ਵਾਸਿ਼ੰਗਟਨ, 2 ਮਈ (ਪੋਸਟ ਬਿਊਰੋ): ਅਮਰੀਕਾ 'ਚ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇਕ ਪਿਤਾ ਨੇ ਮੋਟਾਪਾ ਘੱਟ ਕਰਨ ਦੀ ਕੋਸਿ਼ਸ਼ 'ਚ ਆਪਣੇ 6 ਸਾਲ ਦੇ ਬੇਟੇ ਨੂੰ ਟਰੇਡ ਮਿੱਲ 'ਤੇ ਘੰਟਿਆਂ ਤੱਕ ਭਜਾਉਂਦਾ ਰਿਹਾ। ਕਈ ਵਾਰ ਬੱਚਾ ਟਰੇਡ ਮਿੱਲ 'ਤੇ ਡਿੱਗਦਾ ਰਿਹਾ। ਇਸ ਦੇ ਬਾਵਜੂਦ ਉਸ ਦਾ ਪਿਤਾ ਉਸ ਨੂੰ ਟਰੇਡ ਮਿੱਲ ਭਜਾਉਣ ਲਈ ਮਜਬੂਰ ਕਰਦਾ ਰਿਹਾ। ਟ੍ਰੇਡ ਮਿੱਲ 'ਤੇ ਕਈ ਵਾਰ ਡਿੱਗਣ ਨਾਲ ਉਸ ਦਾ ਦਿਲ ਅਤੇ ਲੀਵਰ ਗੰਭੀਰ ਜ਼ਖਮੀ ਹੋ ਗਿਆ ਸੀ। ਇਸ ਤੋਂ ਇਲਾਵਾ ਸਾਹ ਲੈਣ ਦੀ ਗਤੀ ਵੀ ਬੇਕਾਬੂ ਰਹੀ। ਬਾਅਦ ਵਿੱਚ ਇਸ ਕਾਰਨ ਬੱਚੇ ਦੀ ਦਰਦਨਾਕ ਮੌਤ ਹੋ ਗਈ। ਨਿਊਯਾਰਕ ਟਾਈਮਜ਼ ਦੀ ਖਬਰ ਮੁਤਾਬਕ ਦੋਸ਼ੀ ਪਿਤਾ ਆਪਣੇ ਬੇਟੇ ਨੂੰ ਸਿਰਫ ਇਸ ਲਈ ਟਰੇਡ ਮਿੱਲ ਚਲਾਉਣ ਲਈ ਮਜਬੂਰ ਕਰਦਾ ਸੀ ਕਿਉਂਕਿ ਉਹ ਮੋਟਾ ਸੀ। ਜਦੋਂ ਮਾਂ ਨੇ ਅਦਾਲਤ 'ਚ ਘਟਨਾ ਦੀ ਵੀਡੀਓ ਦਿਖਾਈ ਤਾਂ ਉਸ ਦਾ ਦਿਲ ਟੁੱਟ ਗਿਆ।
ਹੈਰਾਨ ਕਰਨ ਵਾਲੀ ਘਟਨਾ 'ਚ ਬੱਚੇ ਦੇ ਪਿਤਾ 31 ਸਾਲਾ ਕ੍ਰਿਸਟੋਫਰ ਗ੍ਰੇਗਰ ਨੂੰ ਆਪਣੇ 6 ਸਾਲ ਦੇ ਬੇਟੇ ਕੋਰੀ ਮਾਈਕਿਓਲੋ ਨੂੰ ਟ੍ਰੈਡਮਿਲ 'ਤੇ ਦੌੜਨ ਲਈ ਮਜਬੂਰ ਕਰਦੇ ਦਿਖਾਇਆ ਗਿਆ ਹੈ। ਦੋਸ਼ੀ ਪਿਤਾ ਅਮਰੀਕਾ ਦੇ ਨਿਊਜਰਸੀ ਦਾ ਰਹਿਣ ਵਾਲਾ ਹੈ। ਆਪਣੇ ਬੇਟੇ ਨੂੰ ਫਿੱਟ ਰੱਖਣ ਦੇ ਜਨੂੰਨ ਵਿੱਚ ਉਹ ਉਸ ਨੂੰ ਟਰੇਡ ਮਿੱਲ ਭਜਾਉਣ ਲਈ ਮਜਬੂਰ ਕਰਦਾ ਸੀ। ਜੇ ਬੱਚਾ ਥੱਕ ਜਾਂਦਾ ਸੀ, ਤਾਂ ਉਹ ਉਸ 'ਤੇ ਜ਼ਬਰਦਸਤੀ ਕਰਦਾ ਸੀ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਬੱਚੇ ਦੇ ਟ੍ਰੇਡ ਮਿੱਲ ਤੋਂ ਫਿਸਲਣ ਅਤੇ ਡਿੱਗਣ ਤੋਂ ਬਾਅਦ ਵੀ ਪਿਤਾ ਉਸ ਨਾਲ ਜ਼ਬਰਦਸਤੀ ਅਤੇ ਦੁਰਵਿਵਹਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਜਦੋਂ ਅਦਾਲਤ 'ਚ ਪਿਤਾ ਨੂੰ ਕਾਤਲ ਐਲਾਨਣ ਦੇ ਮਾਮਲੇ ਦੀ ਸੁਣਵਾਈ ਸ਼ੁਰੂ ਹੋਈ ਤਾਂ ਵੀਡੀਓ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਮਾਂ ਆਪਣੇ ਹੰਝੂਆਂ 'ਤੇ ਕਾਬੂ ਨਾ ਰੱਖ ਸਕੀ ਅਤੇ ਕੋਰਟ ਰੂਮ 'ਚ ਹੀ ਰੋਣ ਲੱਗ ਪਈ।