ਵਾਸਿ਼ੰਗਟਨ, 19 ਸਤੰਬਰ (ਪੋਸਟ ਬਿਊਰੋ)- ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਐਤਵਾਰ ਨੂੰ ਇਕ ਇੰਟਰਵਿਊ ਵਿਚ ਕਿਹਾ ਹੈ ਕਿ ਜੇਕਰ ਚੀਨ ਤਾਇਵਾਨ ਉੱਤੇ ਹਮਲਾ ਕਰਦਾ ਹੈ ਤਾਂ ਅਮਰੀਕੀ ਸੈਨਾ ਤਾਈਵਾਨ ਦੀ ਰੱਖਿਆ ਕਰਨਗੇ।ਰਾਈਟਰਜ਼ ਦੇ ਅਨੁਸਾਰ, ਸੀਬੀਸੀ 60 ਮਿੰਟ ਦੀ ਇੰਟਰਵਿਊ ਵਿੱਚ ਬਾਈਡਨ ਨੂੰ ਪੁੱਛਿਆ ਗਿਆ ਸੀ ਕਿ ਕੀ ਅਮਰੀਕੀ ਬਲ ਸਵੈ-ਸ਼ਾਸਿਤ ਤਾਈਵਾਨ ਦੀ ਰੱਖਿਆ ਕਰਨਗੇ, ਜਿਸਦਾ ਚੀਨ ਦਾਅਵਾ ਕਰਦਾ ਹੈ।ਇਸ 'ਤੇ ਉਨ੍ਹਾਂ ਦਾ ਜਵਾਬ ਸੀ- ਹਾਂ, ਜੇਕਰ ਕੋਈ ਸੱਚਮੁੱਚ ਹਮਲਾ ਹੁੰਦਾ ਹੈ ਤਾਂ ਅਮਰੀਕੀ ਬਲ ਤਾਈਵਾਨ ਦੀ ਰੱਖਿਆ ਕਰਨਗੇ।
ਜਦੋਂ ਉਨ੍ਹਾਂ ਨੂੰ ਹੋਰ ਸਪੱਸ਼ਟਤਾ ਲਈ ਪੁੱਛਿਆ ਗਿਆ ਕਿ ਕੀ ਉਸਦਾ ਮਤਲਬ ਹੈ ਕਿ ਜੇ ਚੀਨ ਤਾਈਵਾਨ ਵਿਚ ਘੁਸਪੈਠ ਕਰਦਾ ਹੈ ਤਾਂ ਅਮਰੀਕੀ ਫੌਜੀ ਯੂਕਰੇਨ ਦੀ ਸਥਿਤੀ ਤੋਂ ਹਟ ਕੇ ਤਾਈਵਾਨ ਦੀ ਰੱਖਿਆ ਕਰਨਗੇ, ਬਾਈਡਨ ਨੇ ਜਵਾਬ ਦਿੱਤਾ "ਹਾਂ"।
ਜਿ਼ਕਰਯੋਗ ਹੈ ਕਿ ਇਸ ਸਾਲ ਅਗਸਤ ਦੇ ਸ਼ੁਰੂ ਵਿਚ, ਅਮਰੀਕੀ ਪ੍ਰਤੀਨਿਧੀ ਸਭਾ ਦੀ ਸਪੀਕਰ ਨੈਨਸੀ ਪੇਲੋਸੀ ਨੇ ਤਾਈਵਾਨ ਦਾ ਦੌਰਾ ਕੀਤਾ।ਇਸ ਤੋਂ ਬਾਅਦ ਡੈਮੋਕ੍ਰੇਟਿਕ ਪਾਰਟੀ ਦੇ ਸੈਨੇਟਰ ਐਡ ਮਾਰਕੀ ਦੀ ਅਗਵਾਈ ਵਿਚ ਅਮਰੀਕੀ ਸੰਸਦ ਦੇ ਇਕ ਵਫ਼ਦ ਨੇ ਤਾਇਵਾਨ ਦਾ ਦੌਰਾ ਕੀਤਾ।ਇਸ ਕਾਰਨ ਚੀਨ ਭੜਕ ਗਿਆ ਸੀ ਅਤੇ ਚੀਨ ਨੇ ਤਾਇਵਾਨ ਨੂੰ ਘੇਰ ਲਿਆ ਸੀ ਅਤੇ ਭੜਕਾਊ ਫੌਜੀ ਅਭਿਆਸ ਕੀਤਾ ਸੀ।