ਸੋਲਨ, 16 ਮਈ (ਪੋਸਟ ਬਿਊਰੋ)- ਸੋਲਨ ਜ਼ਿਲ੍ਹੇ ਦੇ ਧਰਮਪੁਰ ਨਾਲ ਲੱਗਦੇ ਸਨਾਵਰ ਦੇ ਜੰਗਲ ਵਿੱਚ ਭਿਆਨਕ ਅੱਗ ਲੱਗਣ ਨਾਲ ਉਥੇ ਈਕੋ ਕੈਂਪ ਚੰਦ ਮਿੰਟਾਂ ਵਿੱਚ ਸਵਾਹ ਹੋ ਗਿਆ।
ਕੈਂਪ ਦੇ ਮਾਲਕ ਅਤੇ ਉਪਪ੍ਰਧਾਨ ਨੇ ਦੱਸਿਆ ਕਿ ਕੈਂਪ ਅਤੇ ਕਾਟੇਜ, ਰਿਸੈਪਸ਼ਨ ਅਤੇ ਹੋਰ ਸਾਮਾਨ ਸਵਾਹ ਹੋ ਗਿਆ ਹੈ ਅਤੇ ਅੱਗ ਨਾਲ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਇਸੇ ਤਰ੍ਹਾਂ ਕਸੌਲੀ ਦੇ ਜੰਗਲਾਂ ਵਿੱਚ ਕੱਲ੍ਹ ਦੁਪਹਿਰ ਅੱਗ ਲੱਗਣ ਨਾਲ ਐਲਡ ਕਸੌਲੀ-ਪਰਵਾਣੂ ਰੋਡ ਦੇ ਨਾਲ ਦਾ ਜੰਗਲ ਸਵਾਹ ਹੋ ਗਿਆ। ਅੱਗ ਵੱਧਦੀ ਹੋਈ ਏਅਰਫੋਰਸ ਸਟੇਸ਼ਨ ਕਸੌਲੀ ਤਕ ਪਹੁੰਚ ਗਈ। ਜਾਣਕਾਰੀ ਮਿਲਦੇ ਹੀ ਜੰਗਲੀ ਖੇਤਰ ਕਸੌਲੀ, ਧਰਮਪੁਰ ਅਤੇ ਪਰਵਾਣੂ ਦੇ ਕਰਮਚਾਰੀ ਮੌਕੇ ਉੱਤੇ ਪਹੁੰਚੇ ਅਤੇ ਅੱਗਬੁਝਾਉਣ ਦੇ ਯਤਨ ਸ਼ੁਰੂ ਕੀਤੇ।ਅੱਗ ਬੁਝਾਉਂਦੇ ਸਮੇਂ ਵਿਭਾਗ ਦੇ ਦੋ ਕਰਮਚਾਰੀ ਤੇ ਇੱਕ ਸਥਾਨਕ ਵਿਅਕਤੀ ਇਸ ਦੀ ਲਪੇਟ ਵਿੱਚ ਆ ਗਿਆ। ਜ਼ਖਮੀਆਂ ਨੂੰ ਮਿਲਟਰੀ ਹਸਪਤਾਲ ਪਹੁੰਚਾਇਆ ਗਿਆ ਤੇਫਿਰ ਮੈਕਸ ਹਸਪਤਾਲ ਚੰਡੀਗ਼ੜ੍ਹ ਰੈਫਰ ਕਰ ਦਿੱਤਾ ਗਿਆ ਹੈ। ਅੱਗ ਉੱਤੇ ਕਾਬੂ ਪਾਉਣ ਲਈ ਸੈਨਾ ਦੇ ਹੈਲੀਕਾਪਟਰ ਨਾਲ ਪਾਣੀ ਦੀ ਬੌਛਾੜ ਕੀਤੀ ਗਈ।