ਐਡਮੰਟਨ, 27 ਜੁਲਾਈ (ਪੋਸਟ ਬਿਊਰੋ) : ਪੋਪ ਫਰਾਂਸਿਸ ਅੱਜ ਐਡਮੰਟਨ ਛੱਡ ਕੇ ਕਿਊਬਿਕ ਲਈ ਰਵਾਨਾ ਹੋਣਗੇ। ਕੈਨੇਡਾ ਦੇ ਉਨ੍ਹਾਂ ਦੇ ਦੌਰੇ ਦਾ ਇਹ ਅਗਲਾ ਗੇੜ ਹੋਵੇਗਾ।
ਜਿਵੇਂ ਹੀ ਪਲੇਨ ਕਿਊਬਿਕ ਪਹੁੰਚੇਗਾਂ ਤਾਂ ਅਧਿਕਾਰੀਆਂ ਨਾਲ ਪੋਪ ਕਿਊਬਿਕ ਦੀ ਰਾਜਧਾਨੀ ਵਿੱਚ ਸਥਿਤ ਪਲੇਨਜ਼ ਆਫ ਅਬ੍ਰਾਹਮ ਦਾ ਦੌਰਾ ਕਰਨਗੇ।ਸਿਟੀ ਦੇ ਪੂਰਬ ਵੱਲ ਫਰਾਂਸਿਸ ਵੀਰਵਾਰ ਨੂੰ ਨੈਸ਼ਨਲ ਸ਼ਰਾਈਨ ਆਫ ਸੇਂਟ ਏਨ ਦ ਬਿਊਪਰੇ ਵਿਖੇ ਵੱਡੇ ਇੱਕਠ ਨੂੰ ਸੰਬੋਧਨ ਕਰਨਗੇ। ਫਿਰ ਉਹ ਚਰਚ ਦੇ ਅਧਿਕਾਰੀਆਂ ਨਾਲ ਨੌਤਰੇ ਡੈਮ ਡੀ ਕਿਊਬਿਕ ਦੇ ਕੈਥੇਡਰਲ ਬੈਸੀਲਿਕਾ ਜਾਣਗੇ।
ਸੁ਼ੱਕਰਵਾਰ ਨੂੰ ਥੋੜ੍ਹੀ ਦੇਰ ਇਕੁਆਲੁਇਟ ਰੁਕਣ ਤੋਂ ਬਾਅਦ ਉਹ ਵੈਟੀਕਨ ਪਰਤਣਗੇ।