ਦੁਬਈ, 11 ਸਤੰਬਰ (ਪੋਸਟ ਬਿਊਰੋ)- ਏਸ਼ੀਆ ਕੱਪ ਦੇ ਫਾਈਨਲ ਮੁਕਾਬਲੇ ਵਿਚ ਸ੍ਰੀਲੰਕਾ ਨੇ ਪਾਕਿਸਤਾਨ ਨੂੰ 23 ਦੌੜਾਂ ਨਾਲ ਹਰਾ ਕੇ ਏਸ਼ੀਆ ਕੱਪ ਉਤੇ ਕਬਜ਼ਾ ਕਰ ਲਿਆ। ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।ਸ੍ਰੀਲੰਕਾ ਨੇ ਨਿਰਧਾਰਤ 20 ਓਵਰਾਂ ਵਿਚ ਛੇ ਵਿਕਟਾਂ ਦੇ ਨੁਕਸਾਨ ਨਾਲ 170 ਦੌੜਾਂ ਬਣਾਈਆਂ ਜਦਕਿ ਪਾਕਿਸਤਾਨ ਦੀ ਪੂਰੀ ਟੀਮ 147 ਦੌੜਾਂ ਕੇ ਹੀ ਆਊਟ ਹੋ ਗਈ।ਸ੍ਰੀਲੰਕਾ ਵਲੋਂ ਸਭ ਤੋਂ ਵੱਧ 45 ਗੇਂਦਾਂ ’ਤੇ 71 ਦੌੜਾਂ ਭਾਨੁਕਾ ਰਾਜਪਕਸੇ ਨੇ ਬਣਾਈਆਂ।ਪਾਕਿਸਤਾਨ ਵਲੋਂ ਸਭ ਤੋਂ ਵੱਧ ਤਿੰਨ ਵਿਕਟਾਂ ਹਾਰਿਸ ਰਾਊਫ ਨੇ ਹਾਸਲ ਕੀਤੀਆਂ।ਏਸ਼ੀਆ ਕੱਪ ਵਿਚ ਹੁਣ ਤਕ ਪਾਕਿਸਤਾਨ ਤੇ ਸ੍ਰੀਲੰਕਾ ਨੇ 23 ਮੈਚ ਖੇਡੇ ਹਨ ਜਿਨ੍ਹਾਂ ਵਿਚੋਂ ਪਾਕਿਸਤਾਨ ਨੇ 13 ਜਦਕਿ ਸ੍ਰੀਲੰਕਾ ਨੇ 10 ਮੈਚ ਜਿੱਤੇ ਹਨ।