ਬਾਲੀਵੁੱਡ ਅਭਿਨੇਤਰੀ ਸਵਰਾ ਭਾਸਕਰ ਅਕਸਰ ਹਰ ਮੁੱਦੇ 'ਤੇ ਆਪਣੇ ਬੇਬਾਕ ਵਿਚਾਰਾਂ ਦੀ ਵਜ੍ਹਾ ਨਾਲ ਚਰਚਾ ਵਿੱਚ ਰਹਿੰਦੀ ਹੈ। ‘ਵੀਰੇ ਦੀ ਵੈਡਿੰਗ’, ‘ਅਨਾਰਕਲੀ ਆਰਾ ਵਾਲੀ’, ‘ਰਾਝਣਾ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਸਵਰਾ ਨੇ ਐਕਟਿੰਗ ਦੇ ਦਮ 'ਤੇ ਇੰਡਸਟਰੀ ਵਿੱਚ ਅਲੱਗ ਪਛਾਣ ਬਣਾਈ ਹੈ। ਇੰਡਸਟਰੀ ਵਿੱਚ ਕਰੀਬ ਇੱਕ ਦਹਾਕਾ ਪੂਰਾ ਕਰ ਚੁੱਕੀ ਸਵਰਾ ਆਪਣੇ ਕਰੀਅਰ ਬਾਰੇ ਗੱਲ ਕਰਦੀ ਹੋਈ ਕਹਿੰਦੀ ਹੈ, ‘‘ਇਸ ਇੰਡਸਟਰੀ ਨੇ ਮੈਨੂੰ ਪਹਾੜੀਆਂ ਵਾਲੇ ਰਸਤੇ ਵਿੱਚ ਇਕਦਮ ਸਿੱਧਾ ਚੱਲਣਾ ਸਿਖਾਇਆ ਹੈ। ਜਦ ਮੈਂ ਇਸ ਇੰਡਸਟਰੀ ਵਿੱਚ ਆਈ ਸੀ ਤਾਂ ਇਥੇ ਕਿਸੇ ਨੂੰ ਨਹੀਂ ਜਾਣਦੀ ਸੀ, ਸਿਵਾਏ ਲੇਖਕ ਅੰਜੁਮ ਰਾਜਾਬਲੀ ਦੇ, ਜਿਨ੍ਹਾਂ ਦੇ ਦਫਤਰ ਵਿਚੱ ਮੈਂ ਰਿਹਾ ਕਰਦੀ ਸੀ। ਬਿਨਾਂ ਗੌਡ ਫਾਦਰ ਦੇ ਇਥੋਂ ਤੱਕ ਪਹੁੰਚੀ ਹਾਂ।”
ਸਈ ਮਾਇਨੇ ਵਿੱਚ ‘ਰਾਂਝਣਾ’ ਸਵਰਾ ਦੇ ਕਰੀਅਰ ਵਿੱਚ ਗੇਮ ਚੇਂਜਰ ਸਾਬਤ ਹੋਈ ਸੀ। ਸਵਰਾ ਕਹਿੰਦੀ ਹੈ, ‘‘ਰਾਂਝਣਾ ਦੀ ਰਿਲੀਜ਼ ਤੋਂ ਪਹਿਲਾਂ ਅਕਸਰ ਮੈਂ ਖੁਦ ਤੋਂ ਪੁੱਛਦੀ ਸੀ ਕਿ ਕੀ ਤੈਨੂੰ ਇਹ ਸਭ ਕੁਝ ਬੰਦ ਕਰ ਕੇ ਵਾਪਸ ਦਿੱਲੀ ਚਲੇ ਜਾਣਾ ਚਾਹੀਦਾ ਹੈ? ਪਰ ਕਿਸਮਤ ਨਾਲ ਚੰਗਾ ਕੰਮ ਤੇ ਚੰਗੇ ਲੋਕਾਂ ਦੇ ਨਾਲ ਜੁੜਨ ਦੇ ਮੌਕੇ ਆਪਣੇ ਆਪ ਮੈਨੂੰ ਮਿਲਦੇ ਰਹੇ ਅਤੇ ਸਫਰ ਚਲਦਾ ਰਿਹਾ।”