ਨਾਸਿਕ, 11 ਮਾਰਚ (ਪੋਸਟ ਬਿਊਰੋ): ਸੀਆਈਐੱਫਐੱਲ ਦਾ 36 ਸਾਲਾ ਜਵਾਨ ਗਣੇਸ਼ ਗੀਤੇ ਮਹਾਰਾਸਟਰ ਦੇ ਨਾਸਿਕ ਜ਼ਿਲੇ ਵਿੱਚ ਉਸ ਸਮੇਂ ਡੁੱਬ ਗਿਆ ਜਦੋਂ ਉਸਦਾ ਮੋਟਰਸਾਈਕਲ ਨਹਿਰ ਵਿਚ ਡਿੱਗ ਗਿਆ। ਇਸ ਦੇ ਨਾਲ ਹੀ ਮੋਟਰਸਾਈਕਲ ‘ਤੇ ਸਵਾਰ ਉਸ ਦੀ ਪਤਨੀ ਅਤੇ ਬੱਚੇ ਵਾਲ-ਵਾਲ ਬਚ ਗਏ। ਇੱਕ ਪੁਲਿਸ ਅਧਿਕਾਰੀ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਘਟਨਾ ਵੀਰਵਾਰ ਦੀ ਹੈ ਅਤੇ ਹਾਦਸੇ ਦੇ ਕਰੀਬ 20 ਘੰਟੇ ਬਾਅਦ ਉਸਦੀ ਲਾਸ਼ ਬਰਾਮਦ ਕੀਤੀ ਗਈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਜਵਾਨ ਸਾਲ 2011 ਵਿੱਚ ਸੀਆਈਐਸਐਫ ਵਿੱਚ ਭਰਤੀ ਹੋਇਆ ਸੀ। 36 ਸਾਲਾ ਗਣੇਸ਼ ਗੀਤੇ ਕਿਸੇ ਰਿਸ਼ਤੇਦਾਰ ਦੇ ਵਿਆਹ ਵਿਚ ਸਾਮਲ ਹੋਣ ਲਈ ਛੁੱਟੀ ’ਤੇ ਆਇਆ ਸੀ।