ਇਸ ਵਿੱਚ ਕੋਈ ਸ਼ੱਕ ਨਹੀਂ ਰਿਹਾ ਕਿ ਵਰੁਣ ਧਵਨ ਨੇ ਆਲੀਆ ਭੱਟ ਤੋਂ ਦੂਰੀ ਬਣਾ ਲਈ ਹੈ। ਕਰਣ ਜੌਹਰ ਦੀ ਕੰਪਨੀ ਵਿੱਚ ਬਣਨ ਵਾਲੀ ਫਿਲਮ ‘ਰਣਭੂਮੀ’ ਬਾਰੇ ਲੰਬੇ ਸਮੇਂ ਤੋਂ ਵਰੁਣ ਦੇ ਨਾਲ ਆਲੀਆ ਦੀ ਜੋੜੀ ਕੰਮ ਕਰਨ ਦੀ ਚਰਚਾ ਜ਼ੋਰਾਂ 'ਤੇ ਸੀ। ਪਹਿਲਾਂ ਕਿਹਾ ਗਿਆ ਸੀ ਕਿ ਆਲੀਆ ਨੇ ਹਾਂ ਕਹਿ ਦਿੱਤੀ ਹੈ, ਸਿਰਫ ਤਰੀਕਾਂ ਦਾ ਤਾਲਮੇਲ ਕੀਤਾ ਜਾ ਰਿਹਾ ਹੈ। ਨਵੀਂ ਖਬਰ ਹੈ ਕਿ ‘ਰਣਭੂਮੀ’ ਵਿੱਚ ਵਰੁਣ ਅਤੇ ਕਿਆਰਾ ਅਡਵਾਨੀ ਦੀ ਜੋੜੀ ਕੰਮ ਕਰ ਰਹੀ ਹੈ।
ਜਾਣਕਾਰ ਸੂਤਰਾਂ ਅਨੁਸਾਰ ਆਲੀਆ ਦੇ ਨਾਂਅ ਨੂੰ ਹਟਾਉਣ ਵਿੱਚ ਵਰੁਣ ਦੀ ਭੂਮਿਕਾ ਰਹੀ ਹੈ। ‘ਸਟੂਡੈਂਟਸ ਆਫ ਦੀ ਈਅਰ’ ਦੇ ਇਲਾਵਾ ਵਰੁਣ-ਆਲੀਆ ‘ਦੁਲਹਨੀਆਂ’ ਸੀਰੀਜ਼ ਦੀਆਂ ਦੋ ਫਿਲਮਾਂ ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਦੋਵਾਂ ਦੀ ਚੰਗੀ ਕੈਮਿਸਟਰੀ ਮੰਨੀ ਜਾਂਦੀ ਹੈ। ਵਰੁਣ ਦੇ ਇੱਕ ਕਰੀਬੀ ਮੁਤਾਬਕ ਆਲੀਆ ਦੇ ਨਾਲ ਵਰੁਣ ਦੀ ਦੂਰੀ ਦਾ ਕਾਰਨ ਰਣਬੀਰ ਕਪੂਰ ਨੂੰ ਮੰਨਿਆ ਜਾ ਰਿਹਾ ਹੈ, ਜਿਨ੍ਹਾਂ ਦੇ ਆਲੀਆ ਇਨ੍ਹੀਂ ਦਿਨੀਂ ਬੇਹੱਦ ਕਰੀਬ ਮੰਨੀ ਜਾ ਰਹੀ ਹੈ। ਦੱਸਿਆ ਜਾਂਦਾ ਹੈ ਕਿ ਆਪਣੀ ਫਿਲਮ ‘ਸੂਈ ਧਾਗਾ’ ਬਾਰੇ ਵਰੁਣ ਨੇ ਆਲੀਆ ਨੂੰ ਮਿਲਣਾ ਚਾਹਿਆ ਸੀ। ਆਲੀਆ ਨੇ ਪਹਿਲਾਂ ਵਕਤ ਦਿੱਤਾ ਅਤੇ ਬਕੌਲ ਵਰੁਣ ਦੇ ਦੋਸਤ, ਫਿਰ ਮੁਲਾਕਾਤ ਕੈਂਸਲ ਕਰ ਕੇ ਰਣਬੀਰ ਨੂੰ ਮਿਲਣ ਤੁਰ ਗਈ।