ਟੋਰਾਂਟੋ, 7 ਫਰਵਰੀ (ਪੋਸਟ ਬਿਊਰੋ) : ਮੰਗਲਵਾਰ ਸਵੇਰੇ ਟੋਰਾਂਟੋ ਦੇ ਵਾਟਰਫਰੰਟ ਵਿਖੇ ਲੇਕ ਓਨਟਾਰੀਓ ਦੇ ਬਰਫੀਲੇ ਪਾਣੀਆਂ ਵਿੱਚ ਡਿੱਗਣ ਵਾਲੇ ਵਿਅਕਤੀ ਨੂੰ ਐਮਰਜੰਸੀ ਅਮਲੇ ਵੱਲੋਂ ਬਚਾਅ ਲਿਆ ਗਿਆ।
ਇੱਕ ਵਿਅਕਤੀ ਦੇ ਪਾਣੀ ਵਿੱਚ ਡਿੱਗਣ ਦੀਆਂ ਖਬਰਾਂ ਦੇ ਕੇ ਐਮਰਜੰਸੀ ਅਮਲੇ ਨੂੰ ਸਵੇਰੇ 4:00 ਵਜੇ ਯੌਰਕ ਸਟਰੀਟ ਤੇ ਕੁਈਨਰ ਕੁਏ ਏਰੀਆ ਵਿੱਚ ਸੱਦਿਆ ਗਿਆ। ਪੁਲਿਸ ਵੱਲੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਇਹ ਵਿਅਕਤੀ ਇੱਟਾਂ ਦੀ ਕੰਧ ਤੇ ਬੇੜੇ ਦਰਮਿਆਨ ਪਾਣੀ ਵਿੱਚ ਡਿੱਗਿਆ। ਉਸ ਨੇ ਨਾਲ ਦੀ ਨਾਲ ਹੀ ਮਦਦ ਲਈ ਰੌਲਾ ਪਾਉਣਾ ਸੁ਼ਰੂ ਕਰ ਦਿੱਤਾ।ਨੇੜੇ ਖੜ੍ਹੇ ਇੱਕ ਵਿਅਕਤੀ ਨੇ ਉਸ ਦੀ ਚੀਕ ਪੁਕਾਰ ਸੁਣੀ ਤੇ ਉਸ ਨੂੰ ਲਾਈਫ ਪ੍ਰਿਜ਼ਰਵਰ ਦਿੱਤਾ।
ਐਮਰਜੰਸੀ ਅਮਲੇ ਨੇ ਮੌਕੇ ਉੱਤੇ ਪਹੁੰਚ ਕੇ ਪਾਣੀ ਵਿੱਚ ਪੌੜੀ ਲਾ ਕੇ ਇਸ ਵਿਅਕਤੀ ਨੂੰ ਬਾਹਰ ਕੱਢਿਆ। ਉਸ ਨੂੰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।