ਨਵੀਂ ਦਿੱਲੀ, 26 ਜੂਨ, (ਪੋਸਟ ਬਿਊਰੋ)- ਪਿਛਲੇ ਮਹੀਨੇ ਕਤਲ ਕਰ ਦਿੱਤੇ ਗਏ ਪੰਜਾਬੀ ਗਾਇਕਸਿੱਧੂਮੂਸੇਵਾਲਾ ਦੇ ਐੱਸ ਵਾਈ ਐੱਲ ਗੀਤ ਉੱਤੇ ਪਾਬੰਦੀ ਲੱਗ ਗਈ ਤੇ ਯੂਟਿਊਬ ਨੇ ਇਹ ਗੀਤ ਆਪਣੇ ਚੈਨਲ ਤੋਂ ਹਟਾ ਦਿੱਤਾ ਹੈ। ਜਾਰੀ ਹੋਣ ਦੇ ਕੁਝ ਹੀ ਮਿੰਟਾਂ ਵਿੱਚ ਪ੍ਰਸਿੱਧੀ ਹਾਸਲ ਕਰਨ ਤੇ ਰਾਜਸੀ ਚਰਚੇ ਛੇੜਨ ਵਾਲੇ ਇਸ ਗੀਤ ਨੂੰ ਐਤਵਾਰ ਯੂਟਿਊਬ ਤੋਂ ਹਟਾ ਦਿੱਤਾ ਗਿਆ ਹੈ।ਵਰਨਣ ਯੋਗ ਹੈ ਕਿ ਇਸ ਗੀਤ ਦੇਨਾਲ ਸਤਲੁਜ-ਯਮਨਾ ਲਿੰਕ ਨਹਿਰ(ਐੱਸ ਵਾਈ ਐੱਲ)ਬਣਨ ਬਾਰੇ ਪੰਜਾਬ ਦੀ ਰਾਜਨੀਤੀ ਜ਼ੋਰਾਂਭਖ ਗਈ ਸੀ।ਇਸ ਵਿੱਚਮੂਸੇਵਾਲਾ ਨੇ ਐੱਸ ਵਾਈ ਐੱਲ ਅਤੇ ਬੰਦੀ ਸਿੰਘਾਂ ਦਾ ਮਸਲਾ ਜ਼ੋਰ ਨਾਲ ਚੁੱਕਿਆ ਸੀ।ਯੂਟਿਊਬ ਨੇ ਇਸ ਨੂੰ ਕਾਨੂੰਨੀ ਸ਼ਿਕਾਇਤ ਹੇਠ ਹਟਾਇਆਦੱਸਿਆ ਹੈ।
ਇਸ ਦੌਰਾਨ ਸਿੱਧੂਮੂਸੇਵਾਲਾ ਦਾ ਗੀਤ ‘ਐੱਸ ਵਾਈ ਐੱਲ’ ਰਿਲੀਜ਼ ਹੋਣ ਦੇ ਪਹਿਲਾਂ ਲੀਕ ਹੋ ਜਾਣ ਬਾਰੇ ਥਾਣਾ ਸਦਰ ਮਾਨਸਾ ਦੀ ਪੁਲਿਸ ਨੇ ਅਣਪਛਾਤੇ ਦੋਸ਼ੀ ਖਿਲਾਫ ਕੇਸ ਦਰਜ ਕੀਤਾ ਹੈ। ਥਾਣਾ ਮੁਖੀ ਬੇਅੰਤ ਕੌਰ ਨੇ ਦੱਸਿਆ ਕਿ ਸ਼ੁਭਦੀਪ ਸਿੰਘ ਸਿੱਧੂਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਵਾਸੀ ਮੂਸਾ ਨੇ ਪੁਲਿਸ ਨੂੰ ਬਿਆਨ ਦਰਜ ਕਰਵਾਇਆ ਹੈ ਕਿ ਉਸ ਦਾ ਪੁੱਤਰ ਸਵਰਗੀਸਿੱਧੂਮੂਸੇਵਾਲਾ ਕਲਾਕਾਰ ਸੀ। ਉਸ ਦਾ ਗੀਤ ‘ਐੱਸ ਵਾਈ ਐੱਲ’ ਉਨ੍ਹਾਂ ਨੇ 23 ਜੂਨ 2022 ਨੂੰ ਸ਼ਾਮ 6 ਵਜੇ ਰਿਲੀਜ਼ ਕਰਨਾ ਸੀ, ਉਸ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਨੇ 20 ਜੂਨ 2022 ਨੂੰ ਲੀਕ ਕਰ ਦਿੱਤਾ ਸੀ। ਜਾਂਚ ਅਧਿਕਾਰੀ ਨੇ ਦੱਸਿਆ ਕਿ ਇਸ ਬਾਰੇਅਣਪਛਾਤੇ ਵਿਅਕਤੀ ਖਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ।