ਓਟਵਾ, 10 ਨਵੰਬਰ (ਪੋਸਟ ਬਿਊਰੋ) : ਰਾਤ ਸਮੇਂ ਸੇਵਾਵਾਂ ਵਿੱਚ ਪਏ ਵਿਘਣ ਤੋਂ ਬਾਅਦ ਟੈੱਲਅਸ ਨੇ ਆਖਿਆ ਕਿ ਉਨ੍ਹਾਂ ਵੱਲੋਂ ਆਪਣੇ ਲੈਂਡਲਾਈਨ ਕਸਟਮਰਜ਼ ਲਈ 911 ਕਾਲ ਸੇਵਾ ਬਹਾਲ ਕਰ ਦਿੱਤੀ ਗਈ ਹੈ।
ਸਵੇਰੇ 7:00 ਵਜੇ ਤੋਂ ਠੀਕ ਪਹਿਲਾਂ ਕੰਪਨੀ ਨੇ ਆਖਿਆ ਕਿ ਆਪਣੇ ਗਾਹਕਾਂ ਨੂੰ ਸੇਵਾਵਾਂ ਵਿੱਚ ਪਏ ਵਿਘਣ ਕਾਰਨ ਆਈ ਦਿੱਕਤ ਲਈ ਉਹ ਮੁਆਫੀ ਮੰਗਦੇ ਹਨ ਤੇ ਸਰਵਿਸ ਬਹਾਲ ਕਰ ਦਿੱਤੀ ਗਈ ਹੈ। ਹੈਮਿਲਟਨ ਪੁਲਿਸ ਵੱਲੋਂ ਸਵੇਰ ਸਮੇਂ ਇਹ ਚੇਤਾਵਨੀ ਦਿੱਤੀ ਗਈ ਸੀ ਕਿ ਕੁੱਝ ਲੈਂਡਲਾਈਨ ਯੂਜ਼ਰਜ਼ 911 ਸੇਵਾਵਾਂ ਦੀ ਵਰਤੋਂ ਨਹੀਂ ਕਰ ਪਾ ਰਹੇ ਹਨ। ਪੁਲਿਸ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ।
ਕੰਪਨੀ ਦੀ ਵੈੱਬਸਾਈਟ ਅਨੁਸਾਰ ਇਹ ਦਿੱਕਤ ਸੱਭ ਤੋਂ ਵੱਧ ਚੈਠਮ, ਦਰਹਾਮ, ਗੈਨਾਨੌਕ, ਗੁਐਲਫ, ਹਾਲਟਨ, ਹੈਮਿਲਟਨ, ਨਾਇਗਰਾ ਤੇ ਪੀਲ ਵਿੱਚ ਆਈ। ਇਹ ਦਿੱਕਤ ਕਿਸ ਲਈ ਆਈ ਇਸ ਬਾਰੇ ਅਜੇ ਤੱਕ ਕੋਈ ਜਾਣਕਾਰੀ ਹਾਸਲ ਨਹੀਂ ਹੋ ਸਕੀ।