ਨਵੀਂ ਦਿੱਲੀ, 27 ਮਾਰਚ (ਪੋਸਟ ਬਿਊਰੋ): ਕੇਂਦਰੀ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਅੱਜ ਲੋਕਸਭਾ ਵਲੋਂ ਰਾਹੁਲ ਗਾਂਧੀ ਦੀ ਮੈਂਬਰਤਾ ਖੋਹੇ ਜਾਣ `ਤੇ ਵਿਰੋਧੀ ਪੱਖ ਦੇ ਵਿਰੋਧ ਪ੍ਰਦਰਸ਼ਨ `ਤੇ ਤੰਜ ਕੱਸਦਿਆਂ ਹਰਦੀਪ ਪੁਰੀ ਨੇ ਕਾਂਗਰਸ ਨੂੰ ਕਾਨੂੰਨੀ ਵਿਵਸਥਾ ਦੇ ਆਧਾਰ `ਤੇ ਕੁਝ ਗੰਭੀਰ ਆਤਮਚਿੰਤਨ ਕਰਨ ਦੀ ਸਲਾਹ ਦਿੱਤੀ। ਉਨ੍ਹਾਂ ਨੇ 'ਸਾਵਰਕਰ ਨਹੀਂ' ਟਿੱਪਣੀ ਨੂੰ ਲੈ ਕੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ `ਤੇ ਵੀ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਨੇ ਇੱਕ ਵੀਡੀਓ ਵਿਚ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ, ਕਿ ਤੁਸੀਂ ਸਾਵਰਕਰਜੀ ਵਰਗੇ ਲੋਕਾਂ ਦੇ ਯੋਗਦਾਨ ਨੂੰ ਜਾਣਦੇ ਹੋ ? ਜਿਵੇਂ ਮੈਂ ਕਿਹਾ, ਤੁਸੀਂ ਘੋੜਿਆਂ ਦੀ ਦੌੜ ਲਈ ਗਧਾ ਲਿਆ ਰਹੇ ਹੋ ?
ਹਰਦੀਪ ਪੁਰੀ ਨੇ ਕਿਹਾ ਕਿ ਰਾਹੁਲ ਗਾਂਧੀ ਜੋ ਕੀਤਾ, ਉਸ ਲਈ ਭਾਰਤ ਦੇ ਲੋਕ ਨਿਆਂ ਕਰਨਗੇ। ਕਾਂਗਰਸ ਪਾਰਟੀ ਨੂੰ ਅਦਾਲਤ ਦੀ ਕਾਰਵਾਈ ਨੂੰ ਅਦਾਲਤ ਵਿਚ ਲੜਨਾ ਚਾਹੀਦਾ ਹੈ, ਨਾਕਿ ਸੜਕਾਂ `ਤੇ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਰਾਹੁਲ ਗਾਂਧੀ ਕਹਿੰਦੇ ਹਨ ਕਿ ਉਹ ਮੁਆਫੀ ਨਹੀਂ ਮੰਗਣਗੇ, ਕਿਉਂਕਿ ਉਹ ਸਾਵਰਕਰ ਨਹੀਂ ਹਨ। ਪਰ ਕੀ ਉਹ ਇਹ ਜਾਣਦੇ ਹੈ ਕਿ ਵੀਰ ਸਾਵਰਕਰ ਦਾ ਅੰਗਰੇਜ਼ਾਂ ਖਿਲਾਫ ਲੜਾਈ ਵਿਚ ਕੀ ਯੋਗਦਾਨ ਰਿਹਾ ? ਇਹ ਠੀਕ ਉਸੇ ਤਰ੍ਹਾਂ ਹੈ ਜਿਵੇਂ ਘੋੜਿਆਂ ਨਾਲ ਗਧਿਆਂ ਦੀ ਦੌੜ ਹੋ ਰਹੀ ਹੋਵੇ। ਉਨ੍ਹਾਂ ਦਾ ਫੈਸਲਾ ਇੱਕ ਦਿਨ ਜਨਤਾ ਜ਼ਰੂਰ ਕਰੇਗੀ, ਹਾਲੇ ਉਨ੍ਹਾਂ ਨੂੰ ਕੋਰਟ ਨੇ ਪ੍ਰਕਿਰਿਆ ਦਾ ਪਾਲਣ ਕਰਦੇ ਹੋਏ ਸਜ਼ਾ ਦਿੱਤੀ ਹੈ, ਇਸ ਲਈ ਉਨ੍ਹਾਂ ਨੂੰ ਕਾਨੂੰਨ ਅਤੇ ਸੰਵਿਧਾਨ ਦਾ ਸਨਮਾਨ ਕਨਾ ਚਾਹੀਦਾ ਹੈ।