ਓਨਟਾਰੀਓ, 12 ਫਰਵਰੀ (ਪੋਸਟ ਬਿਊਰੋ) : ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਕਿੰਗਸਟਨ ਦੇ ਇੱਕ ਵਿਅਕਤੀ 'ਤੇ ਪਿਛਲੇ ਸਾਲ ਕਿੰਗਸਟਨ ਅਤੇ ਵੁਲਫ਼ ਆਈਲੈਂਡ 'ਤੇ ਦੋ ਘਰਾਂ ‘ਤੇ  ਹਮਲਿਆਂ ਦੇ ਸਬੰਧ ਵਿੱਚ ਮਾਮਲਾ ਦਰਜ ਕੀਤਾ ਹੈ। ਪਹਿਲੀ ਘਟਨਾ 22 ਅਗਸਤ, 2024 ਨੂੰ ਵੁਲਫ ਟਾਪੂ 'ਤੇ ਰੋਡ 96 'ਤੇ ਇਕ ਘਰ ਵਿਚ ਵਾਪਰੀ। ਉੱਥੇ ਹੀ ਇੱਕ ਮਹੀਨੇ ਬਾਅਦ, 23 ਸਤੰਬਰ, 2024 ਨੂੰ ਕਿੰਗਸਟਨ ਪੁਲਿਸ ਨੇ ਫਰੰਟਨੈਕ ਅਤੇ ਬਰੌਕ ਸੜਕਾਂ ਦੇ ਖੇਤਰ ਵਿੱਚ ਇੱਕ ਘਰ ‘ਤੇ ਹਮਲੇ ਦੀ ਸੂਚਨਾ ਮਿਲੀ। ਪੁਲਸ ਨੇ ਕਿਹਾ ਕਿ ਦੋ ਘਟਨਾਵਾਂ ਦੌਰਾਨ ਇੱਕ ਵਿਅਕਤੀ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ ਅਤੇ ਤਿੰਨ ਹੋਰਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਸਨ। ਪੁਲਿਸ ਨੂੰ ਸ਼ੱਕ ਹੈ ਕਿ ਘਟਨਾਵਾਂ ਜੁੜੀਆਂ ਹੋ ਸਕਦੀਆਂ ਹਨ ਅਤੇ ਓਪੀਪੀ ਅਤੇ ਕਿੰਗਸਟਨ ਪੁਲਿਸ ਸਰਵਿਸ ਵਿਚਕਾਰ ਇੱਕ ਸਾਂਝੀ ਜਾਂਚ ਸ਼ੁਰੂ ਕੀਤੀ ਗਈ ਸੀ।

ਮੰਗਲਵਾਰ ਨੂੰ, ਪੁਲਿਸ ਨੇ ਕਿੰਗਸਟਨ ਦੇ ਪੂਰਬੀ ਸਿਰੇ ਦੇ ਲਾਸਾਲੇ ਬੁਲੇਵਾਰਡ 'ਤੇ ਇੱਕ ਘਰ ਤੋਂ ਇੱਕ 29 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ। ਜਿਸ ‘ਤੇ ਵਿਅਕਤੀ ਕਈ ਹਮਲੇ ਕਰਨ ਅਤੇ ਭੰਨਤੋੜ ਕਰਨ ਅਤੇ ਘਰ ਵਿਚ ਦਾਖਲ ਹੋਣ ਦੇ ਦੋਸ਼ਾਂ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਮੁਲਜ਼ਮ ਹਾਲੇ ਵੀ ਹਿਰਾਸਤ ਵਿੱਚ ਹੈ ਅਤੇ ਉਸ ਨੂੰ 19 ਫਰਵਰੀ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਹੈ।