ਟੋਰਾਂਟੋ, 20 ਸਤੰਬਰ (ਪੋਸਟ ਬਿਊਰੋ) : ਪਾਰਕਿੰਗ ਗੈਰਾਜ ਵਿੱਚ ਕਈ ਗੱਡੀਆਂ ਨੂੰ ਅੱਗ ਲੱਗ ਜਾਣ ਤੋਂ ਬਾਅਦ ਟੋਰਾਂਟੋ ਫਾਇਰ ਕ੍ਰਿਊ ਵੱਲੋਂ ਅਹਿਤਿਆਤਨ ਈਟਨ ਸੈਂਟਰ ਨੂੰ ਖਾਲੀ ਕਰਵਾ ਲਿਆ ਗਿਆ।
ਟੋਰਾਂਟੋ ਫਾਇਰ ਦੇ ਬੁਲਾਰੇ ਨੇ ਦੱਸਿਆ ਕਿ ਮਾਲ ਦੇ ਤੀਜੀ ਮੰਜਿ਼ਲ ਉੱਤੇ ਸਥਿਤ ਪਾਰਕਿੰਗ ਗੈਰਾਜ ਵਿੱਚ ਤਿੰਨ ਗੱਡੀਆਂ ਨੂੰ ਅੱਗ ਲੱਗ ਗਈ। ਫਾਇਰਫਾਈਟਰਜ਼ ਵੱਲੋਂ ਅੱਗ ਉੱਤੇ ਕਾਬੂ ਪਾ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਈਟਨ ਸੈਂਟਰ ਦੇ ਅੰਦਰੋਂ ਆ ਰਹੇ ਧੂੰਏ ਨੂੰ ਵੀ ਸਾਫ ਕੀਤਾ ਗਿਆ ਤੇ ਫਰਸਟ ਰਿਸਪਾਂਡਰਜ਼ ਵੱਲੋਂ ਨਾਲ ਲੱਗਦੀਆਂ ਮੰਜਿ਼ਲਾਂ ਦੀ ਜਾਂਚ ਵੀ ਕਰ ਲਈ ਗਈ।
ਮਾਲ ਨੂੰ ਖਾਲੀ ਕਰਵਾਏ ਜਾਣ ਮਗਰੋਂ ਈਟਨ ਸੈਂਟਰ ਦੇ ਬਾਹਰ ਵੱਡੀ ਗਿਣਤੀ ਵਿੱਚ ਲੋਕ ਇੱਕਠੇ ਹੋ ਗਏ। ਇਸ ਘਟਨਾ ਵਿੱਚ ਕਿਸੇ ਦੇ ਵੀ ਜ਼ਖ਼ਮੀ ਹੋਣ ਦੀ ਖਬਰ ਨਹੀਂ ਮਿਲੀ ਹੈ। ਟੋਰਾਂਟੋ ਫਾਇਰ ਵੱਲੋਂ ਸਾਰਿਆਂ ਨੂੰ ਇਸ ਇਲਾਕੇ ਵਿੱਚ ਜਾਣ ਤੋਂ ਵਰਜਿਆ ਗਿਆ। ਕੁਈਨ ਸਟਰੀਟ ਨੂੰ ਯੰਗ ਤੋਂ ਬੇਅ ਸਟਰੀਟ ਤੱਕ ਬੰਦ ਕਰ ਦਿੱਤਾ ਗਿਆ।