ਬਰੈਂਪਟਨ, 29 ਸਤੰਬਰ (ਪੋਸਟ ਬਿਊਰੋ) : ਸਿਟੀ ਆਫ ਬਰੈਂਪਟਨ ਵੱਲੋਂ ਬੀਤੇ ਦਿਨੀਂ ਰਸਮੀਂ ਤੌਰ ਉੱਤੇ ਟਰੌਇਰਜ਼ ਪਾਰਕ ਦਾ ਨਾਂ ਸ੍ਰੀ ਭਗਵਦ ਗੀਤਾ ਪਾਰਕ ਰੱਖਿਆ ਗਿਆ।
ਇਸ ਮੌਕੇ ਮੇਅਰ ਪੈਟ੍ਰਿਕ ਬ੍ਰਾਊਨ, ਬਰੈਂਪਟਨ ਦੇ ਮੰਦਰਾਂ ਦੇ ਪੰਡਿਤ, ਕਾਊਂਸਲਰਜ਼ ਤੇ ਕਮਿਊਨਿਟੀ ਮੈਂਬਰ ਹਾਜ਼ਰ ਸਨ।ਸ੍ਰੀ ਭਗਵਦ ਗੀਤਾ ਹਿੰਦੂਆਂ ਦਾ ਧਾਰਮਿਕ ਗ੍ਰੰਥ ਹੈ ਤੇ ਭਾਰਤ ਨਾਲ ਸਬੰਧਤ ਹੈ। ਇਹ ਪਾਰਕ ਬੱਚਿਆਂ ਦੇ ਖੇਡਣ, ਲੌਕਾਂ ਨੂੰ ਪਨਾਹ ਦੇਣ ਤੇ ਹੋਰਨਾਂ ਕਈ ਤਰ੍ਹਾਂ ਦੀਆਂ ਆਊਟਡੋਰ ਗਤੀਵਿਧੀਆਂ ਲਈ ਕੰਮ ਆਉਂਦਾ ਹੈ।
26 ਅਗਸਤ, 2022 ਨੂੰ ਬਰੈਂਪਟਨ ਦੀ ਸਿਟੀ ਕਾਊਂਸਲ ਵੱਲੋਂ ਟਰੌਇਰਜ਼ ਪਾਰਕ ਦਾ ਨਾਂ ਗੀਤਾ ਪਾਰਕ ਰੱਖਣ ਲਈ ਮਤਾ ਪਾਸ ਕੀਤਾ ਗਿਆ ਸੀ। 26 ਸਤੰਬਰ, 2022 ਨੂੰ ਸਪੈਸ਼ਲ ਕਾਊਂਸਲ ਮੀਟਿੰਗ ਵਿੱਚ ਇਸ ਨਾਂ ਵਿੱਚ ਸੋਧ ਕਰਦਿਆਂ ਹੋਇਆਂ ਇਸ ਦਾ ਨਾਂ ਸ੍ਰੀ ਭਗਵਦ ਗੀਤਾ ਪਾਰਕ ਰੱਖਣ ਦਾ ਮਤਾ ਪਾਸ ਕੀਤਾ ਗਿਆ।