ਡਿਬਰੂਗੜ੍ਹ, 19 ਸਤੰਬਰ (ਪੋਸਟ ਬਿਊਰੋ)- ਆਸਾਮ-ਅਰੁਣਾਚਲ ਸਰਹੱਦ 'ਤੇ ਤਿਨਸੁਕੀਆ ਜਿ਼ਲ੍ਹੇ ਦੇ ਲੇਡੋ ਵਿਖੇ ਐਤਵਾਰ ਰਾਤ ਨੂੰ ਇਕ ਗੈਰ-ਕਾਨੂੰਨੀ ਰੈਟ ਹੋਲ ਖਾਣ ਵਿਚ ਘੱਟੋ-ਘੱਟ ਤਿੰਨ ਕੋਲਾ ਖਾਣ ਮਜਦੂਰ ਮਾਰੇ ਗਏ।ਘਟਨਾ ਦੀ ਪੁਸ਼ਟੀ ਕਰਦੇ ਹੋਏ ਤਿਨਸੁਕੀਆ ਦੇ ਪੁਲਸ ਸੁਪਰਡੈਂਟ ਦੇਬੋਜੀਤ ਦਿਓਰੀ ਨੇ ਦੱਸਿਆ ਕਿ ਪੁਲਸ ਨੇ ਘਟਨਾ ਤੋਂ ਬਾਅਦ ਹੁਣ ਤੱਕ ਪੰਜ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਮਜਦੂਰਾਂ ਦੀ ਮੌਤ ਮੀਥੇਨ ਵਰਗੀ ਜ਼ਹਿਰੀਲੀ ਗੈਸ ਦੇ ਸਾਹ ਲੈਣ ਨਾਲ ਚੜ੍ਹੇ ਹੋਣ ਦਾ ਖਦਸ਼ਾ ਹੈ।ਮਾਰੇ ਗਏ ਮਾਈਨਰਾਂ ਦੀ ਪਛਾਣ ਸਾਹਿਦੁਲ ਇਸਲਾਮ, ਹੁਸੈਨ ਅਲੀ ਅਤੇ ਹਸਮਤ ਅਲੀ ਵਜੋਂ ਹੋਈ ਹੈ, ਜਿਨ੍ਹਾਂ ਦੀ ਉਮਰ ਤੀਹ ਸਾਲ ਤੋਂ ਘੱਟ ਹੈ।
ਪੁਲਸ ਮੁਤਾਬਿਕ ਰੈਟ ਹੋਲ ਖਾਣ ਨੂੰ ਇੱਕ ਦੂਰ-ਦੁਰਾਡੇ ਪਹਾੜੀ ਚੋਟੀ 'ਤੇ ਗੈਰ-ਕਾਨੂੰਨੀ ਢੰਗ ਨਾਲ ਚਲਾਇਆ ਜਾ ਰਿਹਾ ਸੀ।ਘਟਨਾ ਐਤਵਾਰ ਸਵੇਰੇ 8.30 ਵਜੇ ਦੇ ਕਰੀਬ ਉਸ ਸਮੇਂ ਵਾਪਰੀ ਜਦੋਂ ਖਾਣ ਵਾਲੇ ਕੋਲਾ ਕੱਢਣ ਲਈ ਖਾਣ ਵਿਚ ਦਾਖਲ ਹੋਏ।ਖਾਣ ਦੇ ਅੰਦਰੋਂ ਮੀਥੇਨ ਵਰਗੀ ਜ਼ਹਿਰੀਲੀ ਗੈਸ ਦੇ ਲੀਕ ਹੋਣ ਦਾ ਸ਼ੱਕ ਸੀ।ਇਸ ਮਾਮਲੇ ਵਿਚ ਪੰਜ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।ਲੋਕ ਲਾਸ਼ਾਂ ਨੂੰ ਦਫਨਾਉਣ ਅਤੇ ਘਟਨਾ ਨੂੰ ਦਬਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ।ਲਾਸ਼ਾਂ ਦਾ ਪੋਸਟਮਾਰਟਮ ਕਰਕੇ ਸਬੰਧਤ ਪਰਿਵਾਰਾਂ ਨੂੰ ਸੌਂਪ ਦਿੱਤਾ ਜਾਵੇਗਾ।