ਨੂੰ ਲੈ ਕੇ ਵੀ ਆਸਵੰਦ ਹਨ ਕਿ ਉਹ ਇੱਕ ਵਾਰੀ ਮੁੜ ਚੋਣਾਂ ਵਿੱਚ ਖੜ੍ਹੇ ਹੋਣਗੇ। ਇਸ ਦੌਰਾਨ ਟਰੂਡੋ ਨੇ ਇਹ ਸਪਸ਼ਟ ਸੰਕੇਤ ਦੇ ਦਿੱਤਾ ਕਿ ਅਗਲੀਆਂ ਚੋਣਾਂ ਵਿੱਚ ਵੀ ਪਾਰਟੀ ਦੀ ਅਗਵਾਈ ਉਹ ਖੁਦ ਹੀ ਕਰਨਗੇ।ਟਰੂਡੋ ਨੇ ਦੱਸਿਆ ਕਿ ਉਹ ਇਹ ਵੀ ਜਾਣਦੇ ਹਨ ਕਿ ਉਨ੍ਹਾਂ ਲਈ ਸੱਭ ਤੋਂ ਵੱਡਾ ਖਤਰਾ ਕੌਣ ਹੋਵੇਗਾ। ਟਰੂਡੋ ਨੇ ਆਖਿਆ ਕਿ ਪਿਏਰ ਪੌਲੀਏਵਰ ਦਾ ਲੋਕਾਂ ਨੂੰ ਲੁਭਾਉਣਾ, ਉਸ ਦੇ ਨਾਅਰੇ ਤੇ ਮੂਲਮੰਤਰ ਗੰਭੀਰ ਚੁਣੌਤੀਆਂ ਦਾ ਕੋਈ ਸੰਜੀਦਾ ਹੱਲ ਨਹੀਂ ਹਨ।
ਦੂਜੇ ਪਾਸੇ ਕੰਜ਼ਰਵੇਟਿਵਾਂ ਵੱਲੋਂ ਲਿਬਰਲਾਂ ਲਈ ਆਖਿਆ ਜਾ ਰਿਹਾ ਹੈ ਕਿ ਉਹ ਲੋਕਾਂ, ਆਰਥਿਕ ਵਿਕਾਸ, ਪਰਿਵਾਰਾਂ ਤੇ ਕਲਾਈਮੇਟ ਚੇਂਜ ਵਰਗੇ ਮੁੱਦਿਆਂ ਉੱਤੇ ਹੀ ਅਟਕੇ ਹੋਏ ਹਨ। ਇਸ ਉੱਤੇ ਟਰੂਡੋ ਨੇ ਪੌਲੀਏਵਰ ਨੂੰ ਤਾੜਦਿਆਂ ਆਖਿਆ ਕਿ ਜੇ ਇਨ੍ਹਾਂ ਸਾਰੇ ਮੁੱਦਿਆਂ ਦੀ ਗੱਲ ਨਹੀਂ ਕੀਤੀ ਜਾਵੇਗੀ ਤਾਂ ਹੋਰ ਕਿਸ ਬਾਰੇ ਗੱਲ ਕੀਤੀ ਜਾਣੀ ਜ਼ਰੂਰੀ ਹੈ। ਉਨ੍ਹਾਂ ਆਖਿਆ ਕਿ ਇਸ ਸਮੇ ਕੰਜ਼ਰਵੇਟਿਵਾਂ ਨੂੰ ਜਾਗਣ ਤੇ ਅੱਖਾਂ ਖੋਲ੍ਹਣ ਦੀ ਲੋੜ ਹੈ।ਫਿਰ ਟਰੂਡੋ ਨੇ ਕੰਜ਼ਰਵੇਟਿਵਾਂ ਦੇ ਉਨ੍ਹਾਂ ਐਕਸ਼ਨਜ਼ ਦੀ ਲਿਸਟ ਲਾਂਚ ਕੀਤੀ ਜਿਸ ਨੂੰ ਹਥਿਆਰ ਬਣਾ ਕੇ ਲਿਬਰਲ ਵਰਤਣਗੇ।
ਇਸ ਦੌਰਾਨ ਟਰੂਡੋ ਨੇ ਲਿਬਰਲਾਂ ਦੇ ਚਾਈਲਡ ਟੈਕਸ ਬੈਨੇਫਿਟ ਵਿੱਚ ਕੀਤੇ ਵਾਧੇ ਦਾ ਮੁੱਦਾ ਵੀ ਉਠਾਇਆ ਤੇ ਇਸ ਨੂੰ ਲਿਬਰਲਾਂ ਦੀ ਪ੍ਰਾਪਤੀ ਵਜੋਂ ਹੁੱਭ ਕੇ ਦੱਸਿਆ। ਪਰ ਵਿਦੇਸ਼ੀ ਦਖਲ ਦਾ ਜਿਹੜਾ ਮੁੱਦਾ ਇਸ ਸਮੇਂ ਚਰਚਾ ਵਿੱਚ ਹੈ ਉਸ ਬਾਰੇ ਟਰੂਡੋ ਨੇ ਕੋਈ ਜਿ਼ਕਰ ਤੱਕ ਨਹੀਂ ਕੀਤਾ।

