ਓਟਵਾ, 26 ਮਈ (ਪੋਸਟ ਬਿਊਰੋ) : ਇੱਕ ਹਾਈ ਸਕੂਲ ਅਧਿਆਪਕ, ਜੋ ਕਿ ਇੱਕ ਐੱਸਯੂਵੀ ਚਲਾ ਰਿਹਾ ਸੀ, ਜਿਸ ‘ਚ ਕਿ ਚਾਰ ਨਾਬਾਲਗ ਕੁੜੀਆਂ ਸਨ, ਕੋਬਲ ਹਿਲਜ਼ ਰੋਡ ਅਤੇ ਥੋਰਨਡੇਲ ਰੋਡ ਦੇ ਚੌਰਾਹੇ 'ਤੇ ਇੱਕ ਟਰੈਕਟਰ ਟ੍ਰੇਲਰ ਨਾਲ ਟਕਰਾ ਗਈ। ਜਿਸ ‘ਚ ਸਾਰੇ ਕਾਰ ਸਵਾਰਾਂ ਦੀ ਮੌਤ ਹੋ ਗਈ। ਉਹ ਡੋਰਚੇਸਟਰ ਵਿੱਚ ਇੱਕ ਸਕੂਲ ਸਾਫਟਬਾਲ ਟੂਰਨਾਮੈਂਟ ਤੋਂ ਵਾਕਰਟਨ ਘਰ ਜਾ ਰਹੇ ਸਨ। ਅਧਿਆਪਕ ਦੀ ਪਛਾਣ ਮੈਟ ਏਕਰਟ ਵਜੋਂ ਹੋਈ ਹੈ, ਜੋ ਕਿ ਇੱਕ ਸਕੂਲ ਕੋਚ ਸੀ ਅਤੇ ਓਵਨ ਸਾਊਂਡ ਜੂਨੀਅਰ ਬੀ ਨੌਰਥਸਟਾਰਸ ਲੈਕਰੋਸ ਕਲੱਬ ਦੇ ਵੀ ਸਹਾਇਕ ਕੋਚ ਸਨ। ਚਾਰ ਵਿਦਿਆਰਥਣਾਂ ਦੀ ਪਛਾਣ ਓਲੀਵੀਆ ਰਾਉਰਕੇ, ਰੋਵਨ ਮੈਕਲਿਓਡ, ਕੇਡੈਂਸ ਫੋਰਡ ਅਤੇ ਡੈਨਿਕਾ ਬੇਕਰ ਵਜੋਂ ਹੋਈ ਹੈ। ਐਤਵਾਰ ਸ਼ਾਮ ਨੂੰ ਉਨ੍ਹਾਂ ਦੇ ਸਕੂਲ, ਵਾਕਰਟਨ ਡਿਸਟ੍ਰਿਕਟ ਕਮਿਊਨਿਟੀ ਸਕੂਲ ਵਿੱਚ ਮੋਮਬੱਤੀਆਂ ਜਗਾ ਕੇ ਦੁੱਖ ਜਤਾਇਆ ਜਾਵੇਗਾ।