ਮੱਲਪੁਰਮ, 11 ਅਗਸਤ (ਪੋਸਟ ਬਿਊਰੋ)- ਕੇਰਲ ਵਿੱਚਇੱਕ ਮਾਂ-ਪੁੱਤਨੇ ਸਖਤ ਮਿਹਨਤ ਤੇ ਦਿ੍ਰੜ੍ਹ ਇੱਛਾ ਸ਼ਕਤੀ ਦੇ ਸਹਾਰੇ ਕੇਰਲ ਪਬਲਿਕ ਸਰਵਿਸ ਕਮਿਸ਼ਨ (ਪੀ ਐਸ ਸੀ) ਦੀ ਪ੍ਰੀਖਿਆ ਵਿੱਚ ਇਕੱਠੇ ਸਫਲਤਾ ਹਾਸਲ ਕੀਤੀ ਹੈ। ਦੋਵੇਂ ਇਸ ਦੇ ਬਾਅਦ ਸਰਕਾਰੀ ਨੌਕਰੀਆਂ ਕਰਿਆ ਕਰਨਗੇ।
42 ਸਾਲਾ ਬਿੰਦੂ ਤੇ ਉਨ੍ਹਾਂ ਦਾ 24 ਸਾਲਾ ਪੁੱਤਰ ਵਿਵੇਕ ਦੋਵੇਂ ਕਾਮਯਾਬੀ ਤੋਂ ਖੁਸ਼ ਹਨ। ਕੇਰਲ ਪੀ ਐਸ ਸੀ ਦਾ ਨਤੀਜਾ ਤਿੰਨ ਅਗਸਤ ਨੂੰ ਆਇਆ ਸੀ। ਵਿਵੇਕ ਨੇ ਲੋਅਰ ਡਵੀਜ਼ਨ ਕਲਰਕ (ਐਲ ਡੀ ਸੀ) ਦੀ ਪ੍ਰੀਖਿਆ ਵਿੱਚ 38ਵਾਂ ਰੈਂਕ ਹਾਸਲ ਕੀਤਾ ਅਤੇਬਿੰਦੂ ਨੇ ਐਲ ਸੀ ਐਸ ਪ੍ਰੀਖਿਆ ਵਿੱਚ 92ਵਾਂ ਰੈਂਕ ਲਿਆ।ਵਿਵੇਕ ਨੇ ਆਪਣੀ ਕਾਮਯਾਬੀ ਦਾ ਸਿਹਰਾ ਆਪਣੀ ਮਾਂ ਬਿੰਦੂ ਨੂੰ ਦਿੱਤਾ ਜਿਸ ਨੇ ਉਸ ਨੂੰ ਲਗਾਤਾਰ ਹੱਲਾਸ਼ੇਰੀ ਦਿੱਤੀ ਤੇ ਪਿਤਾ ਨੂੰਵੀ ਸਿਹਰਾ ਦਿੱਤਾ, ਜਿਸ ਨੇ ਉਸ ਲਈ ਸਾਰੇ ਪ੍ਰਬੰਧ ਕੀਤੇ ਸਨ। ਵਿਵੇਕ ਨੇ ਕਿਹਾ, ‘ਅਸੀਂ ਇਕੱਠੇ ਕੋਚਿੰਗ ਕਲਾਸ ਵਿੱਚ ਜਾਂਦੇ ਸੀ। ਸਾਨੂੰ ਆਪਣੇ ਅਧਿਆਪਕਾਂ ਤੋਂ ਬਹੁਤ ਪ੍ਰੇਰਨਾ ਮਿਲੀ। ਅਸੀਂ ਦੋਵਾਂ ਨੇ ਇਕੱਠੇ ਪੜ੍ਹਾਈ ਕੀਤੀ, ਪਰ ਇਹ ਆਸ ਨਹੀਂ ਸੀ ਕਿ ਅਸੀਂ ਇਕੱਠੇ ਪਾਸ ਹੋਵਾਂਗੇ। ਅਸੀਂ ਦੋਵੇਂ ਬਹੁਤ ਖੁਸ਼ ਹਾਂ।’ਵਿਵੇਕ ਨੇ ਕਿਹਾ ਕਿ ਉਸ ਦੀ ਮਾਂ ਦੀ ਇਹ ਚੌਥੀ ਕੋਸ਼ਿਸ਼ ਸੀ। ਉਹ ਪਿਛਲੀਆਂ ਕੋਸ਼ਿਸ਼ਾਂ ਵਿੱਚ ਨਾਕਾਮ ਰਹੀ ਸੀ। ਉਸ ਨੇ ਦੱਸਿਆ ਕਿ ਉਸ ਦੀ ਮਾਂ 10 ਸਾਲਾਂ ਤੋਂ ਆਂਗਣਵਾੜੀ ਅਧਿਆਪਕਾ ਵਜੋਂ ਕੰਮ ਕਰਦੀ ਹੈ। ਇਸ ਲਈ ਮਾਂ ਸਿਰਫ ਐਤਵਾਰ ਨੂੰ ਕੋਚਿੰਗ ਕਲਾਸਾਂ ਵਿੱਚ ਜਾਂਦੀ ਸੀ, ਪਰ ਉਹ ਰੋਜ਼ ਜਾਂਦਾ ਸੀ। ਵਿਵੇਕ ਨੇ ਦੱਸਿਆ ਉਸ ਦੀ ਮਾਂ ਦੀ ਇੱਛਾ ਆਈ ਸੀ ਡੀ ਐਸ (ਇੰਟੀਗ੍ਰੇਟਿਡ ਚਾਈਲਡ ਡਿਵੈਲਪਮੈਂਟ ਸਰਵਿਸ) ਦੀ ਸੁਪਰਵਾਈਜ਼ਰੀ ਦੀ ਪ੍ਰੀਖਿਆ ਪਾਸ ਕਰਨੀ ਸੀ, ਉਨ੍ਹਾਂ ਨੇ ਇਸ ਦੇ ਲਈ ਕੋਸ਼ਿਸ਼ਾਂ ਵੀ ਕੀਤੀਆਂ। ਇਹ ਵੱਖਰੀ ਗੱਲ ਹੈ ਕਿ ਉਨ੍ਹਾਂ ਨੂੰ ਉਸ ਵਿੱਚ ਕਾਮਯਾਬੀ ਨਹੀਂ ਮਿਲੀ, ਪਰ ਕੋਸ਼ਿਸ਼ਾਂ ਨੇ ਉਨ੍ਹਾਂ ਨੂੰ ਐਲ ਜੀ ਐਸ ਪਾਸ ਕਰਨ ਵਿੱਚ ਮਦਦ ਕੀਤੀ।