ਓਟਵਾ, 26 ਮਈ (ਪੋਸਟ ਬਿਊਰੋ): ਓਟਵਾ ਦੇ ਇਕ 35 ਸਾਲਾ ਜੋਸ਼ੂਆ ਬਲੇਅਰ 'ਤੇ ਇੱਕ ਲਾਪਤਾ ਔਰਤ ਦੇ ਕਥਿਤ ਕਤਲ ਵਿੱਚ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ, ਜਿਸਨੂੰ ਆਖਰੀ ਵਾਰ ਮਾਰਚ ਵਿੱਚ ਸੈਂਟਰਟਾਊਨ ਵਿੱਚ ਦੇਖਿਆ ਗਿਆ ਸੀ। ਬੀਤੀ 2 ਅਪ੍ਰੈਲ ਨੂੰ ਪੁਲਿਸ ਨੇ 54 ਸਾਲਾ ਰਚੇਲ ਡੇਸਰੋਚਰਜ਼ ਨੂੰ ਲੱਭਣ ਵਿੱਚ ਜਨਤਾ ਤੋਂ ਮਦਦ ਮੰਗੀ। ਉਸਨੂੰ ਆਖਰੀ ਵਾਰ 14 ਮਾਰਚ ਨੂੰ ਮੈਕਡੋਨਲਡਜ਼ ਦੇ ਸਾਹਮਣੇ ਐਲਗਿਨ ਸਟਰੀਟ 'ਤੇ ਦੇਖਿਆ ਗਿਆ ਸੀ। ਪੁਲਸ ਨੇ ਕਿਹਾ ਕਿ ਰਚੇਲ ਦੇ ਅਵਸ਼ੇਸ਼ ਅਜੇ ਤੱਕ ਬਰਾਮਦ ਨਹੀਂ ਹੋਏ ਹਨ, ਜਾਂਚਕਰਤਾਵਾਂ ਮੰਨ ਰਹੇ ਹਨ ਕਿ ਉਸਨੂੰ ਦਾ ਕਤਲ ਕੀਤਾ ਗਿਆ ਸੀ ਅਤੇ ਲਾਸ਼ ਇੱਕ ਸਥਾਨਕ ਲੈਂਡਫਿਲ ਵਿੱਚ ਸਥਿਤ ਹੋ ਸਕਦੀ ਹੈ, ਜਿੱਥੇ ਖੋਜ ਦੇ ਯਤਨ ਜਾਰੀ ਹੈ। ਮੁਲਜ਼ਮ 'ਤੇ ਦੂਜੀ-ਡਿਗਰੀ ਕਤਲ ਅਤੇ ਇੱਕ ਲਾਸ਼ ਦੀ ਬੇਅਦਬੀ ਦਾ ਦੋਸ਼ ਲਾਇਆ ਗਿਆ ਹੈ। ਉਸ ਨੂੰ ਐਤਵਾਰ ਸਵੇਰੇ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ।
     ਪੁਲਸ ਨੇ ਘਟਨਾ ਬਾਰੇ ਜਾਣਕਾਰੀ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਓਟਾਵਾ ਪੁਲਿਸ ਸੇਵਾ ਹੋਮੀਸਾਈਡ ਯੂਨਿਟ 613-236-1222, ਐਕਸਟੈਂਸ਼ਨ 5493, ਜਾਂ ਕ੍ਰਾਈਮ ਸਟੌਪਰਸ ਨੂੰ ਗੁਮਨਾਮ ਰਹਿਣ ਲਈ 1-800-222-8477 'ਤੇ ਕਾਲ ਕਰਨ ਦੀ ਅਪੀਲ ਕੀਤੀ ਹੈ।