ਫਿਲਮਾਂ ਵਿੱਚ ਪਰਵਾਰਵਾਦ ਬਾਰੇ ਬਹਿਸ ਜਾਰੀ ਹੈ। ਕਰੀਨਾ ਕਪੂਰ ਖਾਨ ਵੱਲੋਂ ਇਸ ਸੰਬੰਧ ਵਿੱਚ ਪ੍ਰਤੀਕਿਰਿਆ ਆਈ ਹੈ। ਉਨ੍ਹਾਂ ਨੇ ਪਿੱਛੇ ਜਿਹੇ ਇੱਕ ਵੀਡੀਓ ਇੰਟਰਵਿਊ ਵਿੱਚ ਕਿਹਾ ਕਿ ਦਰਸ਼ਕ ਸਾਨੂੰ ਬਣਾਉਂਦੇ ਅਤੇ ਡੇਗਦੇ ਹਨ। ਉਨ੍ਹਾਂ ਨੇ ਹੀ ਸਟਾਰ ਕਿਡਸ ਨੂੰ ਸਟਾਰ ਬਣਾਇਆ ਹੈ। ਨਾ ਜਾਓ ਫਿਲਮਾਂ ਦੇਖਣ, ਕਿਸੇ ਨੇ ਜਬਰਦਸਤੀ ਨਹੀਂ ਕੀਤੀ। ਹੋ ਸਕਦਾ ਹੈ ਮੇਰੀ ਕਹਾਣੀ ਉਨ੍ਹਾਂ ਆਊਟਸਾਈਡਰਸ ਦੀ ਕਹਾਣੀ ਵਾਂਗ ਦਿਲਚਸਪ ਨਾ ਹੋਵੇ, ਜੋ ਕੇਵਲ ਦਸ ਰੁਪਏ ਲੈ ਕੇ ਮੁੰਬਈ ਆਏ ਹੋਣ, ਪਰ ਸੰਘਰਸ਼ ਮੈਂ ਵੀ ਕੀਤਾ ਹੈ। ਇਸ ਚੀਜ਼ ਦੇ ਲਈ ਮੈਂ ਕਿਸੇ ਤੋਂ ਮੁਆਫੀ ਨਹੀਂ ਮੰਗ ਸਕਦੀ ਹਾਂ ਕਿ ਮੈਨੂੰ ਵਿਸ਼ੇਸ਼ ਅਧਿਕਾਰ ਪ੍ਰਾਪਤ ਹੈ। ਕਹਾਣੀ ਛੋਟੀ-ਵੱਡੀ ਹੋ ਸਕਦੀ ਹੈ, ਪਰ ਉਂਗਲੀ ਉਠਾਉਣਾ ਗਲਤ ਹੈ।
ਕਰੀਨਾ ਦਾ ਕਹਿਣਾ ਹੈ, ਮੈਨੂੰ 21 ਸਾਲ ਹੋ ਗਏ ਇੰਡਸਟਰੀ ਵਿੱਚ ਕੰਮ ਕਰਦੇ ਹੋਏ, ਇਹ ਕੇਵਲ ਨੈਪੋਟਿਜ਼ਮ ਦੀ ਵਜ੍ਹਾ ਨਾਲ ਸੰਭਵ ਨਹੀਂ ਹੋ ਸਕਿਆ। ਮੇਰੇ ਕੋਲ ਲੰਬੀ ਲਿਸਟ ਹੈ, ਜਿਸ ਵਿੱਚ ਸੁਪਰਸਟਾਰ ਦੇ ਬੱਚੇ ਇੰਨੇ ਲੰਬੇ ਸਮੇਂ ਤੱਕ ਇੰਡਸਟਰੀ ਵਿੱਚ ਨਹੀਂ ਟਿਕ ਸਕੇ। ਡਾਕਟਰ ਵੀ ਸੋਚਦੇ ਹੋਣਗੇ ਕਿ ਉਨ੍ਹਾਂ ਦਾ ਬੇਟਾ ਡਾਕਟਰ ਬਣੇਗਾ। ਬਾਲੀਵੁੱਡ ਬੱਸ ਇੱਕ ਸੌਖਾ ਟਾਰਗੈਟ ਹੈ। ਅਕਸ਼ੈ ਕੁਮਾਰ, ਸ਼ਾਹਰੁਖ ਖਾਨ, ਆਯੁਸ਼ਮਾਨ ਖੁਰਾਣਾ, ਰਾਜਕੁਮਾਰ ਰਾਓ ਆਊਟਸਾਈਡਰਸ ਹਨ। ਉਹ ਸਫਲ ਐਕਟਰ ਹਨ, ਕਿਉਂਕਿ ਉਨ੍ਹਾਂ ਨੇ ਬਹੁਤ ਮਿਹਨਤ ਕੀਤੀ ਹੈ। ਅਸੀਂ ਵੀ ਮਿਹਨਤ ਕਰ ਰਹੇ ਹਾਂ।