ਨਵੀਂ ਦਿੱਲੀ, 2 ਅਪ੍ਰੈਲ (ਪੋਸਟ ਬਿਊਰੋ): ਭਾਰਤ ਨੇ ਕੋਰੋਨਾ ਮਰੀਜ਼ਾਂ ਦਾ ਇਲਾਜ ਕਰਨ ਲਈ 90 ਟਨ ਮੈਡੀਕਲ ਸਾਮਾਨ 29 ਮਾਰਚ ਨੂੰ ਹਵਾਈ ਕਾਰਗੋ ਨਾਲ ਸਰਬੀਆ ਦੀ ਰਾਜਧਾਨੀ ਬੇਲਗਰੇਡ ਭੇਜੇ ਹਨ। ਇਸ ਗੱਲ ਦਾ ਖੁਲਾਸਾ ਯੂਨਾਈਟੇਡ ਨੇਸ਼ਨ ਡਿਵਲਪਮੈਂਟ ਪ੍ਰੋਗਰਾਮ ਦੇ ਟਵੀਟ ਤੋਂ ਹੋਇਆ ਜੋਕਿ ਕੋਰੋਨਾ ਪ੍ਰਭਾਵਿਤ ਦੇਸ਼ਾਂ ਦੀ ਮੱਦਦ ਕਰ ਰਿਹਾ ਹੈ। ਇਸ 90 ਟਨ ਦੀ ਖੇਪ `ਚ 50 ਟਨ ਸਰਜੀਕਲ ਗਲਵਸ ਤੋਂ ਇਲਾਵਾ ਮਾਸਕ ਅਤੇ ਪ੍ਰੋਟੇਕਸ਼ਨ ਸੂਟ ਹਨ। ਇਸ ਖੇਪ ਦਾ ਬਕਾਇਦਾ ਕਸਟਮ ਕਲੀਅਰੈਂਸ ਆਦਿ ਹੋਇਆ ਹੈ ਪਰ ਸਿਹਤ ਮੰਤਰਾਲਾ ਕਹਿ ਰਿਹਾ ਹੈ ਕਿ ਉਸਨੂੰ ਇਸਦੀ ਕੋਈ ਜਾਣਕਾਰੀ ਨਹੀਂ ਹੈ।
ਇਹ ਸੌਦਾ ਤੱਦ ਹੋਇਆ ਹੈ ਜਦੋਂ ਕਿ ਦੇਸ਼ ਦੇ ਕਰੀਬ 100 ਡਾਕਟਰ ਕੋਰੋਨਾ ਮਰੀਜ਼ਾਂ ਦਾ ਇਲਾਜ ਕਰਦੇ ਹੋਏ ਠੀਕ ਬਚਾਅ ਸਮੱਗਰੀ ਦੀ ਘਾਟ ਦੇ ਚਲਦੇ ਖੁਦ ਕੋਰੋਨਾ ਦੀ ਚਪੇਟ `ਚ ਆ ਗਏ ਹਨ ਅਤੇ ਕਵਰਨਟਾਈਨ `ਚ ਹਨ। ਕੋਰੋਨਾ ਤੋਂ ਲੜਨ ਲਈ ਡਾਕਟਰ ਵਾਰ-ਵਾਰ ਸਰਕਾਰ ਤੋਂ ਬਚਾਅ ਸਮੱਗਰੀ ਉਪਲੱਬਧ ਕਰਾਉਣ ਦੀ ਮੰਗ ਕਰ ਰਹੇ ਹਨ।