ਭਾਰਤ ਦੇ ਮਹਾਨ ਸ਼ਤਰੰਜ ਖਿਡਾਰੀ ਵਿਸ਼ਵਨਾਥਨ ਆਨੰਦ 37 ਸਾਲਾਂ ਬਾਅਦ ਆਪਣੀ ਬਾਦਸ਼ਾਹਤ ਗੁਆ ਚੁੱਕੇ ਹਨ।ਉਹ ਹੁਣ ਦੇਸ਼ ਦੇ ਸਰਵੋਤਮ ਰੈਂਕਿੰਗ ਵਾਲਾ ਖਿਡਾਰੀ ਨਹੀਂ ਹਨ।ਗ੍ਰੈਂਡਮਾਸਟਰ ਡੀ ਗੁਕੇਸ (17) ਹੁਣ ਸਭ ਤੋਂ ਵਧੀਆ ਰੈਂਕਿੰਗ ਵਾਲਾ ਭਾਰਤੀ ਸ਼ਤਰੰਜ ਖਿਡਾਰੀ ਹੈ।ਆਨੰਦ ਨੇ ਤਿੰਨ ਦਹਾਕਿਆਂ ਤੋਂ ਵੱਧ ਸਮੇਂ ਬਾਅਦ ਭਾਰਤ ਦੇ ਚੋਟੀ ਦੇ ਸ਼ਤਰੰਜ ਖਿਡਾਰੀ ਦਾ ਤਾਜ ਗੁਆ ਦਿੱਤਾ ਹੈ।ਆਨੰਦ ਜੁਲਾਈ 1986 ਤੋਂ ਭਾਰਤ ਦੇ ਚੋਟੀ ਦੇ ਖਿਡਾਰੀ ਸਨ।
ਚੇਨਈ ਦਾ ਰਹਿਣ ਵਾਲਾ 17 ਸਾਲਾ ਗੁਕੇਸ਼ ਹਾਲ ਹੀ ਵਿੱਚ ਬਾਕੂ ਵਿੱਚ ਫਿਡੇ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ ਵਿੱਚ ਮੈਗਨਸ ਕਾਰਲਸਨ ਤੋਂ ਹਾਰ ਗਿਆ ਸੀ।ਹਾਲਾਂਕਿ, ਉਹ ਰੈਂਕਿੰਗ ਵਿੱਚ ਆਨੰਦ ਨੂੰ ਪਛਾੜ ਕੇ ਵਿਸ਼ਵ ਦੇ 8ਵੇਂ ਨੰਬਰ 'ਤੇ ਪਹੁੰਚ ਗਿਆ ਹੈ।ਗੁਕੇਸ਼ ਨੇ ਪਹਿਲੀ ਵਾਰ ਰੇਟਿੰਗ ਸੂਚੀ ਵਿੱਚ ਚੋਟੀ ਦੇ 10 ਵਿਚ ਪ੍ਰਵੇਸ਼ ਕੀਤਾ ਹੈ।ਪੰਜ ਵਾਰ ਦੇ ਵਿਸ਼ਵ ਚੈਂਪੀਅਨ ਆਨੰਦ ਹੁਣ 9ਵੇਂ ਸਥਾਨ 'ਤੇ ਹਨ।1 ਸਤੰਬਰ ਤੋਂ ਪ੍ਰਭਾਵੀ ਰੇਟਿੰਗ ਦੇ ਅਨੁਸਾਰ, ਗੁਕੇਸ਼ ਦੀ ਰੇਟਿੰਗ 2758 ਹੈ ਜਦੋਂ ਕਿ ਆਨੰਦ ਦੀ ਰੇਟਿੰਗ 2754 ਹੈ।ਗੁਕੇਸ਼ ਨੂੰ 1 ਅਗਸਤ ਤੋਂ ਰੇਟਿੰਗ ਸੂਚੀ ਵਿੱਚ ਤਿੰਨ ਸਥਾਨਾਂ ਦਾ ਫਾਇਦਾ ਹੋਇਆ ਹੈ।