 

 

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਕਮੀ ਕਾਰਨ ਕਿਊਬੈੱਕ ਯੂਨੀਵਰਸਿਟੀਆਂ ਨੂੰ ਹੋ ਸਕਦੈ 200 ਮਿਲੀਅਨ ਡਾਲਰ ਦਾ ਘਾਟਾ ਨੋਵਾ ਸਕੋਸ਼ੀਆ ਸਰਕਾਰ ਸਿਡਨੀ ਕਮਿਊਟਰ ਰੇਲ ਅਧਿਐਨ ਦੀ ਕਰ ਰਹੀ ਹੈ ਸਮੀਖਿਆ ਓਟਵਾ ਪੁਲਿਸ ਨੇ ਵਿਸ਼ੇਸ਼ ਕਾਂਸਟੇਬਲ ਪ੍ਰੋਗਰਾਮ `ਚ ਕੀਤਾ ਵਿਸਥਾਰ ਸਸਕੈਚਵਨ ਵਿਚ 2 ਜੂਨ ਨੂੰ ਪ੍ਰੀਮੀਅਰਜ਼ ਨਾਲ ਬੈਠਕ ਕਰਨਗੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਸਕੂਲਾਂ ਤੇ ਡੇਅਕੇਅਰ ਦੇ 150 ਮੀਟਰ ਘੇਰੇ ਅੰਦਰ ਨਸਿ਼ਆਂ ਦੀਆਂ ਦੁਕਾਨਾਂ `ਤੇ ਲੱਗ ਸਕਦੀ ਹੈ ਪਾਬੰਦੀ ਅਲਬਰਟਾ ਦੇ ਸਪੀਕਰ ਨਾਥਨ ਕੂਪਰ ਦੀ ਵਾਸਿ਼ੰਗਟਨ ਦੂਤ ਦੇ ਰੂਪ ਵਜੋਂ ਚੋਣ ਸਸਕੈਚਵਨ ਵਿਰੋਧੀ ਧਿਰ ਵੱਲੋਂ ਐਂਟੀ ਸੈਪਰੇਸ਼ਨ ਬਿੱਲ ਪੇਸ਼ ਕੈਲੇਡਨ ਵਿਖੇ ਵਿਸ਼ਵ ਪੱਧਰੀ ਆਰਬੀਸੀ ਕੈਨੇਡੀਅਨ ਓਪਨ 4 ਜੂਨ ਤੋਂ ਕਿੰਗਸਟਨ ਵਿੱਚ ਸੈਂਕੜੇ ਮਰੀਜ਼ਾਂ ਦਾ ਇਲਾਜ ਕਰਨ ਵਾਲੀ ਨਕਲੀ ਨਰਸ 18 ਮਹੀਨੇ ਤੱਕ ਰਹੇਗੀ ਹਾਊਸ ਅਰੈਸਟ ਚੋਣ ਹਾਰਨ ਤੋਂ ਬਾਅਦ ਪੋਇਲੀਵਰ ਨੇ ਹਾਰ ਤੋਂ ਸਿੱਖਣ ਦਾ ਕੀਤਾ ਵਾਅਦਾ