ਅੱਲੂ ਅਰਜਨ ਦੀ ਫਿਲਮ ‘ਪੁਸ਼ਪਾ : ਦ ਰਾਈਜ਼’ ਵਿੱਚ ਮੁੱਖ ਵਿਲੇਨ ਦੇ ਰੋਲ ਵਿੱਚ ਨਜ਼ਰ ਆਏ ਸੁਨੀਲ ਜਲਦੀ ਹੀ ਬਾਲੀਵੁੱਡ ਵਿੱਚ ਆਪਣਾ ਡੈਬਿਊ ਕਰਨ ਵਾਲੇ ਹਨ। ਲਗਭਗ ਹਰ ਤੇਲਗੂ ਫਿਲਮ ਵਿੱਚ ਕਾਮੇਡੀਅਨ ਦਾ ਕਿਰਦਾਰ ਕਰਨ ਵਾਲੇ ਸੁਨੀਲ ਨੇ ‘ਪੁਸ਼ਪਾ’ ਵਿੱਚ ਰੈੱਡ ਸੈਂਡਲਵੁਡ ਸਮੱਗਲਰ ਮੰਗਲਮ ਸ਼੍ਰੀਨੁ ਦਾ ਕਿਰਦਾਰ ਕੀਤਾ ਸੀ। ਸੂਤਰਾਂ ਮੁਤਾਬਕ ‘ਪੁਸ਼ਪਾ’ ਦੀ ਸਫਲਤਾ ਪਿੱਛੋਂ ਸੁਨੀਲ ਨੂੰ ਬਾਲੀਵੁੱਡ ਤੋਂ ਵੀ ਕਈ ਆਫਰ ਮਿਲੇ ਹਨ।
ਦੱਸਿਆ ਜਾਂਦਾ ਹੈ ਕਿ ਇਨ੍ਹਾਂ ਵਿੱਚੋਂ ਦੋ ਆਫਰ ਸੁਨੀਲ ਨੇ ਸਾਈਨ ਕਰ ਲਏ ਹਨ। ਪਿੱਛੇ ਜਿਹੇ ਉਸ ਨੇ ਦੱਸਿਆ ਕਿ ਉਸ ਨੂੰ ਤਮਿਲ ਅਤੇ ਕੰਨੜ ਇੰਡਸਟਰੀ ਤੋਂ ਵੀ ਆਫਰ ਮਿਲਣ ਲੱਗੇ ਹਨ। ‘ਪੁਸ਼ਪਾ’ ਫਿਲਮ ਦੇ ਬਾਅਦ ਸੁਨੀਲ ਨੂੰ ਦੁਨੀਆ ਵਿੱਚ ਕਾਫੀ ਲੋਕਪ੍ਰਿਅਤਾ ਮਿਲੀ ਹੈ। ਫਿਲਮ ਵਿੱਚ ਉਸ ਦੇ ਕਿਰਦਾਰ ਨੂੰ ਲੋਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਸੀ।ਸੁਨੀਲ ਨੇ ਕਈ ਫਿਲਮਾਂ ਵਿੱਚ ਕਾਮਿਕ ਰੋਲ ਨਿਭਾਉਣ ਪਿੱਛੋਂ ਸਾਲ 2010 ਵਿੱਚ ਰਿਲੀਜ਼ ਹੋਈ ਐੱਸ ਐੱਸ ਰਾਜਾਮੌਲੀ ਦੀ ਫਿਲਮ ‘ਮਰਿਆਦਾ ਰਮੰਨਾ’ ਵਿੱਚ ਪਹਿਲੀ ਵਾਰ ਨੈਗੇਟਿਵ ਕਿਰਦਾਰ ਨਿਭਾਇਆ ਸੀ। ਇਸ ਦੇ ਬਿਨਾ ਕਈ ਫਿਲਮਾਂ ਵਿੱਚ ਉਹ ਲੀਡ ਐਕਟਰ ਦੇ ਤੌਰ ਉੱਤੇ ਵੀ ਨਜ਼ਰ ਆ ਚੁੱਕੇ ਹਨ।