* ਸੱਚ ਦੀ ਆਵਾਜ਼ ਉੱਤੇ ਪੁਲਸੀ ਪਹਿਰਿਆਂ ਤੋਂ ਨਹੀਂ ਡਰਾਂਗੇ: ਕਾਂਗਰਸ
ਨਵੀਂ ਦਿੱਲੀ, 3 ਅਗਸਤ, (ਪੋਸਟ ਬਿਊਰੋ)- ਮਨੀ ਲਾਂਡਰਿੰਗ ਕੇਸ ਦੀ ਜਾਂਚ ਵਿੱਚਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ ਡੀ) ਨੇ ਅੱਜ ਵੱਡੀ ਕਾਰਵਾਈ ਕੀਤੀ ਅਤੇ ਕਾਂਗਰਸ ਨਾਲ ਜੁੜੇ ਨੈਸ਼ਨਲ ਹੈਰਾਲਡ ਅਖਬਾਰ ਦੇ ਦਫ਼ਤਰ ਵਿਚਲੇ‘ਯੰਗ ਇੰਡੀਆ ਕੰਪਨੀ’ ਦੇ ਅਹਾਤੇ ਨੂੰ ‘ਵਕਤੀ ਤੌਰ ਉੱਤੇ ਸੀਲ’ ਕਰ ਦਿੱਤਾ ਹੈ।
ਇਸ ਦੌਰਾਨ ਦਿੱਲੀ ਵਿੱਚ ਕਾਂਗਰਸ ਦੀ ਅੰਤ੍ਰਿਮ ਪ੍ਰਧਾਨ ਸੋਨੀਆ ਗਾਂਧੀ ਦੀ ਰਿਹਾਇਸ਼ 10-ਜਨਪਥ ਮੂਹਰੇ ਵਾਧੂ ਪੁਲਸ ਫੋਰਸਲਈ ਗਈ ਤੇ ਆਲ ਇੰਡੀਆ ਕਾਂਗਰਸ ਕਮੇਟੀ (ਏਆਈਸੀਸੀ) ਦੇ ਮੁੱਖ ਦਫਤਰਅੱਗੇਦਿੱਲੀ ਪੁਲਸ ਦੇ ਬੈਰੀਕੇਡ ਦੇਖੇ ਗਏ। ਕਾਂਗਰਸਨੇਟਵੀਟ ਕਰ ਕੇਇਸ ਕਾਰਵਾਈਬਾਰੇ ਕਿਹਾ:‘ਸੱਚ ਦੀ ਆਵਾਜ਼ ਪੁਲਸ ਤੋਂ ਨਹੀਂ ਡਰੇਗੀ, ਗਾਂਧੀ ਦੇ ਪੈਰੋਕਾਰ ਲੜ ਕੇਇਸ ਹਨੇਰੇ ਤੋਂਜਿੱਤਣਗੇ। ਨੈਸ਼ਨਲ ਹੈਰਾਲਡ ਦਾ ਦਫ਼ਤਰ ਸੀਲ ਕਰਨਾ, ਕਾਂਗਰਸ ਦਾਮੁੱਖ ਦਫ਼ਤਰ ਪੁਲਸ ਪਹਿਰੇ ਹੇਠ ਕੈਦ ਕਰਨਾ ਤਾਨਾਸ਼ਾਹ ਦੇ ਡਰ ਤੇ ਬੌਖਲਾਹਟ ਨੂੰ ਦਰਸਾਉਂਦਾ ਹੈ, ਪਰ ਮਹਿੰਗਾਈ ਤੇ ਬੇਰੁਜ਼ਗਾਰੀ ਦੇ ਸਵਾਲ ਫਿਰ ਵੀ ਪੁੱਛੇ ਜਾਣਗੇ।’
ਵਰਨਣ ਯੋਗ ਹੈ ਕਿ ਇਸ ਤੋਂ ਇੱਕ ਦਿਨ ਪਹਿਲਾਂ 1 ਅਗਸਤ ਨੂੰ ਇਸ ਕੇਸ ਦੀ ਜਾਂਚ ਵੇਲੇ ਕਾਂਗਰਸ ਦੀ ਮਾਲਕੀ ਵਾਲੇ ਅਖ਼ਬਾਰ ਨੈਸ਼ਨਲ ਹੈਰਾਲਡ ਦੇ ਦਫਤਰਅਤੇ 11 ਹੋਰ ਥਾਈਂਈਡੀ ਨੇ ਛਾਪੇਮਾਰੇ ਸਨ। ਅਧਿਕਾਰੀਆਂ ਅਨੁਸਾਰ ਛਾਪੇ-ਮਾਰੀ ਮਨੀ ਲਾਂਡਰਿੰਗ ਦੀ ਰੋਕਥਾਮ ਬਾਰੇ ਕਾਨੂੰਨ (ਪੀਐੱਮਐੱਲਏ) ਦੀਆਂ ਧਾਰਾਵਾਂ ਹੇਠ ਅਗਲੇਸਬੂਤਾਂ ਦੀ ਭਾਲਵਾਸਤੇ ਕੀਤੀ ਸੀ, ਤਾਂ ਜੋ ਪਤਾ ਲੱਗ ਸਕੇ ਕਿ ਪੈਸੇ ਦਾ ਲੈਣ-ਦੇਣ ਕਿਨ੍ਹਾਂ ਲੋਕਾਂ ਵਿਚਾਲੇ ਹੋਇਆ ਸੀ।
