ਟੋਰਾਂਟੋ, 4 ਜੂਨ (ਪੋਸਟ ਬਿਊਰੋ): ਨਿਆਗਰਾ ਖੇਤਰ ਦੇ ਇਕ ਬੈਂਕ ਨੂੰ ਤਿੰਨ ਸ਼ੱਕੀਆਂ ਵੱਲੋਂ ਵੇਨਫਲੀਟ ਵਿੱਚ ਬੰਦੂਕ ਦੀ ਨੋਕ 'ਤੇ ਲੁੱਟਣ ਦੀ ਸੂਚਨਾ ਮਿਲੀ ਹੈ। ਇਹ ਵਾਰਦਾਤ 29 ਮਈ ਨੂੰ ਸ਼ਾਮ ਕਰੀਬ 4:35 ਵਜੇ ਹਾਈਵੇਅ 3 'ਤੇ ਇੱਕ ਮੈਰੀਡੀਅਨ ਕ੍ਰੈਡਿਟ ਯੂਨੀਅਨ ਵਿੱਚ ਵਾਪਰੀ। ਪੁਲਿਸ ਦਾ ਕਹਿਣਾ ਹੈ ਕਿ ਨਕਾਬਪੋਸ਼ ਸ਼ੱਕੀ ਹਥਿਆਰ ਦਿਖਾਉਂਦੇ ਹੋਏ ਬੈਂਕ ਵਿੱਚ ਦਾਖਲ ਹੋਏ ਅਤੇ ਨਕਦੀ ਦੀ ਮੰਗ ਕੀਤੀ। ਸ਼ੱਕੀਆਂ ਵਿੱਚੋਂ ਇੱਕ ਕੋਲ ਪਿਸਤੌਲ ਸੀ ਅਤੇ ਦੂਜੇ ਕੋਲ ਇੱਕ ਧਾਰੀਦਾਰ ਹਥਿਆਰ ਸੀ ਜੋ ਕਿ ਚਾਕੂ ਵਰਗਾ ਦਿਖਾਈ ਦਿੰਦਾ ਸੀ। ਡਕੈਤੀ ਤੋਂ ਬਾਅਦ ਸ਼ੱਕੀ ਚਿੱਟੇ ਹੌਂਡਾ ਸਿਵਿਕ ਐਕਸ ਵਿਚ ਮੌਕੇ ਤੋਂ ਭੱਜ ਗਏ।
ਪੁਲਿਸ ਦਾ ਕਹਿਣਾ ਹੈ ਕਿ ਵਾਹਨ ਨੂੰ ਆਖਰੀ ਵਾਰ ਹਾਈਵੇਅ 3 'ਤੇ ਤੇਜ਼ ਰਫ਼ਤਾਰ ਨਾਲ ਉੱਤਰ ਵੱਲ ਜਾਂਦੇ ਦੇਖਿਆ ਗਿਆ ਸੀ। ਪੁਲਿਸ ਨੇ ਆਲੇ ਦੁਆਲੇ ਦੇ ਦੁਕਾਨ ਮਾਲਕਾਂ ਅਤੇ ਨਿਵਾਸੀਆਂ ਨੂੰ, ਜਿਨ੍ਹਾਂ ਕੋਲ ਸ਼ਾਮ 4 ਵਜੇ ਦੇ ਦੀ ਵੀਡੀਓ ਫੁਟੇਜ ਹੈ, ਪੁਲਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ। ਪੁਲਿਸ ਨੇ ਸ਼ੱਕੀਆਂ ਅਤੇ ਉਨ੍ਹਾਂ ਦੇ ਵਾਹਨ ਦੀਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ ਹਨ।