ਪਟਨਾ, 18 ਜਨਵਰੀ (ਪੋਸਟ ਬਿਊਰੋ)- ਦੁਨੀਆ ਵਿੱਚ ਸਿੱਖਾਂ ਦੇ ਦੂਜੇ ਸਭ ਤੋਂ ਵੱਡੇ ਤਖ਼ਤ ਸ੍ਰੀ ਪਟਨਾ ਸਾਹਿਬ ਵਾਲੇ ਸ੍ਰੀ ਹਰਿਮੰਦਰ ਸਾਹਿਬ ਦੇ ਮੁੱਖ ਗ੍ਰੰਥੀ (70) ਭਾਈ ਰਾਜਿੰਦਰ ਸਿੰਘ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਗਰਦਨ ਕ੍ਰਿਪਾਨ ਨਾਲ ਕੱਟੀ ਗਈ ਸੀ। ਇਹ ਅਜੇ ਤੈਅ ਨਹੀਂ ਹੋ ਸਕਿਆ ਕਿ ਕਿਸੇ ਨੇ ਹੱਤਿਆ ਕਰਨ ਲਈ ਉਨ੍ਹਾਂ ਦੀ ਗਰਦਨ ਕੱਟੀ ਸੀ ਜਾਂ ਉਨ੍ਹਾਂ ਖੁਦ ਦੀ ਆਤਮ ਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਉਨ੍ਹਾਂ ਦਾ ਦਿਹਾਂਤ ਪਟਨਾ ਦੇ ਵੱਡੇ ਹਸਪਤਾਲ ਪੀ ਐਮ ਸੀ ਐਚ ਵਿੱਚ ਕੱਲ੍ਹ ਰਾਤ 2.45 ਵਜੇ ਇਲਾਜ ਦੌਰਾਨ ਹੋਇਆ। ਉਹ ਇੱਥੇ 13 ਜਨਵਰੀ ਤੋਂ ਦਾਖ਼ਲ ਸਨ।
ਹਸਪਤਾਲ ਵਿੱਚ ਉਨ੍ਹਾਨਾਲਰਹੇ ਉਨ੍ਹਾਂ ਦੇ ਪੁੁੱਤਰ ਦਯਾ ਸਿੰਘ ਨੇ ਦੱਸਿਆ ਕਿ ਪਿਤਾ ਜੀ ਦੀ ਸਿਹਤ ਵਿੱਚ ਤੇਜ਼ੀ ਨਾਲ ਸੁਧਾਰ ਹੋ ਰਿਹਾ ਸੀ। ਰਾਤ ਉਨ੍ਹਾਂ ਨੂੰ ਦਾਲ ਦੀਤਰੀ ਵੀ ਦਿੱਤੀ ਤੇ ਉਹ ਇਸ਼ਾਰੇ ਸਮਝਣ ਵਿੱਚ ਲੱਗੇ ਸਨ। ਅਚਾਨਕ ਦੇਰ ਰਾਤ ਸਾਹ ਲੈਣ ਵਿੱਚ ਤਕਲੀਫ ਹੋਣ ਉੱਤੇ ਡਾਕਟਰ ਨੂੰ ਬੁਲਾਇਆ ਗਿਆ। ਡਾਕਟਰਾਂ ਦੇ ਯਤਨਾਂ ਦੇ ਬਾਵਜੂਦ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਪੁੱਤਰ ਨੇ ਕਿਹਾ ਕਿ ਪੋਸਟਮਾਰਟਮ ਰਿਪੋਰਟ ਤੋਂ ਹੀ ਸੱਚ ਪਤਾ ਲੱਗ ਸਕੇਗਾ।