ਈ ਡੀ ਕਾਰਵਾਈ ਬਾਰੇ ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਕਿਹਾ, ‘ਕਾਂਗਰਸ ਹੈੱਡਕੁਆਰਟਰ ਤੇ 10-ਜਨਪਥ ਨੂੰ ਪੁਲਸ ਛਾਉਣੀ ਵਿੱਚ ਬਦਲਣ ਦੀ ਅੱਜ ਦੀ ਕਾਰਵਾਈ ਅਣਐਲਾਨੀ ਐਮਰਜੈਂਸੀ ਹੈ। ਨੈਸ਼ਨਲ ਹੈਰਾਲਡ (ਯੰਗ ਇੰਡੀਆ) ਦੇ ਦਫ਼ਤਰ ਨੂੰ ਜ਼ਬਰਦਸਤੀ ਸੀਲ ਕੀਤਾ ਗਿਆ। ਜੇ ਆਮ ਜਨਤਾ ਐੱਨਡੀਏ ਗੱਠਜੋੜ ਸਰਕਾਰ ਦੀ ਇਸ ਤਾਨਾਸ਼ਾਹੀ ਸਰਕਾਰ ਵਿਰੁੱਧ ਕਾਂਗਰਸ ਨਾਲ ਨਾ ਖੜੋਤੀ ਤਾਂ ਖਮਿਆਜ਼ਾ ਪੂਰੇ ਦੇਸ਼ ਨੂੰ ਭੁਗਤਣਾ ਪਵੇਗਾ।’
ਇਹ ਕੇਸ ਸਾਲ 2012 ਵਿੱਚ ਭਾਜਪਾ ਪਾਰਲੀਮੈਂਟ ਮੈਂਬਰ ਸੁਬਰਾਮਨੀਅਮ ਸਵਾਮੀ ਦੀਸਿ਼ਕਾਇਤ ਉੱਤੇ ਚੱਲਦੀ ਕਾਰਵਾਈ ਨਾਲ ਸਬੰਧਿਤ ਹੈ। ਉਸ ਨੇ ਗਾਂਧੀ ਪਰਿਵਾਰ ਤੇ ਹੋਰਨਾਂ ਉੱਤੇ ਧੋਖਾਧੜੀ ਅਤੇ ਫੰਡਾਂ ਦਾ ਗਬਨ ਦੀ ਸਾਜਿ਼ਸ਼ ਦਾ ਦੋਸ਼ ਲਾ ਕੇ ਕਿਹਾ ਸੀ ਕਿ ਇਸ ਵਿੱਚ‘ਯੰਗ ਇੰਡੀਅਨ’ ਨੇ 90.25 ਕਰੋੜ ਰੁਪਏ ਦੀ ਵਸੂਲੀ ਦਾ ਅਧਿਕਾਰ ਲੈਣ ਲਈ ਸਿਰਫ਼ 50 ਲੱਖ ਰੁਪਏ ਭੁਗਤਾਨ ਕੀਤਾ ਸੀ। ਫਰਵਰੀ 2021 ਵਿੱਚਦਿੱਲੀ ਹਾਈ ਕੋਰਟ ਨੇ ਸੁਬਰਾਮਨੀਅਮ ਸਵਾਮੀ ਦੀ ਪਟੀਸ਼ਨ ਉੱਤੇ ਗਾਂਧੀ ਪਰਿਵਾਰ ਨੂੰ ਨੋਟਿਸ ਭੇਜਿਆ ਸੀ। ਈਡੀ ਅਨੁਸਾਰ ਲਗਭਗ 800 ਕਰੋੜ ਰੁਪਏ ਜਾਇਦਾਦ ਏਜੇਐੱਲ ਕੋਲ ਹੈ ਅਤੇ ਜਾਂਚ ਏਜੰਸੀ ਜਾਣਨਾ ਚਾਹੁੰਦੀ ਹੈ ਕਿ ਯੰਗ ਇੰਡੀਅਨ ਵਰਗੀ ਗੈਰ-ਲਾਭਕਾਰੀ ਕੰਪਨੀ ਇਸ ਜ਼ਮੀਨ ਅਤੇ ਇਮਾਰਤ ਦੀਆਂ ਜਾਇਦਾਦਾਂ ਨੂੰ ਕਿਰਾਏ ਉੱਤੇ ਦੇਣ ਦੀਆਂ ਕਾਰੋਬਾਰੀ ਗਤੀਵਿਧੀਆਂ ਕਿਵੇਂ ਕਰਦੀ ਸੀ।