ਨਵੀਂ ਦਿੱਲੀ, 13 ਮਾਰਚ (ਪੋਸਟ ਬਿਊਰੋ): ਭਾਰਤੀ ਫਿਲਮ ਆਰਆਰਆਰ ਦੇ ਗੀਤ ਨਟੂ-ਨਟੂ ਨੂੰ ਆਸਕਰ ਐਵਾਰਡ ਮਿਿਲਆ ਹੈ। ਇਹ ਭਾਰਤ ਦਾ ਦੂਜਾ ਆਸਕਰ ਅਵਾਰਡ ਹੈ। ਇਹ ਦੇਸ਼ ਲਈ ਮਾਣ ਵਾਲੀ ਗੱਲ ਹੈ। ਆਰਆਰਆਰ ਦੇ ਗੀਤ ਨਟੂ ਨਟੂ ਨੇ ਬੈਸਟ ਉਰੀਜਨਲ ਸਾਂਗ ਦੀ ਸ਼੍ਰੇਣੀ ਵਿੱਚ ਜਿੱਤ ਪ੍ਰਾਪਤ ਕੀਤੀ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੂੰ ਆਪਣਾ ਪਹਿਲਾ ਐਵਾਰਡ ਦਿ ਐਲੀਫੈਂਟ ਵਿਸਪਰਸ ਦੇ ਰੂਪ ਵਿੱਚ ਮਿਿਲਆ ਸੀ। ਭਾਰਤ ਦੇ ਸਾਰੇ ਲੋਕਾਂ ਨੇ ਆਰਆਰਆਰ ਦੀ ਟੀਮ ਨੂੰ ਵਧਾਈ ਦਿੱਤੀ ਹੈ। ਜਿਵੇਂ ਹੀ ਨਟੂ ਨਟੂ ਲਈ ਪੁਰਸਕਾਰ ਦਾ ਐਲਾਨ ਹੋਇਆ ਤਾਂ ਆਰਆਰਆਰ ਦੀ ਕਲਾਕਾਰ ਟੀਮ ਖੁਸ਼ੀ ਨਾਲ ਉਛਲ ਪਈ।
ਭਾਰਤੀ ਗਾਇਕਾਂ ਦੇ ਪ੍ਰਦਰਸ਼ਨ ਨਾਲ ਸਬੰਧਤ ਐਲਾਨ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਕੀਤਾ। ਦੀਪਿਕਾ ਲੂਈ ਵਿਟੋਨ ਦੇ ਕਾਲੇ ਰੰਗ ਦੇ ਬੇਹੱਦ ਖੂਬਸੂਰਤ ਗਾਊਨ 'ਚ ਨਜ਼ਰ ਆਈ। ਉਨ੍ਹਾਂ ਇੱਕ ਸੁੰਦਰ ਹਾਰ ਪਹਿਿਨਆ ਹੋਇਆ ਸੀ। ਫਿਲਮ 'ਆਰਆਰਆਰ' ਦੇ ਮੁੱਖ ਕਲਾਕਾਰ ਜੂਨੀਅਰ ਐਨਟੀਆਰ ਅਤੇ ਰਾਮ ਚਰਨ ਇੱਥੇ ਕਾਲੇ ਰੰਗ ਦਾ ਸੂਟ ਪਹਿਨੇ ਹੋਏ ਸਨ। ਐਲੀਫੈਂਟ ਵਿਸਪਰਰਜ਼ ਦੇ ਨਿਰਦੇਸ਼ਕ ਕਾਰਤੀਕੀ ਗੋਂਸਾਲਵੇਸ ਅਤੇ ਨਿਰਮਾਤਾ ਗੁਨੀਤ ਮੋਂਗਾ ਨੇ ਰੈੱਡ ਕਾਰਪੇਟ 'ਤੇ ਭਾਰਤੀ ਰੰਗਾਂ ਦਾ ਪਹਿਰਾਵਾ ਪਾਇਆ ਸੀ। ਲਾਸ ਏਂਜਲਸ ਵਿੱਚ ਆਯੋਜਿਤ ਹੋ ਰਹੇ ਮੋਸ਼ਨ ਪਿਕਚਰਜ਼ ਦੇ 95ਵੇਂ ਅਕੈਡਮੀ ਅਵਾਰਡਸ ਭਾਰਤ ਲਈ ਵੱਡੀ ਕਾਮਯਾਬੀ ਦਾ ਵਿਸ਼ਾ ਬਣ ਗਿਆ ਹੈ।