ਬਰਂੈਪਟਨ, 27 ਜੂਨ (ਪੌਸਟ ਬਿਊਰੋ) : ਸਿਟੀ ਆਫ ਬਰੈਂਪਟਨ ਵੱਲੋਂ 23 ਜੁਲਾਈ, 2022 ਲਈ ਸਿਵਲ ਮੈਰਿਜ ਸੈਰੇਮਨੀਜ਼ ਲਈ ਸਪੈਸ਼ਲ ਪ੍ਰਮੋਸ਼ਨ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ।
ਹੁਣ ਇਸ ਖਾਸ ਦਿਨ ਤੁਸੀਂ ਤੇ ਤੁਹਾਡਾ ਪਾਰਟਨਰ ਸਿਰਫ 75 ਡਾਲਰ ਵਿੱਚ ਫਾਰਮਰਜ਼ ਮਾਰਕਿਟ ਦੌਰਾਨ ਗੇਜ ਪਾਰਕ ਦੇ ਗਜ਼ੀਬੋ ਵਿੱਚ ਰਸਮੀ ਤੌਰ ਉੱਤੇ ਵਿਆਹ ਬੰਧਨ ਵਿੱਚ ਬੱਝ ਸਕਦੇ ਹੋਂ। ਇੱਥੇ ਲਿਮਿਟਿਡ ਥਾਂ ਹੀ ਉਪਲਬਧ ਹੈ। ਇਸ ਲਈ ਇਨ ਪਰਸਨ ਤੌਰ ਉੱਤੇ 13 ਜੁਲਾਈ, 2022 ਤੱਕ ਤੁਸੀਂ ਬੁਕਿੰਗ ਕਰਵਾ ਸਕਦੇ ਹੋਂ। ਇਸ ਬੁਕਿੰਗ ਸਮੇਂ ਪੂਰੀ ਰਕਮ ਵਸੂਲੀ ਜਾਵੇਗੀ। ਬੁਕਿੰਗ ਸਮੇਂ ਵੈਲਿਡ ਮੈਰਿਜ ਲਾਇਸੰਸ ਪੇਸ਼ ਕੀਤਾ ਜਾ ਸਕਦਾ ਹੈ ਜਾਂ 160 ਡਾਲਰ ਵਿੱਚ ਉਸੇ ਸਮੇਂ ਖਰੀਦਿਆ ਜਾ ਸਕਦਾ ਹੈ।
ਮੈਰਿਜ ਲਾਇਸੰਸ ਲਈ ਅਪੁਆਇੰਟਮੈਂਟ www.brampton.ca/skiptheline ਉੱਤੇ ਜਾਂ ਨਿਜੀ ਤੌਰ ਉੱਤੇ ਸਿਟੀ ਹਾਲ ਤੋਂ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਸਵੇਰੇ 8:30 ਵਜੇ ਤੋਂ ਸ਼ਾਮ ਦੇ 4:00 ਵਜੇ ਤੱਕ ਲਈ ਜਾ ਸਕਦੀ ਹੈ।
ਮੈਰਿਜ ਲਾਇਸੰਸ : ਵਿਆਹ ਦੀ ਤਿਆਰੀ ਕਰ ਰਹੇ ਹੋਂ? ਓਨਟਾਰੀਓ ਵਿੱਚ ਵਿਆਹ ਕਰਵਾਉਣ ਤੋਂ ਪਹਿਲਾਂ ਤੁਹਾਨੂੰ ਲਾਜ਼ਮੀ ਤੌਰ ਉੱਤੇ ਮੈਰਿਜ ਲਾਇਸੰਸ ਹਾਸਲ ਕਰਨਾ ਹੋਵੇਗਾ।ਮੈਰਿਜ ਲਾਇਸੰਸ ਸਬੰਧੀ ਹੋਰ ਵੇਰਵੇ ਸਿਟੀ ਆਫ ਬਰੈਂਪਟਨ ਤੋਂ ਹਾਸਲ ਕੀਤੇ ਜਾ ਸਕਦੇ ਹਨ।